ଟେଷ୍ଟ ଚାମ୍ପିଅନସିପରେ ନ୍ୟୁଜିଲ୍ୟାଣ୍ଡ ଠାରୁ ହାରିବା ପରେ ପରାଜୟକୁ ନେଇ କୋହଲୀଙ୍କ ବଡ଼ ବୟାନ କହିଲେ, ଆମେ...
ଇଂଲଣ୍ଡରେ ଖେଳାଯାଇଥିବା ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲରେ ପରାଜୟ ପରେ ପ୍ରତ୍ୟେକ ଭାରତୀୟଙ୍କ ସ୍ୱପ୍ନ ଭାଙ୍ଗି ଯାଇଛି। ନ୍ୟୁଜିଲ୍ୟାଣ୍ଡ ଏହି ବିଶ୍ୱକପ ଟେଷ୍ଟ କ୍ରିକେଟକୁ 8 ୱିକେଟରେ ଜିତିଛି। ଟିମ୍ ଇଣ୍ଡିଆ ମ୍ୟାଚ୍ର ଅନେକ ସ୍ଥାନରେ ଭୁଲ୍ କରିଥିଲା ଏବଂ ଫଳସ୍ୱରୂପ ଟେଷ୍ଟ କ୍ରିକେଟ୍ ମୁକୁଟ ନ୍ୟୁଜିଲାଣ୍ଡ ଛଡ଼ାଇ ନେଇ ଯାଇଥିଲା। ମ୍ୟାଚ୍ ପରେ ଭାରତୀୟ ଦଳର ଅଧିନାୟକ ବିରାଟ କୋହଲି ଏହି ପରାଜୟ ପାଇଁ ଭିନ୍ନ ବାହାନା କରୁଥିବା ଦେଖିବାକୁ ମିଳିଥିଲା।
ଏହି ମ୍ୟାଚରେ ଭାରତୀୟ ଦଳ ଦ୍ୱିତୀୟ ଇନିଂସରେ 170 ରନ୍ ସଂଗ୍ରହ କରିଥିଲା। ନ୍ୟୁଜିଲ୍ୟାଣ୍ଡକୁ 139 ରନ୍ର ଲକ୍ଷ୍ୟ ମିଳିଥିଲା, ଯାହା କି କେନ୍ ୱିଲିୟମସନ (52 ନଟଆଉଟ୍) ଏବଂ ରସ୍ ଟେଲର (47 ନଟଆଉଟ୍) ସହ ତୃତୀୟ ୱିକେଟ୍ ପାଇଁ 96 ରନ ଭାଗିଦାରୀ ସହ ଦୁଇଟି ୱିକେଟ୍ ହରାଇ ହାସଲ କରିନେଇ ଥିଲା।
ଭାରତୀୟ ଅଧିନାୟକ ବିରାଟ କୋହଲି ବିଶ୍ୱ ଟେଷ୍ଟ ଚାମ୍ପିୟନଶିପ (ଡବ୍ଲ୍ୟୁଟିସି) ଫାଇନାଲରେ ନ୍ୟୁଜିଲାଣ୍ଡକୁ ଜିତିବାକୁ ଯୋଗ୍ୟ ଘୋଷଣା କରିଛନ୍ତି ଏବଂ ବର୍ଷା ବ୍ୟାଘାତ ଯୋଗୁଁ ତାଙ୍କ ଦଳର ଲୟ ଗଡବଡ୍ ହୋଇଛି ବୋଲି କହିଛନ୍ତି। ଏହାଛଡ଼ା କୋହଲୀ ICC ଉପରେ ଖପ୍ପା ହୋଇଛନ୍ତି, ଏତେବଡ଼ ଫାଇନାଲ୍ କୁ ଗୋଟିଏ ମ୍ୟାଚ ବଦଳରେ ୩ଟି ମ୍ୟାଚ ହେବା ଉଚିତ୍ ବୋଲି କୋହଲୀ କହିଛନ୍ତି।
ହାରିବାର କାରଣରେ କୋହଲୀ କହିଛନ୍ତି “ପ୍ରଥମ ଦିନ ବର୍ଷା ଦ୍ୱାରା ଧୋଇ ହୋଇଗଲା ଏବଂ ଯେତେବେଳେ ଖେଳ ଆରମ୍ଭ ହେଲା, ସେତେବେଳେ ଖେଳରେ ଲୟ ଖୋଜିବା ଆମ ପାଇଁ କଷ୍ଟକର ହୋଇ ପଡିଥିଲା ଆମେ କେବଳ ତିନୋଟି ୱିକେଟ୍ ହରାଇଥିଲୁ, କିନ୍ତୁ ଯଦି ଖେଳ ବାଧା ବିନା ଚାଲିଥାନ୍ତା ତେବେ ଆମେ ଅଧିକ ରନ୍ ସ୍କୋର କରିପାରିଥାନ୍ତେ। ବିରାଟ କୋହଲି ଏହା ମଧ୍ୟ କହିଛନ୍ତି ଯେ ଯଦି ତାଙ୍କ ଦଳ ଦ୍ୱିତୀୟ ଇନିଂସରେ 30-40 ରନ୍ ଅଧିକ ସ୍କୋର କରିଥାନ୍ତେ ତେବେ ଫଳାଫଳ ଭିନ୍ନ ହୋଇଥାନ୍ତା।
କୋହଲି କହିଛନ୍ତି, 'କେନ୍ ୱିଲିୟମସନ ଏବଂ ନ୍ୟୁଜିଲ୍ୟାଣ୍ଡର ସମଗ୍ର ଦଳକୁ ଅଭିନନ୍ଦନ। ସେ ମହାନ ଖେଳ ଦେଖାଇଲେ ଏବଂ ତିନି ଦିନରୁ ଅଧିକ ସମୟ ମଧ୍ୟରେ ଫଳାଫଳ ହାସଲ କଲେ। ସେମାନେ ଆମକୁ ଚାପରେ ପକାଇଲେ। ସେମାନେ ଜିତିବାକୁ ଯୋଗ୍ୟ ଥିଲେ ’। ସେ କହିଛନ୍ତି, 'ନ୍ୟୁଜିଲ୍ୟାଣ୍ଡର ବୋଲରମାନେ ସେମାନଙ୍କ ରଣନୀତି ଭଲ ପ୍ରଦର୍ଶନ କରିଥିଲେ। ଆମେ 30 ରୁ 40 ରନ୍ କମ୍ ସ୍କୋର କରିଥିଲୁ।