ପାକିସ୍ତାନ ଓ ଶ୍ରୀଲଙ୍କା ଠୁ ହାରିବା ପରେ ବି ଏସିଆ କପ୍‌ ଫାଇନାଲକୁ ଯାଇ ଟ୍ରଫି ଜିତିପାରିବ ଭାରତ, ଜାଣନ୍ତୁ କେମିତି ପୂରା ସମୀକରଣ

 
Asia cup

ଏସିଆ କପ୍ 2022 ର ସୁପର -4 ର ଦ୍ୱିତୀୟ ମ୍ୟାଚ୍ ରେ ଶ୍ରୀଲଙ୍କା ଦଳ ଟିମ୍ ଇଣ୍ଡିଆକୁ 6 ୱିକେଟ୍ ରେ ପରାସ୍ତ କରିଛି। ଏହି ପରାଜୟ ଟିମ୍ ଇଣ୍ଡିଆ ସହିତ କୋଟି କୋଟି ଭାରତୀୟଙ୍କ ହୃଦୟ ଭାଙ୍ଗି ଯାଇଛି। ଏହାପୂର୍ବରୁ ସୁପର -4 ର ପ୍ରଥମ ମ୍ୟାଚରେ ପାକିସ୍ତାନ ଭାରତକୁ 5 ୱିକେଟରେ ପରାସ୍ତ କରିଛି। ପାକିସ୍ତାନଠୁ ହାରିବା ସତ୍ତ୍ୱେ ପ୍ରଶଂସକମାନେ ଆଶା କରିଥିଲେ ଯେ ଭାରତ ଶ୍ରୀଲଙ୍କା ଏବଂ ଆଫଗାନିସ୍ତାନକୁ ପରାସ୍ତ କରିବ, କିନ୍ତୁ ଗତକାଲି ଶ୍ରୀଲଙ୍କା ଟିମ୍ ଇଣ୍ଡିଆକୁ ହରାଇ ସୁପର 4 ରାଉଣ୍ଡର ପ୍ରଥମ ସ୍ଥାନରେ ଅଛି। ରବିବାର ଏସିଆ କପ୍ ଫାଇନାଲରେ ଭାରତ ଏବଂ ପାକିସ୍ତାନ ମଧ୍ୟରେ ପୁଣି ଥରେ ସଂଘର୍ଷ ହେବ ବୋଲି ସଭିଏଁ ଚାହୁଁଥିଲେ। କିନ୍ତୁ ସେହି ଆଶା ଧୀରେ ଧୀରେ ଲୋପ ପାଇବାରେ ଲାଗିଛି।

India

ଶ୍ରୀଲଙ୍କାର ବିଜୟ ପରେ ଟିମ୍ ଇଣ୍ଡିଆ ଏସିଆ କପ୍ ଫାଇନାଲରେ ଖେଳିବା କଷ୍ଟକର ହୋଇପଡୁଛି। ତେବେ ବର୍ତ୍ତମାନ ବି ଭାରତ ଏସିଆ କପ୍‌ର ଫାଇନାଲରେ ପ୍ରବେଶ କରିପାରିବ। ଏଥିପାଇଁ ଆଫଗାନିସ୍ତାନକୁ ଆଜି ପ୍ରଥମେ ପାକିସ୍ତାନକୁ ପରାସ୍ତ କରିବାକୁ ପଡିବ। ତେବେ ଯଦି ଆସନ୍ତାକାଲି ପାକିସ୍ତାନ ଜିତିବ ତେବେ ଭାରତ ଏସିଆ କପରୁ ବାଦ ପଡିବ।

ଆଫଗାନିସ୍ତାନର ବିଜୟ ପରେ ପାକିସ୍ତାନ 2 ଟି ମ୍ୟାଚରେ ଗୋଟିଏ ଜିତିବ ଆଉ ଅନ୍ୟଟି ହାରିବ। ଅନ୍ୟପକ୍ଷରେ ଭାରତୀୟ ଦଳକୁ ସେପ୍ଟେମ୍ବର 8 ତାରିଖରେ ହେବାକୁ ଥିବା ଆଫଗାନିସ୍ତାନ ସହିତ ମ୍ୟାଚରେ ଏହି ଦଳକୁ ପରାସ୍ତ କରିବାକୁ ପଡ଼ିବ।  ଆଫଗାନିସ୍ତାନକୁ ପରାସ୍ତ କରିବା ପରେ ଟିମ୍ ଇଣ୍ଡିଆ 3ଟି ମ୍ୟାଚ୍ ରୁ ଗୋଟିଏ ବିଜୟ ହାସଲ କରିବ। 

Asia Cup

ଏଥି ସହିତ ଆଫଗାନିସ୍ତାନ ଦଳ ମଧ୍ୟ 3ଟି ମ୍ୟାଚ ରୁ ଗୋଟିଏ ବିଜୟରେ ରହିବ। ତେବେ ପାକିସ୍ତାନ ଏବଂ ଶ୍ରୀଲଙ୍କା ମଧ୍ୟରେ ଖେଳାଯିବାକୁ ଥିବା ମ୍ୟାଚରେ ସିଂହଳ ଦଳ ଯେମିତି ବି ହେଲେ ପାକିସ୍ତାନକୁ ପରାସ୍ତ କରିବାକୁ ପଡିବ। 

ଏଭଳି ପରିସ୍ଥିତିରେ ଭାରତ, ଆଫଗାନିସ୍ତାନ ଏବଂ ପାକିସ୍ତାନ ଦଳ ତିନିଟି ମ୍ୟାଚରୁ ଗୋଟିଏରେ ବିଜୟ ହାସଲ କରିବ। ଏହି ତିନୋଟି ଦଳ ମଧ୍ୟରୁ ଯେଉଁ ଦଳର ରନ୍ ହାର ଭଲ ଥିବ, ସେହି ଦଳ ଫାଇନାଲ ମ୍ୟାଚ୍ ରେ ଶ୍ରୀଲଙ୍କା ସହିତ ପ୍ରତିଦ୍ୱନ୍ଦ୍ୱିତା କରିବ। ଏହି ପରିସଂଖ୍ୟାନଗୁଡିକ ବ୍ୟତୀତ, ଯଦି ଆପଣ ଅନ୍ୟ ଏକ ଦିଗକୁ ଦେଖନ୍ତି, ତେବେ ଆପଣ ଦେଖିବେ ଯେ ଏସିଆ କପରେ ପ୍ରାୟ ଭାରତର ଯାତ୍ରା ସମାପ୍ତ ହୋଇଛି।

From around the web