ଦେଖନ୍ତୁ ଭିଡ଼ିଓ: ଡାକ୍ତରଖାନାରେ ପଞ୍ଜାବୀ ଗୀତ ତାଳରେ ପିପିଇ କିଟ୍ ପିନ୍ଧି ନାଚିଲେ ଡାକ୍ତର, ଭିଡ଼ିଓ ଭାଇରାଲ ହେବା ପରେ ଲୋକେ କଲେ ପ୍ରଶଂସା…..
ଗତ କିଛି ଦିନ ମଧ୍ୟରେ ଭାରତରେ ଦୈନିକ ୩.୫ ଲକ୍ଷରୁ ଅଧିକ ନୂତନ କରୋନା ମାମଲା ବୃଦ୍ଧି ପାଇବାରୁ ଡାକ୍ତର ଏବଂ ନର୍ସମାନଙ୍କ ଉପରେ ଅଧିକ କାର୍ଯ୍ୟଭାର ରହୁଛି। ବିଶେଷକରି ଡାକ୍ତରଖାନାଗୁଡ଼ିକରେ କୋଭିଡ୍-୧୯ ୱାର୍ଡର ଅବସ୍ଥା ବହୁତ କଷ୍ଟଦାୟକ ଅଟେ। ଏପରି ପରିସ୍ଥିତି ଉଭୟ ଡାକ୍ତର ଏବଂ ରୋଗୀଙ୍କୁ ଉଦାସୀନତା ଏବଂ କ୍ଲାନ୍ତ ଅନୁଭବ କରାଇ ଥାଏ। ତେବେ ଏହିପରି ପ୍ରତିକୂଳ ପରିସ୍ଥିତି ରେ ମଧ୍ୟ କିଛି ଡାକ୍ତର ଏବଂ କୋଭିଡ ଯୋଦ୍ଧା ଏପରି କିଛି କାମ କରିଥାନ୍ତି ଯାହା ସମସ୍ତଙ୍କ ମୁହଁରେ ହସ ଫୁଟାଇଥାଏ।
ଏହି ଭାଇରାଲ ଭିଡିଓରେ ହସ୍ପିଟାଲର କର୍ମଚାରୀ ଏବଂ ଡାକ୍ତରମାନେ କୋଭିଡ ସଂକ୍ରମିତ ରୋଗୀଙ୍କୁ ଉତ୍ସାହିତ କରିବା ପାଇଁ ପିପିଇ କିଟ୍ ପିନ୍ଧି ନାଚୁଥିବାର ଦେଖିବାକୁ ମିଳିଥିଲା। ଏପରିକି ସେମାନେ ରୋଗୀମାନଙ୍କୁ ମଧ୍ୟ ସେମାନଙ୍କ ସହିତ ନାଚିବାକୁ ଉତ୍ସାହିତ କରିଥିଲେ। କେତେକ ରୋଗୀ ନିଜ ଶଯ୍ୟାରେ ବିଶ୍ରାମ ନେଉଥିବା ବେଳେ ତାଳି ମାରି ଗୀତର ସ୍ୱର ସହିତ ପର୍ଯ୍ୟନ୍ତ ଭଙ୍ଗ୍ରା ଷ୍ଟେପ୍ ର ଅଙ୍ଗିଭଙ୍ଗି କରୁଥିବା ଦେଖିବାକୁ ମିଳିଥିଲା।
Amazing spirit. Salute Our doctors & healthcare warriors!
— Gurmeet Chadha (@connectgurmeet) April 28, 2021
Brought a smile ..
PS- beautiful song as well ( fwd)@deepaksidhu pic.twitter.com/M53pPTyJqw
ବୁଧବାର ବିଳମ୍ବିତ ରାତିରେ ଗୁରୁମିତ ଚଢା ନାମକ ଜଣେ ଉପଭୋକ୍ତା ଟ୍ୱିଟରରେ ଏହି ଭିଡିଓ ସେୟାର କରିଛନ୍ତି। ଇଣ୍ଟରନେଟରେ ଏହି ହୃଦୟସ୍ପର୍ଶୀ ଭିଡିଓ ସାମ୍ନାକୁ ଆସିବା ପରେ ସୋସିଆଲ ମିଡିଆ ବ୍ୟବହାରକାରୀ ମାନେ ଡାକ୍ତରମାନଙ୍କୁ ଉତ୍ସାହିତ କରିଥିଲେ। ଘୋର ବିପଦ ସମୟ ମଧ୍ୟରେ ଏଭଳି ସକାରାତ୍ମକ ବିଚାର ରଖିଥିବାରୁ ସେମାନେ ସ୍ୱାସ୍ଥ୍ୟ କର୍ମୀଙ୍କୁ ପ୍ରଶଂସା କରିଥିଲେ।