ସ୍ୱାମୀ IPL ଦେଖୁଥିବାରୁ ସ୍ତ୍ରୀ ଦେଖିପାରୁନଥିଲା ସିରିଏଲ୍, ରାଗରେ ଗରମ ହୋଇ ସ୍ତ୍ରୀ ପିଟିଦେଲା ସ୍ୱାମୀକୁ, ଥାନାରେ ମାମଲା, ଜାଣନ୍ତୁ ପୁରା ଘଟଣା

ହେଲେ ଆଇପିଏଲ କୁ ନେଇ ମହାଭାରତ ଦେଖିବାକୁ ମିଳିଛି ଉତ୍ତରପ୍ରଦେଶର ଆଗ୍ରା ସହରରେ ରହୁଥିବା ଏକ ପରିବାରରେ । ଦୁଇ ସ୍ବାମୀ ସ୍ତ୍ରୀଙ୍କ ମଧ୍ୟରେ ଝଗଡା ଏତେ ବଢି ଯାଇଥିଲା ଯେ ଶେଷରେ ଦୁହେଁ ଥାନାର ଦ୍ୱାରସ୍ଥ ହୋଇଥିଲେ ।

ବର୍ତ୍ତମାନ ଚାଲିଛି ଆଇପିଏଲ ସିଜିନ୍ । ଛୋଟ ଠାରୁ ବଡ ପର୍ଯ୍ୟନ୍ତ ସମସ୍ତଙ୍କ ମଧ୍ୟରେ ଆଇପିଏଲ କୁ ନେଇ ଏକ ନିଶା ଦେଖିବାକୁ ମିଳିଛି । ପ୍ରତିଦିନ କୋଟି କୋଟି ସଂଖ୍ୟାରେ ଲୋକେ ଅନଲାଇନ୍ ଓ ଅଫଲାଇନ୍ ଏହି ମ୍ୟାଚ୍ କୁ ଦେଖୁଛନ୍ତି ।

ସୂଚନା ଅନୁସାରେ , ସ୍ବାମୀ ଜଣଙ୍କ ଟିଭି ରେ ଆଇପିଏଲ ମ୍ୟାଚ୍ ଦେଖୁଥିବା ବେଳେ ପତ୍ନୀ ଜଣଙ୍କ ନିଜର ପସନ୍ଦିତା ସିରିଏଲ୍ ଦେଖିପାରୁ ନ ଥିଲେ । ଯେଉଁଥିପାଇଁ ସେ ବାରମ୍ବାର ନିଜ ସ୍ବାମୀଙ୍କୁ ରିମୋଟ ମାଗୁଥିଲେ । ହେଲେ ସ୍ବାମୀ କିନ୍ତୁ ସ୍ତ୍ରୀର କଥା ଆଦୌ ଶୁଣି ନ ଥିଲେ । ସେ ଆଇପିଏଲ ଦେଖି ଆଇପିଏଲର ମଜା ନେବାରେ ଲାଗିଥିଲେ ।

ଯାହା ପରେ ସ୍ତ୍ରୀ ଜଣଙ୍କ ରାଗିଯାଇ ସ୍ବାମୀ ଜଣଙ୍କୁ ବେଲଣା କାଠିରେ ପିଟିବା ଆରମ୍ଭ କରିଥିଲେ । ଯାହା ପରେ ଦୁହିଁଙ୍କ ମଧ୍ୟରେ ଝଗଡା ଏତେ ବଢି ଯାଇଥିଲା ଯେ , ସ୍ବାମୀ ଜଣଙ୍କ ଥାନାରେ ସ୍ତ୍ରୀ ନାମରେ ଅଭିଯୋଗ କରିଥିଲେ।