ମଙ୍ଗଳସୂତ୍ର କେମିତି ଖୋଲିଲା ହତ୍ୟାକାରୀ ସୋନମର ରହସ୍ୟ, ମେଘାଳୟ ପୋଲିସର ଚାଞ୍ଚଲ୍ୟକର ଖୁଲାସା, ଜାଣନ୍ତୁ

ରାଜା ରଘୁବଂଶୀ ହତ୍ୟା ମାମଲାର ସମସ୍ତ ଅଭିଯୁକ୍ତଙ୍କୁ ଶିଲଂ କୋର୍ଟରେ କରାଯାଇଥିଲା ହାଜର । ଏହା ପରେ ସୋନମ ରଘୁବଂଶୀ ଓ ଅନ୍ୟ ଚାରି ଅଭିଯୁକ୍ତଙ୍କୁ ଶିଲଂ ସଦର ପୋଲିସ ଷ୍ଟେସନର ପୃଥକ ସେଲରେ ରଖାଯାଇଛି । ତେବେ ଏହାରି ଭିତରେ ରାଜା ହତ୍ୟା ମାମଲାରେ ଅନେକ ଗୁରୁତ୍ୱପୂର୍ଣ୍ଣ ଖୁଲାସା ହୋଇଛି । ଏନେଇ ମେଘାଳୟ ପୋଲିସ ହାତରେ ଲାଗିଛି ଗୁରୁତ୍ୱପୂର୍ଣ୍ଣ ସୂଚନା । ପୋଲିସ କହିଛି ଯେ ସୋନମଙ୍କ ମଙ୍ଗଳସୂତ୍ର ହତ୍ୟା ମାମଲାକୁ ସମାଧାନ କରିବାରେ କରିଥିଲା ସାହାଯ୍ୟ ।

ମେଘାଳୟ ପୋଲିସ ଡିଆଇଜି ସୋନମଙ୍କ ମଙ୍ଗଳସୂତ୍ର ସମ୍ପର୍କରେ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି । ସେ କହିଛନ୍ତି ଯେ ସୋନମ ତାଙ୍କର ମଙ୍ଗଳସୂତ୍ର ହୋଟେଲରେ ହିଁ ଛାଡି ଦେଇଥିଲେ। ରିପୋର୍ଟ ଅନୁଯାୟୀ, ଡିଆଇଜି କହିଛନ୍ତି, ହୋମ ଷ୍ଟେର ରୁମରେ ରଖାଯାଇଥିବା ସୁଟକେସରୁ ମୁଦି ଓ ମଙ୍ଗଳସୂତ୍ର ମିଳିଥିଲା। ଏହି କାରଣରୁ ସନ୍ଦେହ ଆହୁରି ଘନୀଭୂତ ହୋଇଥିଲା । ହନିମୁନ୍ ସମୟରେ ଜଣେ ନବ ବିବାହିତ ମହିଳା ତାଙ୍କର ମଙ୍ଗଳସୂତ୍ର କାହିଁକି କାଢିବେ? ସନ୍ଦେହକୁ ତୀବ୍ର କରିଥିଲା ।

ସୋନମଙ୍କ ଅଭିଯୁକ୍ତ ପ୍ରେମିକ ରାଜ କୁଶୱାହା ଓ ଆକାଶ ରାଜପୁତଙ୍କୁ ସଦର ପୋଲିସ ଷ୍ଟେସନର ଗୋଟିଏ ସେଲରେ ରଖାଯାଇଛି । ବିଶାଲ ସିଂହ ଚୌହାନ ଓ ଆନନ୍ଦ ସିଂହ କୁର୍ମୀଙ୍କୁ ଅନ୍ୟ ଏକ ସେଲରେ ରଖାଯାଇଛି। ପୋଲିସ ସୋନମଙ୍କୁ ଖାଦ୍ୟ ଖାଇବାକୁ ଦେଇଥିଲା, ସେ ବି ସାମ୍ନାରେ ତାହା ଖାଇଥିଲା । କୋର୍ଟରେ ହାଜର ହେବା ପୂର୍ବରୁ ଓ ପରେ ସେ ବହୁତ ଶାନ୍ତ ଦେଖାଯାଉଥିଲା । ଅଭିଯୁକ୍ତଙ୍କ ଆଚରଣ ଉପରେ କଡ଼ା ନଜର ରଖିବା ପାଇଁ ପୋଲିସ ସଦର ପୋଲିସ ଷ୍ଟେସନ ଓ ସମସ୍ତ ସେଲରେ ଅନେକ ସିସିଟିଭି କ୍ୟାମେରା ଲଗାଇଛି ।

ଘଟଣା ପରେ ଅଭିଯୁକ୍ତଙ୍କ ସ୍ଥାନ ଏବଂ ଗତିବିଧିର ମଧ୍ୟ ପୋଲିସ ତଦନ୍ତ କରୁଛି । ହତ୍ୟା ପରେ, ଅଭିଯୁକ୍ତ ଶିଲଂରୁ ଗୌହାଟି, ତା’ପରେ ଇନ୍ଦୋର ଓ ଶେଷରେ ଗାଜିପୁର ଯାଇଥିଲେ। ଏହି ପରିପ୍ରେକ୍ଷୀରେ, ଯେତେବେଳେ ଅତିରିକ୍ତ ଏସପିଙ୍କୁ ପଚରାଗଲା ଯେ ଏହା ଏକ ନିର୍ଦ୍ଦିଷ୍ଟ ଗତିବିଧି ଢାଞ୍ଚା ଥିଲା କି, ସେ କହିଥିଲେ ଯେ ଏହା ଏପର୍ଯ୍ୟନ୍ତ ତଦନ୍ତର ବିଷୟ । ତଦନ୍ତ ଆଗକୁ ବଢ଼ିବା ସହିତ, ଆମେ ଅଧିକ ସୂଚନା ପାଇବୁ ଯେ ଏହି ଗତିବିଧି ଯୋଜନାବଦ୍ଧ ଥିଲା କି କେବଳ ଖସିଯିବାକୁ ଏକ ପ୍ରୟାସ ଥିଲା।