କାଲି ସତୀଶ କୌଶିକ ମହୀମାଙ୍କ ସହ ଖେଳିଲେ ହୋଲି, ଅଲି-ରିଚା ଙ୍କ ସହ କଲେ ବହୁତ ମଜା, ଆଉ ତା'ପରେ...
ବଲିଉଡର ଦିଗ୍ଗଜ ଅଭିନେତା ତଥା ଚଳଚ୍ଚିତ୍ର ନିର୍ମାତା ସତୀଶ କୌଶିକ ଙ୍କ ଦେହାନ୍ତ ହୋଇଛି । ତାଙ୍କୁ 66 ବର୍ଷ ବୟସ ହୋଇଥିଲା । ତାଙ୍କ ମୃତ୍ୟୁ ଖବର ଯୋଗୁଁ ବଲିଉଡରେ ଶୋକର ଲହରୀ ଖେଳିଯାଇଛି । ସେ ଜଣେ ଭଲ କଳାକାର ହେବା ସହିତ ଜଣେ ଭଲ ମଣିଷ ମଧ୍ୟ ଥିଲେ । ପରଦାରେ ଯେତେ କମେଡି ସତୀଶ କରୁଥିଲେ, ସେ ବାସ୍ତବ ଜୀବନରେ ସେତିକି ଭଲ ମଣିଷ ଥିଲେ । ମୃତ୍ୟୁ ପୂର୍ବରୁ ସେ ଇଣ୍ଡଷ୍ଟ୍ରିର ସାଙ୍ଗମାନଙ୍କ ସହିତ ହୋଲି ଜୋରରେ ଖେଳିଥିଲେ ।
ସତୀଶ କୌଶିକ ନିଜ ଟ୍ୱିଟର ଆକାଉଣ୍ଟରେ ହୋଲି ଉତ୍ସବର ଫଟୋ ସେୟାର କରିଥିଲେ । ଏହି ହୋଲି ଉତ୍ସବ ପାର୍ଟି ଶବାନା ଆଜମି ଙ୍କ ଘର ଜାନକୀ କୁଟିର ରେ ଅନୁଷ୍ଠିତ ହୋଇଥିଲା । ସେ ସମସ୍ତଙ୍କୁ ଶୁଭ ହୋଲି କାମନା କରିଥିଲେ ।
ସତୀଶ କୌଶିକ ନବ ବିବାହିତ ଅଲି ଫଜଲ ଏବଂ ରିଚା ଚଡା ଙ୍କ ସହ ହୋଲି ଖେଳିଥିଲେ । ଏହି ସମୟରେ ସେ ବହୁତ ଖୁସି ଥିବା ଦେଖାଯାଉଥିଲେ | ସତୀଶ କୌଶିକ ଅଭିନେତ୍ରୀ ମହିମା ଚୌଧୁରୀ ଙ୍କ ସହ ମଧ୍ୟ ହୋଲି ଖେଳିଥିଲେ । ଉଭୟଙ୍କୁ ନାଲି, ହଳଦିଆ ଏବଂ ସବୁଜ ରଙ୍ଗରେ ବୁଡ଼ିଥିବାର ଦେଖାଯାଇଥିଲା ।
ଆହୁରି ପଢନ୍ତୁ :- ଦେଖନ୍ତୁ ଭିଡ଼ିଓ: ଭଲ ଥିଲା ବେଳେ ଏମିତି ମଦ ସିଗାରେଟ୍ ପିଉଥିଲେ ଅଭିନେତା ପିଣ୍ଟୁ ନନ୍ଦ, ସାମ୍ନାକୁ ଆସିଲା ଭିଡ଼ିଓ
ଶବାନା ଆଜମି ଙ୍କ ଘରେ ଆୟୋଜିତ ପାର୍ଟୀରେ ସତୀଶ କୌଶିକ ବହୁତ ମଜା କରିଥିଲେ । ସେ ମଧ୍ୟ ହସି ହସି ଜାଭେଦ ଅଖତର ଙ୍କ ସହ ଫଟୋ ପାଇଁ ପୋଜ୍ ଦେଇଥିଲେ ।
Colourful Happy Fun #Holi party at Janki Kutir Juhu by @Javedakhtarjadu @babaazmi @AzmiShabana @tanviazmi.. met the newly wed beautiful couple @alifazal9 @RichaChadha.. wishing Happy Holi to everyone 🌹🌹🌹🌺🌺🌺🌺 #friendship #festival #Holi2023 #colors pic.twitter.com/pa6MqUKdku
— satish kaushik (@satishkaushik2) March 7, 2023
ଏହି ଫଟୋ ଗୁଡ଼ିକୁ ସେୟାର କରି ସତୀଶ କୌଶିକ ଲେଖିଛନ୍ତି, "ଜାଭେଦ ଅଖତର ଏବଂ ଶବାନା ଆଜମୀ ସେମାନଙ୍କ ଘର ଜାନକୀ କୁଟିରରେ ରଙ୍ଗୀନ ହୋଲି ପାର୍ଟୀ ଦେଇଛନ୍ତି । ନବ ବିବାହିତ ଅଲି ଫଜଲ ଏବଂ ରିଚା ଚଡା ଙ୍କୁ ଭେଟିଥିଲେ ।"
ସତୀଶ କୌଶିକ ଆହୁରି ମଧ୍ୟ ନିଜ ଟ୍ୱିଟରେ ଲେଖିଛନ୍ତି ଯେ ହୋଲି ସମସ୍ତଙ୍କୁ ଶୁଭେଚ୍ଛା । ସେ ତାଙ୍କ ଟ୍ୱିଟରେ ଫୁଲ ଇମୋଜି ଅନ୍ତର୍ଭୁକ୍ତ କରିଥିଲେ । ମାର୍ଚ୍ଚ 7 ରାତି 11.27 ରେ ସତୀଶ କୌଶିକ ଏହି ଟୁଇଟ୍ କରିଥିଲେ । ଆଉ ଏଇଟା ଥିଲା ତାଙ୍କର ଶେଷ ଟ୍ୱିଟ ।