ରାମ ମନ୍ଦିର ପ୍ରତିଷ୍ଠା ପଛରେ ଅଛି ଏହି ଦିବ୍ୟ ମାଙ୍କଡ଼ର ହାତ, କୋର୍ଟରେ ନବସିଥିଲେ ରାୟ ହୋଇ ପାରିନଥାନ୍ତା, ଜାଣନ୍ତୁ ପୁରା ଖବର

ରାମ ମନ୍ଦିର ହେବ ଆଉ ସେଥିରେ ହନୁମାନଙ୍କର କୌଣସି ଭୂମିକା ରହିବ ନାହିଁ ଏହା କଣ ସମ୍ଭବ ! କୁହାଯାଏ ରାମଙ୍କ ପ୍ରସଙ୍ଗ ଯେଉଁଠାରେ ଆଲୋଚନା ହୁଏ ସେଠାରେ ସ୍ଵୟଂ ହନୁମାନ ବିରାଜମାନ କରନ୍ତି । ଠିକ୍ ସେହିପରି ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ନେଇ ଏକ ବଡ ଅବଦାନ ରହିଥିଲା ପ୍ରଭୁ ଶ୍ରୀ ହନୁମାନଙ୍କର । ହୁଏ ତ ସିଏ ସେ ଦିନ ମାଙ୍କଡ ବେଶରେ କୋର୍ଟ କୁ ନ ଯାଇଥିଲେ କୋର୍ଟର ରାୟ ରାମ ମନ୍ଦିର ସପକ୍ଷରେ ହୋଇ ନ ଥାନ୍ତା ।

ଜାଣନ୍ତୁ ସମ୍ପୂର୍ଣ ଘଟଣା । କିପରି ମାଙ୍କଡଟିର ସହଯୋଗରେ ଅଯୋଧ୍ୟାରେ ପ୍ରତିଷ୍ଠା ହେବାକୁ ଯାଉଛି ଶ୍ରୀରାମ ମନ୍ଦିର ।

ସମୟ ୧୯୮୬ ମସିହା । ଅଯୋଧ୍ୟାର ସେହି ସ୍ଥାନରେ ବାବ୍ରି ମସଜିଦ ପ୍ରତିଷ୍ଠା ନେଇ ମୋକଦ୍ଦମା ବସିଥିଲା । ସେହି ଦିନ କୋର୍ଟ ରାୟ ଦେଇଥିