ଝିଅ ଓ ତା' ପ୍ରେମିକଙ୍କୁ ମାରି କୁମ୍ଭୀର ଭର୍ତ୍ତି ନଈରେ ଫିଙ୍ଗି ଦେଲେ ପରିବାର ଲୋକେ, ଜାଣନ୍ତୁ ପୂରା ଘଟଣା

ମଧ୍ୟପ୍ରଦେଶର ମୋରେନାରେ ଘଟିଥିବା ଏହି ଭୟଙ୍କର ଘଟଣା ସାମ୍ନାକୁ ଆସିଛି। ଏଠାରେ ଜଣେ ଝିଅର ସମ୍ପର୍କୀୟମାନେ ତାଙ୍କୁ ଏବଂ ତାଙ୍କ ପ୍ରେମିକକୁ ଗୁଳି କରି ହତ୍ୟା କରିଥିଲେ। କେବଳ ଏତିକି ନୁହେଁ। କ୍ରୁରତାର ସମସ୍ତ ସୀମା ଅତିକ୍ରମ କରି ସମ୍ପର୍କୀୟମାନେ ହତ୍ୟା ପରେ ପ୍ରେମିକ ଓ ଝିଅର ମୃତଦେହକୁ ଚାମ୍ବଲ ନଦୀରେ ଫିଙ୍ଗିଥିଲେ, ଯେଉଁଠାରେ ବହୁତ ମାତ୍ରାରେ କୁମ୍ଭୀର ଦେଖିବାକୁ ମିଳିଥାଏ। ଘଟଣାର ପ୍ରାୟ 15 ଦିନ ପରେ ପୋଲିସ ଏହି ମାମଲାର ଛାନବିନ୍ ଆରମ୍ଭ କରିଛି।

ବାସ୍ତବରେ, ମୋରେନାର ରତନବାସି ଗାଁର ଯୁବତୀ ଶିବାନୀ ତୋମାର ପଡୋଶୀ ଗାଁର ବାସିନ୍ଦା ରାଧେଶୟମ ତୋମାରଙ୍କ ସହ ପ୍ରେମ ସମ୍ପର୍କ ରଖିଥିଲେ। ଯୁବତୀ ଙ୍କ ପରିବାର ସଦସ୍ୟ ଏହାକୁ ବିରୋଧ କରିଥିଲେ। କୁହାଯାଉଛି ଯେ ଏହାପୂର୍ବରୁ ମଧ୍ୟ ଏ ସମ୍ପର୍କରେ ଅନେକ ଆଲୋଚନା ଏବଂ ବିବାଦ ହୋଇଥିଲା। ଯୁବତୀର ସମ୍ପର୍କୀୟମାନେ ଯୁବତୀ ଏବଂ ତାଙ୍କ ପ୍ରେମିକଙ୍କୁ ଜୁନ୍ ୩ ରେ ଘର ଭିତରେ ଗୁଳି କରିଥିଲେ। ଉଭୟଙ୍କୁ ହତ୍ୟା କରିବା ପରେ ସମ୍ପର୍କୀୟମାନେ ଯୁବକ ଓ ଯୁବତୀଙ୍କ ମୃତଦେହକୁ ପଥର ସହ ଅଖା ଭିତରେ ଭର୍ତ୍ତି କରି ଫିଙ୍ଗି ଦେଇଥିଲେ। ମୃତଦେହକୁ ଚାମ୍ବଲ ନଦୀରେ ଫିଙ୍ଗି ଦିଆଯାଇଥିଲା ଯେଉଁଠାରେ କୁମ୍ଭୀର ଅଛନ୍ତି। ସେମାନେ ଭାବିଥିଲେ କୁମ୍ଭୀରମାନେ ମୃତଦେହ ଦୁଇଟିକୁ ଖାଇଦେବେ ଓ ଆଉ କିଛି ଧରାପଡ଼ିବ ନାହିଁ।

ଘଟଣାର 3-4 ଦିନ ପରେ ଯୁବତୀଙ୍କ ପିତା ରାଧେଶାନ ସ୍ଥାନୀୟ ପୋଲିସ ଷ୍ଟେସନରେ ଅଭିଯୋଗ କରିଥିଲେ ଯେ ଝିଅ ଶିବାନୀଙ୍କ ସମ୍ପର୍କୀୟ ଉଭୟଙ୍କୁ ହତ୍ୟା କରିଛନ୍ତି।  ପ୍ରାଥମିକ ଅନୁସନ୍ଧାନରେ ପୋଲିସ ଆଶଙ୍କା ବ୍ୟକ୍ତ କରିଛି ଯେ ଉଭୟ ଗାଁ ଛାଡି କୋୖଣସି ସ୍ଥାନକୁ ପଳାୟନ କରିଥାଇପାରନ୍ତି। କିନ୍ତୁ ଦୀର୍ଘ ସମୟ ଧରି ଉଭୟଙ୍କ ବିଷୟରେ କୋୖଣସି ସୂଚନା ନ ପାଇବା ପରେ ପୋଲିସ ଏହି ଘଟଣାର ଗଭୀର ତଦନ୍ତ ଆରମ୍ଭ କରିଥିଲା। ପୋଲିସ ଗାଁର ପ୍ରାୟ ସମସ୍ତଙ୍କୁ ପଚରାଉଚରା କରିଛି କି ଦୁହେଁ ଏକାଠି ଯାଉଥିବାର ଦେଖିଛନ୍ତି କି?

ସ୍ଥାନୀୟ ଲୋକଙ୍କ ବୟାନ ଏବଂ ଅନୁସନ୍ଧାନ ପରେ ପୋଲିସ ଯୁବତୀ ଙ୍କ ପରିବାର ସଦସ୍ୟଙ୍କୁ ସନ୍ଦେହ କରିଥିଲା। ଏହା ପରେ ତାଙ୍କୁ ପଚରାଉଚରା ପାଇଁ ପୋଲିସ ଷ୍ଟେସନକୁ ଡକାଯାଇଥିଲା। ପରିବାର ସଦସ୍ୟଙ୍କ କଡା ପ୍ରଶ୍ନ ପରେ ଶେଷରେ ଘଟଣାଟି ପ୍ରକାଶ ପାଇଲା। ଏହି ମାମଲାରେ ଅଭିଯୁକ୍ତଙ୍କୁ ଗିରଫ କରାଯାଇଛି।