ବିଚ୍ ରାସ୍ତାରେ ଯୁବତୀଙ୍କୁ ମାଡ଼, ଟାଣିଓଟାରି ଗାଡ଼ିରେ ବସାଇ ନେଇଗଲେ ଦୁଇ ଯୁବକ, ଆଉ ତାପରେ... ଦେଖନ୍ତୁ ଭିଡ଼ିଓ
ଦିଲ୍ଲୀର ମଙ୍ଗୋଲପୁରୀ ଅଞ୍ଚଳରେ ଜଣେ ଯୁବତୀକୁ ନିର୍ଯାତନା ଦିଆଯିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓରେ ଏକ କାରରେ ଥିବା ଦୁଇଜଣ ଯୁବକ ଜଣେ ଯୁବତୀକୁ ମାଡ଼ ମାରିବା ସହ କାରରେ ବସିବାକୁ ବାଧ୍ୟ କରୁଥିବା ଦେଖିବାକୁ ମିଳିଛି। ଦିଲ୍ଲୀ ପୋଲିସ କହିଛି ଯେ କାରରେ ହରିୟାଣା ନମ୍ବର ପ୍ଲେଟ ଥିଲା ଏବଂ ଏହା ଏକ ଘରୋଇ କ୍ୟାବ ଥିଲା। ଭିଡିଓ ସାହାଯ୍ୟରେ ପୋଲିସ ଏହି ଲୋକଙ୍କୁ ଚିହ୍ନଟ କରିବା ଆରମ୍ଭ କରିଛି। ପୋଲିସର ସୂଚନାନୁସାରେ, ସିସିଟିଭି ଫୁଟେଜରୁ ଜଣାପଡିଛି ଯେ ଗୁରୁଗ୍ରାମର IFFCO ଛକ ନିକଟରେ ଶନିବାର ଦିନ ରାତି 11.30 ସମୟରେ କ୍ୟାବଟି ଶେଷ ଥର ପାଇଁ ଦେଖାଯାଇଥିଲା।
ରୋହିନୀରୁ ବିକାଶପୁରୀ ପର୍ଯ୍ୟନ୍ତ କ୍ୟାବ ବୁକ୍ କରାଯାଇଥିଲା
ପୋଲିସର ସୂଚନାନୁସାରେ, ଭିଡିଓରେ ଦେଖାଯାଇଥିବା ତିନି ଜଣ ବ୍ୟକ୍ତି ଉବର ଆପ୍ ଜରିଆରେ ରୋହିଣୀରୁ ବିକାଶପୁରୀ ପର୍ଯ୍ୟନ୍ତ ଏକ କ୍ୟାବ ବୁକ୍ କରିଥିଲେ। ଏହି କ୍ୟାବକୁ ଗୁରୁଗ୍ରାମର IFFCO ଛକ ନିକଟରେ ଶନିବାର ରାତି 11.30 ରେ ଦେଖାଯାଇଥିଲା। ରାସ୍ତାରେ ତିନିଜଣଙ୍କ ମଧ୍ୟରେ ଝଗଡା ହୋଇଥିଲା, ଏହି ସମୟରେ ପୁଅ ଯୁବତୀକୁ ଟାଣି ଆଣି କାରରେ ବସାଇଥିଲା ଏବଂ ପରେ ମାଡ଼ ମାରିଥିଲା। ଏହା ପରେ, କେଉଁ ଠାରେ ଓହ୍ଲାଇଲେ, ଏହାର ଅନୁସନ୍ଧାନ କରାଯାଉଛି।
Viral video of Girl being kidnapped from Mangolpuri.
— Atulkrishan (@iAtulKrishan) March 19, 2023
If it was for making reels strict action should be taken
Sharing thread of Investigation: pic.twitter.com/C54bDjZ1dN
ଭିଡିଓ ତିଆରି କରୁଥିବା ବ୍ୟକ୍ତି ମଧ୍ୟ ଟ୍ରାଫିକରେ ଥିଲେ, ଯିଏ ଏହି ପୁରା ଘଟଣାର ଭିଡିଓ ତିଆରି କରଛନ୍ତି। କେବଳ ଏତିକି ନୁହେଁ, କ୍ୟାବ୍ର ଡ୍ରାଇଭର ମଧ୍ୟ ତାଙ୍କୁ ସାହାଯ୍ୟ କରନ୍ତି ନାହିଁ। ଭିଡିଓ ସାମ୍ନାକୁ ଆସିବା ପରେ ଦିଲ୍ଲୀ ପୋଲିସ ନିଜେ ଏହି ଘଟଣାର ଯାଞ୍ଚ ଦାୟିତ୍ଵ ଗ୍ରହଣ କରିଛି। କ୍ୟାବ ମାଲିକଙ୍କୁ ଖୋଜିବା ପାଇଁ ଏହା ଗୁରୁଗ୍ରାମକୁ ଏକ ଟିମ୍ ପଠାଇଥିଲା।