ଫିକ୍ସିଂ ହୋଇଥିଲା ମୁମ୍ବାଇ ଓ ରାଜସ୍ଥାନ ମ୍ୟାଚ? ମିଳିଲା ପ୍ରମାଣ ଏମିତି ହୋଇଥିଲା ଫିକ୍ସ
ରବିବାର ଆଇପିଏଲ୍ 2023 ରେ ଖେଳାଯାଇଥିବା ମ୍ୟାଚ୍ ବହୁତ ରୋମାଞ୍ଚକର ଥିଲା। ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ବିସ୍ଫୋରକ ବ୍ୟାଟ୍ସମ୍ୟାନ୍ ଟିମ୍ ଡେଭିଡ ମ୍ୟାଚର ଶେଷ ଓଭରରେ ରାଜସ୍ଥାନ ରୟାଲ୍ସର ହାତରୁ ବିଜୟ ଛଡ଼ାଇ ନେଇଥିଲେ। ଶେଷ ଓଭରରେ ଜିତିବା ପାଇଁ ମୁମ୍ବାଇକୁ 17 ରନ୍ ଆବଶ୍ୟକ ଥିଲା ଏବଂ ଟିମ୍ ଡେଭିଡ୍ ପ୍ରଥମ ତିନୋଟି ବଲରେ କ୍ରମାଗତ ତିନିଟି ଛକା ମାରି ମ୍ୟାଚ୍ ଶେଷ କରି ଦେଇଥିଲେ। ଏହି ବିଜୟ ପରେ ଏକ ନୂଆ ବିବାଦ ସୃଷ୍ଟି ହୋଇଛି। ମୁମ୍ବାଇର ବିଜୟକୁ ନେଇ ଅନେକ ପ୍ରଶ୍ନ ଉଠିଛି। ଏଥି ସହିତ କିଛି ପ୍ରଶଂସକ ଏହି ମ୍ୟାଚକୁ ଫିକ୍ସିଂ ବୋଲି କହିଛନ୍ତି ଏବଂ ରୋହିତ ଶର୍ମାଙ୍କୁ ଚିଟିଂ କରିଥିବା ଅଭିଯୋଗ କରିଛନ୍ତି।
ବାସ୍ତବରେ, ମ୍ୟାଚରେ ଏକ ସମୟ ଆସିଥିଲା ଯେତେବେଳେ ଉଭୟ ମୁମ୍ବାଇ ଇଣ୍ଡିଆନ୍ସ ଏବଂ ରାଜସ୍ଥାନ ସମାନ ସ୍ଥିତିରେ ଥିଲେ। କିନ୍ତୁ ସୂର୍ଯ୍ୟକୁମାର ଯାଦବଙ୍କ ଆଉଟ୍ ପରେ ରାଜସ୍ଥାନ ମ୍ୟାଚ ଜିତିବାର ଆଶା ଦେଖିବାକୁ ମିଳିଥିଲା। ଜିତିବା ପାଇଁ ମୁମ୍ବାଇକୁ 14 ବଲରେ 45 ରନ୍ ଆବଶ୍ୟକ ଥିଲା। ମ୍ୟାଚର ଶେଷ ଓଭରରେ ମୁମ୍ବାଇ ଇଣ୍ଡିଆନ୍ସ ଜିତିବା ପାଇଁ 17 ରନ୍ ଆବଶ୍ୟକ କରିଥିଲା। ଜେସନ ହୋଲ୍ଡର ବୋଲର ଏବଂ ଟିମ୍ ଡେଭିଡ ଷ୍ଟ୍ରାଇକ୍ରେ ଥିଲେ। ପ୍ରଥମ ୩ଟି ବଲ୍ ରେ ୩ଟି ଛକା ମାରି ଟିମ୍ ଡେଭିଡ୍ ମୁମ୍ବାଇ ପାଇଁ ମ୍ୟାଚ୍ ଜିତାଇ ଦେଇଥିଲେ।
ତେବେ ଏହି ସମୟରେ ରୋହିତ ଶର୍ମା ଅମ୍ପାୟାରଙ୍କ ସହ କଥା ହେଉଥିବା ଦେଖିବାକୁ ମିଳିଥିଲା। ଏହି କାରଣରୁ ଅନେକ ପ୍ରଶଂସକ ରୋହିତ ଶର୍ମାଙ୍କୁ ଏହି ମ୍ୟାଚରେ ଚିଟିଂ ଏବଂ ଫିକ୍ସିଂ ଅଭିଯୋଗ କରୁଛନ୍ତି। ଜେସନ୍ ହୋଲ୍ଡର କେମିତି ୩ଟି ଯାକ ବଲ୍ ଫୁଲ୍ ଟସ୍ ପକାଇଲେ ଏହା ସନ୍ଦେହକୁ ଆହୁରି ବଢାଇ ଦେଉଥିବା ଦାବି ହୋଇଛି। ଏହାଛଡ଼ା ଜୟସୱାଲଙ୍କୁ ନୋ ବଲ୍ ରେ ଆଉଟ୍ କରାଯାଇଥିବାରୁ ଏହି ବିବାଦ ଅଧିକ ବଢିଛି।
ସୂଚନାଯୋଗ୍ୟ, ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ୬୨ ବଲରୁ ୧୨୪ ରନ୍ର ଯଶାସଭି ଜୟସୱାଲଙ୍କ ଇନିଂସ ଯୋଗୁଁ ୭ ୱିକେଟ୍ ହରାଇ ୨୧୨ ରନ୍ ସଂଗ୍ରହ କରିଥିଲା। କ୍ୟାମେରନ୍ ଗ୍ରୀନ୍ (୪୪), ସୂର୍ଯ୍ୟକୁମାର ଯାଦବ (୫୫) ଏବଂ ଟିମ୍ ଡେଭିଡ (୪୫) ଙ୍କ ଦ୍ରୁତ ଇନିଂସ ଯୋଗୁଁ ଏଠାରେ ମୁମ୍ବାଇ ଇଣ୍ଡିଆନ୍ସ ତିନୋଟି ବଲ ବାକା ସହ ମ୍ୟାଚ ଜିତିଥିଲା। ତେବେ ମ୍ୟାଚ୍ ହାରିଯିବା ସତ୍ତ୍ୱେ ଯଶାସଭି ଜୟସୱାଲଙ୍କୁ 'ପ୍ଲେୟାର ଅଫ୍ ଦି ମ୍ୟାଚ୍' ଭାବରେ ବିଚାର କରାଯାଇଥିଲା।