Ipl team captains
Ipl team captains
Ipl team captains
Ipl team captains

IPLର ସବୁ ଦଳର କ୍ୟାପଟେନଙ୍କୁ କେତେ ଦରମା ମିଳିଥାଏ? ରୋହିତ୍ ଓ ଧୋନୀଙ୍କ ଦରମା ଜାଣି ଆଶ୍ଚର୍ଯ୍ୟ ହେବେ

 
IPLର ସବୁ ଦଳର କ୍ୟାପଟେନଙ୍କୁ କେତେ ଦରମା ମିଳିଥାଏ? ରୋହିତ୍ ଓ ଧୋନୀଙ୍କ ଦରମା ଜାଣି ଆଶ୍ଚର୍ଯ୍ୟ ହେବେ

ଭାରତର ଲୋକପ୍ରିୟ ଟି -20 ଲିଗ୍ ଆଇପିଏଲ୍ ଏହାର 14 ତମ ସିଜନ ଆରମ୍ଭ ହୋଇ ସାରିଛି। ଆରମ୍ଭ ପୂର୍ବରୁ ସବୁ ଦଳ ଖେଳାଳି ନିଲାମରେ ଭଲ ଖେଳାଳିଙ୍କୁ ନିଜ ଦଳରେ ସାମିଲ୍ କରିଥିଲେ। ସବୁ ବର୍ଷ ନିଲାମରେ ବିଦେଶୀ ଖେଳାଳିଙ୍କ ଉପରେ ବେଶି ଟଙ୍କା ଖର୍ଚ୍ଚ କରିଥାନ୍ତି ସବୁ ଦଳ। ଏଥର କ୍ରିସ ମୋରିସ୍ ସବୁଠାରୁ ଦାମୀ ଖେଳାଳି ରହିଥିଲେ। ହେଲେ କଣ ଆପଣ ସବୁ ଦଳ କ୍ୟାପଟେନ୍ ମାନଙ୍କ ସାଲାରି ଜାଣନ୍ତି କି? ଜାଣି ନାହାନ୍ତି ଯଦି ଆସନ୍ତୁ ଜାଣିବା-

ବିରାଟ କୋହଲି(RCB):- ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ନେତୃତ୍ୱ ନେଉଛନ୍ତି। ସେ ବର୍ତ୍ତମାନ ଆଇପିଏଲରେ ସର୍ବାଧିକ ପାରିଶ୍ରମିକ ପ୍ରାପ୍ତ ଖେଳାଳି ଅଟନ୍ତି। ପ୍ରଥମ ସିଜନରୁ ହିଁ ବିରାଟ ଆରସିବିର ଏକ ଅଂଶ ହୋଇଆସୁଛନ୍ତି। 2008 ନିଲାମରେ ତାଙ୍କୁ ଆରସିବି ମାତ୍ର 12 ଲକ୍ଷ ଟଙ୍କାରେ କିଣିଥିଲା, କିନ୍ତୁ ଆଇପିଏଲ୍ 2021 ପାଇଁ ଫ୍ରାଞ୍ଚାଇଜ୍ ତାଙ୍କୁ 17 କୋଟି ଟଙ୍କା ଦରମା ଦେଉଛି।

ମହେନ୍ଦ୍ର ସିଂ ଧୋନି(CSK):- ଚେନ୍ନାଇ ସୁପର କିଙ୍ଗ୍ସର ଓ ପୂର୍ବତନ ଭାରତ ଅଧିନାୟକ ତଥା ଭେଟେରାନ ଖେଳାଳି ମହେନ୍ଦ୍ର ସିଂ ଧୋନି ନେତୃତ୍ୱ ନେଉଛନ୍ତି। ଧୋନି ଆଇପିଏଲର ଅନ୍ୟତମ ସଫଳ ଅଧିନାୟକ। ତାଙ୍କର ଦରମା 15 କୋଟି ଅଟେ  ଧୋନି 2008 ମସିହାରୁ ଚେନ୍ନାଇର ଅଧିନାୟକ ରହିଆସିଛନ୍ତି ଏବଂ ତାଙ୍କ ଅଧିନାୟକତ୍ୱରେ CSK ଦଳ ତିନିଥର ଜିତିଛି।

ରୋହିତ ଶର୍ମା(MI):- ମୁମ୍ବାଇ ଇଣ୍ଡିଆନ୍ ଅଧିନାୟକ ରୋହିତ ଶର୍ମାଙ୍କୁ 15 କୋଟି ଟଙ୍କା ଦରମା ମିଳୁଛି। ସେ ଆଇପିଏଲ ଇତିହାସରେ ସବୁଠାରୁ ସଫଳ ଅଧିନାୟକ।  ତାଙ୍କ ଅଧିନାୟକତ୍ୱରେ ସେ ମୁମ୍ବାଇକୁ 5 ଥର ବିଜେତା କରିଛନ୍ତି। ରୋହିତ ଆଇପିଏଲରେ 200 ଟି ମ୍ୟାଚ୍ ଖେଳିଛନ୍ତି ଏବଂ ଏଥିରେ ସେ 5230 ରନ୍ କରିଛନ୍ତି।  ସେ ଏପର୍ଯ୍ୟନ୍ତ ଏକ ଶତକ ଏବଂ 39 ଅର୍ଦ୍ଧଶତକ ହାସଲ କରିଛନ୍ତି।

