ରାତିରେ ଶୋଇଥିଲେ ସକାଳୁ ହୋଇଯାଇଛନ୍ତି ଶବ, ଏସି ପବନ ଉଜାଡି ଦେଲା ସଂସାର, ଘରର ୪ ଜଣଙ୍କ ଚାଲିଗଲା ଜୀବନ, ଜାଣନ୍ତୁ ପୁରା ଘଟଣା
ଗୁଜୁରାଟର ଦେବଭୂମି ଦ୍ୱାରକା ଜିଲ୍ଲାରେ ଅଗ୍ନିକାଣ୍ଡର ଏକ ଭୟଙ୍କର ଘଟଣା ସାମ୍ନାକୁ ଆସିଛି। ଏଥିରେ ଏକ ସମ୍ପୂର୍ଣ୍ଣ ପରିବାର ଧ୍ୱଂସ ହୋଇଯାଇଛି। ପରିବାରର ଚାରିଜଣ ସଦସ୍ୟଙ୍କର ମୃତ୍ୟୁ ହୋଇଥିଲା। ଘରେ ତଳ ମହଲାରେ ଶୋଇଥିବା ଜେଜେମା ବଞ୍ଚି ଯାଇଥିଲେ। ଏହି ଘଟଣାରେ ସାମ୍ନାକୁ ଆସିଛି ଯେ ସକାଳ 3.30 ସମୟରେ ଘରର ପ୍ରଥମ ମହଲାରେ ନିଆଁ ଲାଗିଯାଇଥିଲା।
ଘରେ ବିଦ୍ୟୁତ କାଟ ହେତୁ ଘରର ଲୋକମାନେ ଧୂଆଁରେ ବାହାରିବା ପାଇଁ ରାସ୍ତା ଖୋଜି ପାରିନଥିଲେ ଏବଂ ଦମ୍ପତିଙ୍କ ସହ ସେମାନଙ୍କ ଆଠ ମାସର ଝିଅ ଏବଂ ମାଆ ନିଃଶ୍ୱାସରେ ଅସୁବିଧା ହେତୁ ମୃତ୍ୟୁ ବରଣ କରିଥିଲେ। ସହରର ଆଦିତ୍ୟ ରୋଡରେ ଘଟିଥିବା ଏହି ଘଟଣା ପରେ ଲୋକଙ୍କ ମଧ୍ୟରେ ଶୋକ ଖେଳଗ ଯାଇଛି। ସନ୍ଧ୍ୟାରେ ରାତ୍ରୀ ଭୋଜନ ପରେ ପରିବାର ଶୋଇ ପଡିଥିଲେ। ଜେଜେମା ବୃଦ୍ଧ ଥିବାରୁ ତଳେ ଶୋଇଥିଲେ। ସେଥିପାଇଁ ସେ ବଞ୍ଚି ଯାଇଥିଲେ।
ପୋଲିସ ଇନ୍ସପେକ୍ଟର ଟିସି ପଟେଲ କହିଛନ୍ତି ଯେ ଦ୍ୱାରକା ସହରର ଆଦିତ୍ୟ ରୋଡରେ ଅବସ୍ଥିତ ଘରର ପ୍ରଥମ ମହଲାରେ ସକାଳ ପ୍ରାୟ 3.30 ସମୟରେ ଅଗ୍ନିକାଣ୍ଡ ଘଟିଥିଲା ସେତେବେଳେ ପରିବାରର ପାଞ୍ଚଜଣ ସଦସ୍ୟ ଶୋଇଥିଲେ। ସେ କହିଛନ୍ତି ଯେ ଅଗ୍ନିକାଣ୍ଡ ପରେ ଘରର ବିଦ୍ୟୁତ ଯୋଗାଣ ବନ୍ଦ ହୋଇଯିବା କାରଣରୁ ପରିବାର ସଦସ୍ୟମାନେ ବାହାରକୁ ଯାଇପାରିନଥିବା କାରଣରୁ ଶ୍ୱାସ ରୁଦ୍ଧ ହୋଇ ସେମାନଙ୍କ ମୃତ୍ୟୁ ଘଟିଥିଲା।
ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚିବା ପରେ ସେମାନେ ଦେଖିଲେ ଯେ ଜଣେ ବ୍ୟକ୍ତି, ତାଙ୍କ ପତ୍ନୀ, ତାଙ୍କର ଆଠ ମାସର ଝିଅ ଏବଂ ତାଙ୍କ ମା ଘରର ପ୍ରଥମ ମହଲାରେ ଚେତାଶୂନ୍ୟ ଅବସ୍ଥାରେ ପଡ଼ିଛନ୍ତି। ତାଙ୍କୁ ସରକାରୀ ଡାକ୍ତରଖାନା ନିଆଯାଇଥିଲା ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
ମୃତକଙ୍କ ନାମ ପୱନ ଉପାଧ୍ୟାୟ (39), ତାଙ୍କ ପତ୍ନୀ ତିଥି (29), ଝିଅ ଧିନା ଏବଂ ମା ଭବାନୀବେନ (69) ବୋଲି ଜଣାପଡିଛି। ସମଗ୍ର ପରିବାରର ଦୁଃଖଦ ମୃତ୍ୟୁ ହେତୁ ସହରରେ ଶୋକ ପ୍ରକାଶ ପାଇଛି। ରାତିରେ ହଠାତ୍ ଏତେ ବଡ଼ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ। ଅଧିକାରୀ କହିଛନ୍ତି ଯେ ଏୟାର କଣ୍ଡିସନର(AC) ଅତ୍ୟଧିକ ଗରମ ହେବା ପରେ ବିସ୍ଫୋରଣ ହେତୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି। ସେ କହିଛନ୍ତି ଯେ ଅଗ୍ନିକାଣ୍ଡର ପ୍ରକୃତ କାରଣ ଜାଣିବାକୁ ଫୋରେନସିକ୍ ବିଶେଷଜ୍ଞମାନେ ଚେଷ୍ଟା କରୁଛନ୍ତି।