ରାମମନ୍ଦିରରେ ପ୍ରାଣପ୍ରତିଷ୍ଠା ପରେ ଦେଶବାସୀଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଲେ ବଡ଼ ଘୋଷଣା

ସରି ଯାଇଛି ପ୍ରାଣ ପ୍ରତିଷ୍ଠାର ଉତ୍ସବ । ବହୁ ସଙ୍ଘର୍ଷ ବହୁ ପ୍ରତୀକ୍ଷାର ଘଟିଛି ଅନ୍ତ । ଗତ ଜାନୁୟାରୀ ୨୨ ତାରିଖରେ ବହୁ ମାନ୍ୟ ଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ପ୍ରାଣ ପ୍ରତିଷ୍ଠାର ଉତ୍ସବ ସମାପନ ହୋଇଛି ।

Follow our WhatsApp channel and get all the Latest news

ଏହି ଦିନ ଭାରତର କୋଣ ଅନୁକୋଣରେ ଯେଉଁ ଆଧ୍ୟାତ୍ମିକ ଭାବନା ସୃଷ୍ଟି ହୋଇଥିଲା ତାହା ହୁଏ ତ ଶବ୍ଦରେ କହିବା ଅସମ୍ଭବ । ଏପରି ଏକ ମୁହୂର୍ତ୍ତ ଯାହାକୁ କେବଳ ଅନୁଭବ ହିଁ କରିହୁଏ । ପ୍ରାଣ ପ୍ରତିଷ୍ଠା କାର୍ଯ୍ୟ ଶେଷ କରି ମୋଦୀ ଯେତେବେଳେ ନିଜର ଭାଷଣ ଆରମ୍ଭ କରିଥିଲେ ସେହି ସମୟରେ ତାଙ୍କର ପ୍ରତିଟି କଥାରୁ ଭକ୍ତିର ଭାବ ଜଣା ପଡୁଥିଲା ।

ମୋଦି କହୁଥିଲେ ଏଣିକି ଆମ ରାମ ଲଲା ଆଉ ଟେଣ୍ଡ ଘରେ ରହିବେନି । ଭବ୍ୟ ମନ୍ଦିରରେ ରହିବେ । ସେ ଆହୁରି ମଧ୍ୟ କହିଥିଲେ ଜାନୁୟାରୀ ୨୨ ତାରିଖ ୨୦୨୪ ମସିହା ଏକ ସାଧାରଣ ସମୟ ନୁହେଁ । ଏହା ଏକ ନୂଆ ଅଧ୍ୟାୟର ଆରମ୍ଭ ।