ଡେଭିଡ୍ ୱାର୍ଣ୍ଣର(SRH):- ଅଷ୍ଟ୍ରେଲିଆର ଷ୍ଟାର ଓପନର୍ ତଥା ସନରାଇଜର୍ସ ହାଇଦ୍ରାବାଦ ଅଧିନାୟକ ଡେଭିଡ ୱାର୍ନରଙ୍କୁ 12.5 କୋଟି ଟଙ୍କା ମିଳିଥାଏ। ସେ ଆଇପିଏଲର ଅନ୍ୟତମ ସଫଳ ବ୍ୟାଟ୍ସମ୍ୟାନ୍। ୱାର୍ଣ୍ଣର ଏପର୍ଯ୍ୟନ୍ତ 142 ଟି ମ୍ୟାଚରେ 5254 ରନ୍ ସଂଗ୍ରହ କରିଛନ୍ତି। ସେ ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ୍ ଯିଏ ଲଗାତାର 6 ଟି ସିଜନରେ 500 ରୁ ଅଧିକ ରନ୍ ସ୍କୋର କରିଛନ୍ତି। ସେ ତାଙ୍କ ଆଇପିଏଲ୍ କ୍ୟାରିୟରରେ ଚାରି ଶତକ ଏବଂ 48 ଅର୍ଦ୍ଧଶତକ ହାସଲ କରିଛନ୍ତି।

କେ.ଏଲ୍ ରାହୁଲ(PK):- ବିଶ୍ୱ ନମ୍ବର ଦୁଇ ଟି-20 ଖେଳାଳି କେ.ଏଲ୍ ରାହୁଲ ପଞ୍ଜାବ କିଙ୍ଗ୍ସର ଅଧିନାୟକ। ରାହୁଲଙ୍କୁ ଏଥର 11 କୋଟି ଟଙ୍କା ଦରମା ମିଳିବ। ତାଙ୍କୁ ଫ୍ରାଞ୍ଚାଇଜ୍ ଦ୍ଵାରା ଆଇପିଏଲ୍ 2020 ରେ ଅଧିନାୟକ କରାଯାଇଥିଲା। ରାହୁଲ 2018 ରେ ଏହି ଫ୍ରାଞ୍ଚାଇଜ୍ ସହିତ ଜଡିତ ଥିଲେ, ସେ ଗତ ତିନି ସିଜନରେ ତାଙ୍କ ଦଳ ପାଇଁ ସର୍ବାଧିକ ରନ୍ ସ୍କୋରର୍ ହୋଇଥିଲେ।

ସଞ୍ଜୁ ସାମସନ୍(RR):- ୱିକେଟ୍ କିପର ବ୍ୟାଟ୍ସମ୍ୟାନ୍ ସଞ୍ଜୁ ସାମସନ ଆଇପିଏଲ୍ 2021 ପାଇଁ ରାଜସ୍ଥାନ ରୟାଲ୍ସର ଅଧିନାୟକ ଭାବରେ ମନୋନୀତ କରାଯାଇଛି।  ଏହି ସିଜନରେ ସେ ଆଠ କୋଟି ଟଙ୍କା ପାଇବେ। ସଞ୍ଜୁ ରାଜସ୍ଥାନ ରୟାଲ୍ସ ସହିତ ଆଇପିଏଲ୍ ଡେବ୍ୟୁ କରିଥିଲେ। ଯଦିଓ ସେ 2016 ନିଲାମରେ ଦିଲ୍ଲୀ ଦଳକୁ ଯାଇଥିଲେ, ତଥାପି ସେ ଆଇପିଏଲ୍ 2018 ମେଗା ନିଲାମରେ ରାଜସ୍ଥାନ ଦଳକୁ ପ୍ରତ୍ୟାବର୍ତ୍ତନ କରିଥିଲେ।

ଶ୍ରେୟସ୍ ଆୟର(DC):- ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଶ୍ରେୟାସ ଆୟରଙ୍କ ପାଇଁ ଆଇପିଏଲ୍ ଯାତ୍ରା ଏକ ଭଲ ଯାତ୍ରା ହୋଇଛି। ସେ ଦୁଇ ବର୍ଷ ଧରି ଦଳର ନେତୃତ୍ୱ ନେଉଛନ୍ତି ଏବଂ ତାଙ୍କ ନେତୃତ୍ୱରେ ଦିଲ୍ଲୀ ଦଳ ଗତ ବର୍ଷ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିଛି। ଆଇୟର ଆଇପିଏଲ 2021 ରେ 7 କୋଟି ଟଙ୍କା ପାଇବ। ହେଲେ ଆଘାତ କାରଣରୁ ସେ ଏଥର ଆଇପିଏଲରୁ ବାଦ୍ ପଡ଼ିଛନ୍ତି ତାଙ୍କ ସ୍ଥାନରେ ରିଶଭ ପନ୍ତ ଦଳର ଅଧିନାୟକ ସମ୍ଭାଳୁଛନ୍ତି। ରିଶଷଙ୍କୁ 5 କୋଟି ଦରମା ମିଳିବ।

ଇଏନ୍ ମୋର୍ଗାନ୍(KKR):- ଗତ ସିଜନରେ କୋଲକାତା ନାଇଟ୍ ରାଇଡର୍ସ ଦ୍ୱାରା ଇଂଲଣ୍ଡର ଷ୍ଟାର ଖେଳାଳି ତଥା ଟି ​​-20 ଅଧିନାୟକ ଇଏନ୍ ମୋର୍ଗାନଙ୍କୁ ଦଳର କ୍ୟାପଟେନ ପଦ ଦିଆଯାଇଥିଲା। ତାଙ୍କୁ 5.25 କୋଟି ଟଙ୍କା ସହିତ ଫ୍ରାଞ୍ଚାଇଜି ଯୋଗ କରିଥିଲେ ଏବଂ ସେ 2021 ମସିହାରେ ସମାନ ଦରମା ପାଇବେ।

From around the web