ଖରାପ ଫର୍ମ ପାଇଁ ଟି-୨୦ ବିଶ୍ୱକପ ଦଳରୁ ବାଦ୍ ପଡିବେ ରିଷଭ ପନ୍ତ! ତାଙ୍କ ସ୍ଥାନରେ ଖେଳିବେ ଏହି ୩ ଜଣ ଖେଳାଳି

ଦକ୍ଷିଣ ଆଫ୍ରିକା ବିପକ୍ଷ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ପାଇଁ ଭାରତୀୟ ଦଳର ୱିକେଟ୍ କିପର-ବ୍ୟାଟ୍ସମ୍ୟାନ୍ ରିଷଭ ପନ୍ତଙ୍କୁ ଅଧିନାୟକ କରାଯାଇଛି। ସେ ଏହି ସିରିଜରେ ତାଙ୍କ ଅଧିନାୟକତ୍ୱରେ ବିଶେଷ କିଛି ସଫଳତା ବର୍ତ୍ତମାନ ପର୍ଯ୍ୟନ୍ତ ହାସଲ କରିନାହାନ୍ତି। ଏମିତିକି ଆଇପିଏଲ୍ ୨୦୨୨ ରେ ପନ୍ତଙ୍କୁ ଜଣେ ଦୁର୍ବଳ ଅଧିନାୟକ ଭାବରେ ଦେଖାଯାଇଥିଲା। 

ଅନ୍ୟପକ୍ଷରେ ଭାରତୀୟ ଦଳକୁ ଚଳିତ ବର୍ଷ ଅଷ୍ଟ୍ରେଲିଆରେ ଆଇସିସି ଟି -୨୦ ବିଶ୍ୱକପ ଖେଳିବାକୁ ପଡିବ। ଏଭଳି ପରିସ୍ଥିତି ବର୍ତ୍ତମାନ ପନ୍ତଙ୍କର ଖେଳ ପ୍ରଦର୍ଶନ ନୈରାଶ୍ୟଜନକ ରହିଛି। ଯଦି ଏହା ଜାରି ରହେ, ତେବେ ଶୀଘ୍ର ତାଙ୍କୁ ଦଳରୁ ଓହରି ଯାଇପାରେ। କାରଣ, ବର୍ତ୍ତମାନ ଟିମ୍ ଇଣ୍ଡିଆରେ ଏପରି ୩ ଜଣ ଖେଳାଳି ଉପଲବ୍ଧ ଅଛନ୍ତି , ଯେଉଁମାନେ କି ୱିକେଟ୍ କିପିଂ ସହିତ ଭଲ ବ୍ୟାଟିଂ ମଧ୍ୟ କରିପାରନ୍ତି। ତେବେ ଏହି ଆର୍ଟିକିଲରେ ସେହି ଖେଳାଳିଙ୍କ ବିଷୟରେ ଆମେ ଉଲେଖ୍ୟ କରିଛୁ, ଯେଉଁମାନେ କି ପନ୍ତଙ୍କର ସ୍ଥାନ ନେବା ପାଇଁ ଯୋଗ୍ୟ ଅଟନ୍ତି। 

ଇଶାନ କିଶାନ :

ଭାରତୀୟ ଦଳର ତାରକା ବ୍ୟାଟ୍ସମ୍ୟାନ୍ ଇଶାନ କିଶାନ ଶ୍ରେଷ୍ଠ ୱିକେଟ୍ କିପର ବ୍ୟାଟ୍ସମ୍ୟାନ୍ ଅଟନ୍ତି। ସେ ଆଇପିଏଲରେ ଚାମ୍ପିୟନ ଦଳ ମୁମ୍ବାଇ ପାଇଁ ୱିକେଟ୍ କିପିଂ କରିଛନ୍ତି। ୱିକେଟ୍ କିପିଂରେ ଇଶାନଙ୍କର ଅନେକ ଅଭିଜ୍ଞତା ଅଛି। ଏହି ସମୟରେ, ଏହି ଖେଳାଳୀ ଚମତ୍କାର ରୂପରେ ଅଛନ୍ତି। ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜରେ ଇଶାନ ଦମଦାର୍ ସ୍କୋର କରୁଛନ୍ତି। ଯେତେବେଳେ କି ରିଷଭ ପନ୍ତ ନିଜର ଫ୍ଲପ୍ ଶୋ' ଜାରି ରଖିଛନ୍ତି। ଯଦି ଆମେ ଇଶାନ୍ କିଶନ ୱିକେଟ୍ କିପିଂର ପରିସଂଖ୍ୟାନକୁ ଦେଖିବା, ତେବେ ସେ ଟି -୨୦ ଫର୍ମାଟରେ ପ୍ରାୟ ୬୭ ଟି କ୍ୟାଚ୍ ନେଇଛନ୍ତି। ସେ ୯ ଥର ଷ୍ଟମ୍ପ ଆଉଟ୍ କରିବାରେ ସଫଳ ହୋଇଛନ୍ତି। 

