ଦେଖନ୍ତୁ ଭିଡିଓ: ପ୍ରଧାମନ୍ତ୍ରୀଙ୍କ କାର ଆଗକୁ ଡେଇଁଲେ ଏହି ମହିଳା, ସୁରକ୍ଷା ବ୍ୟବସ୍ଥାକୁ ନେଇ ଉଠିଲା ପ୍ରଶ୍ନ
ସୁରକ୍ଷା ବ୍ୟବସ୍ଥାକୁ ନେଇ ବଡ ପ୍ରଶ୍ନ । ଦେଶର ପ୍ରଧାନମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥାରେ ଦେଖା ଦେଇଛି ବଡ ତ୍ରୁଟି । ପ୍ରଧାନମନ୍ତ୍ରୀଙ୍କ କାର ଆଗକୁ ଡେଇଁଲେ ଜଣେ ମହିଳା । କିଛି ଗୋଟେ ବଡ ଦୁର୍ଘଟଣା ଘଟିବା ପୂର୍ବରୁ ଡ୍ରାଇଭର୍ ମାରିଲେ ବ୍ରେକ୍ । ଏହା ପରେ ମହିଳା ଜଣଙ୍କୁ ଅଟକ ରଖି ପଚରା ଉଚରା କରିଛି ପୋଲିସ୍ ।
ତେବେ ଏଠାରେ ପ୍ରଶ୍ନ ଉଠୁଛି ସେ ମହିଳା ଜଣଙ୍କ କିଏ ଓ କାହିଁକି ଏପରି ହଠାତ୍ ପ୍ରଧାନମନ୍ତ୍ରୀଙ୍କ ଗାଡ଼ି ସାମ୍ନାକୁ ଆସିଲେ? ଏଇ କଣ ପ୍ରଧାନମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା । ଯେ କେହି ବି ସହଜରେ ଭେଦି ପାରିବ ।
ସୂଚନା ଯୋଗ୍ୟ , ବୁଧବାର ସକାଳେ ପ୍ରଧାନମନ୍ତ୍ରୀ ରାଞ୍ଚିରେ ତିଆରି ହୋଇଥିବା ବିର୍ସା ମେମୋରିଆଲ ପାଖକୁ ଯାଉଥିଲେ । ଏହି ସମୟରେ ଏସଏସପି ବାସ ଭବନ ପାଖରେ ଥିବା ରେଡିୟମ୍ ରୋଡରେ ମୋଦୀଙ୍କ କାର ଆଗକୁ ହଠାତ୍ ଜଣେ ମହିଳା ଦୌଡ଼ି ଚାଲି ଆସିଥିଲେ ।
ପୋଲିସର ପଚରା ଉଚରା ପରେ ଜଣା ପଡିଛି ଯେ , ମହିଳା ଜଣଙ୍କର କୌଣସି ଘରେଇ ସମସ୍ୟା ରହିଛି । ଯାହାକୁ କି ସେ ମୋଦୀଙ୍କୁ ଜଣାଇବା ପାଇଁ ଚାହିଁଥିଲେ ।
#WATCH | रांची में बुधवार को पीएम मोदी की सुरक्षा में बड़ी चूक हुई। पीएम मोदी की गाड़ी के सामने अचानक एक महिला कूद गई। चालक ने ब्रेक लगाकर हादसा होने से बचा लिया। pic.twitter.com/vTHHTBTdJM
— Hindustan (@Live_Hindustan) November 15, 2023
ଏଥି ପାଇଁ ମହିଳା ଜଣକ ରାସ୍ତାର ଗୋଟିଏ ପାର୍ଶ୍ୱରେ ଛିଡ଼ା ହୋଇ ଅପେକ୍ଷା କରି ଚାହିଁ ରହିଥିଲେ କେତେବେଳେ ପ୍ରଧାନମନ୍ତ୍ରୀ ସେହି ବାଟ ଦେଇ ଯିବେ ଏବଂ ସେ ତାଙ୍କୁ ଅଟକାଇବେ । ଯାହା ପରେ ସେ ଏମିତି କରିଥିଲେ ।