ଘରଢ଼ିଙ୍କି କୁମ୍ଭୀର ସାଜିବେ କି ସୌମ୍ୟ ପଟ୍ଟନାୟକ? ଆସନ୍ତା ନିର୍ବାଚନରେ ହେବେ ମୁଖ୍ୟମନ୍ତ୍ରୀ ପ୍ରାର୍ଥୀ, ହଜିଲା ନବୀନ ବାବୁଙ୍କ ନିଦ

ଗତକିଛି ମାସ ଭିତରେ ଅନେକ ଗୁଜବ ଏବଂ ଚର୍ଚ୍ଚା ମଧ୍ୟରେ ରହିଛନ୍ତି ବିଜେଡ଼ି ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ। ସେ ଏପର୍ଯ୍ୟନ୍ତ ମନ୍ତ୍ରୀ ହୋଇପାରିଲେନି ସିନା, କେତେବେଳେ ଅନ୍ୟ କୌଣସି ରାଜ୍ୟର ରାଜ୍ୟପାଳ ହେବେ ବୋଲି ଖବର ଶୁଣିବାକୁ ମିଳୁଛି। କେବଳ ସେତିକି ନୁହେଁ ଆଗାମୀ ନିର୍ବାଚନରେ ସେ ଅନ୍ୟ ଏକ ଦଳ ପକ୍ଷରୁ ମୁଖ୍ୟମନ୍ତ୍ରୀ ପଦ ପାଇଁ ଲଢ଼ି ପାରନ୍ତି ବୋଲି ମଧ୍ୟ ଶୁଣିବାକୁ ମିଳୁଛି।

ଗୋଟିଏ ପଟେ ଏପରି ଖବର ଶୁଣିବାକୁ ମିଳୁଥିବା ବେଳେ ନିଜ ଖବରକାଗଜ ଜରିଆରେ ସୌମ୍ୟ ଯେଉଁଭଳି ଭାବରେ ୫-ଟି ସଚିବଙ୍କୁ ଟାର୍ଗେଟ୍ କରୁଛନ୍ତି। ସେଥିରୁ ଏହି ସବୁ ଗୁଜବ ସତ ପ୍ରମାଣିତ ହେବାରେ ଲାଗିଛି। ତାଙ୍କର ହାବଭାବକୁ ଦେଖିଲେ ସାରା ଓଡିଶା ରାଜନୀତି ବର୍ତ୍ତମାନ ସମୟରେ ଦ୍ଵନ୍ଦରେ ପଡିଛି। ତେବେ, ସୌମ୍ୟ ବିଜେଡିରେ ଥାଇ ମଧ୍ୟ ପ୍ରକୃତରେ କେଉଁ ଆଡକୁ ମୁହାଁଉଛନ୍ତି ତାହା ସ୍ପଷ୍ଟ ଜଣାପଡୁନାହିଁ।

ସୌମ୍ୟ କୁଆଡେ ବିଜେପି ମୁହାଁ ହେଉଥିବା ଅନେକେ କହୁଥିବା ବେଳେ ଅନ୍ୟ କିଛି ଖବର ମୁତାବକ ତାଙ୍କୁ କଂଗ୍ରେସକୁ ଆଣି ମୁଖ୍ୟମନ୍ତ୍ରୀ ପଦ ପାଇଁ ଛିଡ଼ା କରିବାକୁ କିଛି ଗୋଷ୍ଠୀ ଅଣ୍ଟା ଭିଡିଛନ୍ତି।

ମନ୍ତ୍ରୀପଦ ନ ମିଳିବାରୁ କୁଆଡେ ସୌମ୍ୟଙ୍କ ପେଟରେ ପେଟେ ରାଗ, ତାଙ୍କୁ ଆଉ ବିଜେଡିରେ ଭଲ ଲାଗୁନଥିବା ଶୁଣିବାକୁ ମିଳୁଛି। ଖାସ୍ କରି ନିଜ ଖବରକାଗଜ ଦ୍ୱାରା ୫-ଟି ସଚିବ ଭି.କେ ପାଣ୍ଡିଆନଙ୍କୁ ଟାର୍ଗେଟ କରିବାକୁ ଆଦୌ ପଛଘୁଞ୍ଚା ଦେଉନାହାଁନ୍ତି ସୌମ୍ୟ।

ଆହୁରି ପଢ଼ନ୍ତୁ:- ଦେଖନ୍ତୁ ଭିଡିଓ: ପାଣ୍ଡିଆନଙ୍କ ଖଣ୍ଡି ଓଡ଼ିଆ କହିବା ଷ୍ଟାଇଲକୁ ନକଲ କଲେ ପ୍ରଦୀପ ପାଣିଗ୍ରାହୀ, ଲୋକେ ହସିହସି ଗଡିଲେ