କେ.ଏଲ୍ ରାହୁଲ:

ରାହୁଲ ବି ଜଣେ ୱିକେଟ୍ କିପର ବ୍ୟାଟ୍ସମ୍ୟାନ୍। ଯେତେବେଳେ ସେ ପଡିଆରେ ଫିଲ୍ଡିଂ କରନ୍ତି ରାହୁଲ ତାଙ୍କର ସର୍ବୋତ୍ତମ ଖେଳ ପ୍ରଦର୍ଶନ କରନ୍ତି। କେଏଲ ରାହୁଲ ଦ୍ରୁତ ବ୍ୟାଟିଂ ପାଇଁ ମଧ୍ୟ ବେଶ ଜଣାଶୁଣା। ଯଦି ରିଷଭ ପନ୍ତଙ୍କୁ ଦଳରୁ ହଟାଇ ଦିଆଯାଏ, ତେବେ ରାହୁଲ ୱିକେଟ୍ କିପର ଭାବରେ ନଜର ଆସିବେ। ସେ ଅନେକ ଥର ଟିମ୍ ଇଣ୍ଡିଆ ପାଇଁ ଏହି ଦାୟିତ୍ୱ ମଧ୍ୟ ପରିଚାଳନା କରିଛନ୍ତି। ସେ ଚଳିତ ବର୍ଷ ଆଇପିଏଲରେ ବି ୱିକେଟ୍ କିପିଂ କରିଥିଲେ। ସେ ଟି -୨୦ ଫର୍ମାଟରେ ଭାରତ ପାଇଁ ପ୍ରାୟ ୯୦ ଟି କ୍ୟାଚ୍ ଧରିଛନ୍ତି। 

ଦୀନେଶ କାର୍ତ୍ତିକ:

ବର୍ତ୍ତମାନ ଟିମ୍ ଇଣ୍ଡିଆରେ ସବୁଠୁ ଅଭିଜ୍ଞ ୱିକେଟ୍ କିପର-ବ୍ୟାଟ୍ସମ୍ୟାନ୍ ହେଉଛନ୍ତି ଦୀନେଶ କାର୍ତ୍ତିକ। ଏହି ୩୭ ବର୍ଷୀୟ ଖେଳାଳିଙ୍କର ନିକଟରେ ଅଦ୍ଭୁତ ଖେଳ କୌଶଳ ଅଛି। ଆଇପିଏଲରେ ଭଲ ପ୍ରଦର୍ଶନ ପରେ କାର୍ତ୍ତିକ ଟିମ୍ ଇଣ୍ଡିଆକୁ ଫେରିଛନ୍ତି। ଚଳିତ ବର୍ଷର ଟି-୨୦ ବିଶ୍ୱକପରେ ଦୀନେଶ କାର୍ତ୍ତିକ ଏକ ଫିନିଶର ଭୂମିକାରେ ଅବତୀଣ୍ଣ ହେବେ। କେବଳ ଏତିକି ନୁହେଁ, ଖରାପ ଫର୍ମ କାରଣରୁ ଯଦି ରିଷଭ ଦଳରୁ ଓହରିଯାଆନ୍ତି, ତେବେ ଦୀନେଶ କାର୍ତ୍ତିକଙ୍କୁ ୱିକେଟ୍ କିପିଂ କରୁଥିବା ଦେଖିବାକୁ ମିଳିବ।