ନୂଆବର୍ଷରେ ପାର୍ଟି ଫଟୋସୁଟ୍ ପାଇଁ ଯିବାକୁ ବାପା ମନା କରିବାରୁ ଝିଅ ଏପରି ଶେଷ କରିଦେଲା ନିଜ ଜୀବନ, ଜାଣନ୍ତୁ ପୁରା ଘଟଣା
ଏପରି ଏକ ଘଟଣା ଦେଖିବାକୁ ମିଳିଥିଲା ବେଙ୍ଗାଲୁରୁର ସୁଧାମନଗର ଉଇଲସନ୍ ଗାର୍ଡେନ ଏରିଆ ନିକଟରେ । ଝିଅଟିର ନାମ ହେଉଛି ବାର୍ଶିନି । ବୟସ ୨୧ ବର୍ଷ। ବାର୍ଷିନି ଙ୍କର ଛୋଟ ବେଳୁ ଗୋଟେ ଫୋଟୋ ଗ୍ରାଫର୍ ହେବାର ସ୍ୱପ୍ନ ଥିଲା । ଯେଉଁଥି ପାଇଁ ସେ ବିଶେଷ କିଛି ସୁବିଧା ସୁଯୋଗ ପାଇ ପାରି ନ ଥିଲେ । ହୁଏ ତ ତାଙ୍କର ଏହି ସ୍ୱପ୍ନରେ ରାଜି ନ ଥିଲେ ବାପା ।
ହେଲେ ସେ ସମୟ ସୁବିଧା ଖୋଜି ଏକ ତିନି ମାସର ଫଟୋ ଗ୍ରାଫିର କୋର୍ସ କରିଥିଲେ । କିଛିଦିନ ତଳେ ନୂଆ ବର୍ଷର ଅବସରରେ ବେଙ୍ଗାଲୁରୁର ଏକ ନାମୀ ଦାମୀ ମଲ୍ ଓରିଅନ ମଲ୍ କୁ ଡିସେମ୍ବର ୩୧ ତାରିଖ ଦିନ ଫଟୋ ସୁଟ କରିବା ପାଇଁ ଯିବା ନିମନ୍ତେ ନିଜ ବାପାଙ୍କୁ କହିଥିଲେ । ହେଲେ ବାପା କିନ୍ତୁ ତାଙ୍କୁ ସିଧା ସିଧା ମନା କରି ଦେଇଥିଲେ ।
ଯାହା ପରେ ନିଜକୁ ଏକ କୋଠରୀରେ ବନ୍ଦ୍ କରିଦେଇଥିଲେ ବାର୍ଷିନୀ । ଘର ଲୋକ କଥାଟି ଉପରେ ଏତେ ଗୁରୁତ୍ଵ ଦେଇ ନ ଥିଲେ । ହେଲେ ଅନେକ ସମୟ ଧରି ସେ କବାଟ ନ ଖୋଲିବାରୁ ଘର ଲୋକେ କବାଟ ଭାଙ୍ଗି ଥିଲେ । ତାଙ୍କ ବାପା କବାଟ ଭାଙ୍ଗି ଦେଖନ୍ତି ତ ଝିଅ ଚେତାଶୁନ୍ୟ ଅବସ୍ଥାରେ ପଡିଛନ୍ତି । ଯାହା ପରେ ସେ ବିଳମ୍ବ ନ କରି ତତ୍ କ୍ଷଣାତ ଝିଅକୁ ନିକଟସ୍ଥ ଡାକ୍ତରଖାନାକୁ ନେଇ ଯାଇଥିଲେ ।
ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ବାର୍ଷିନୀଙ୍କ ବାପା ପୋଲିସ୍ ଷ୍ଟେସନ୍ ରେ ଝିଅର ଏପରି ଅଚାନକ ମୃତ୍ୟୁ ପାଇଁ ଏକ ଏଫାୟାର୍ ଦେଇଥିଲେ । ଯାହା ପରେ ପୋଲିସ୍ ଏହାର ତଦନ୍ତ ଆରମ୍ଭ କରିଛି । ହେଲେ ପୋଲିସ୍ ଏ ଯାଏଁ ବାର୍ଷିନିଙ୍କ ମୃତ୍ୟୁର ରହସ୍ୟ ଜାଣି ପାରି ନାହିଁ । ତେବେ ତାଙ୍କ ଶବକୁ ପୋଷ୍ଟମଟମ୍ ପାଇଁ ପଠା ଯାଇଛି । ଯାହା ପରେ ସମସ୍ତ ସତ୍ୟ ସାମ୍ନାକୁ ଆସିବ ।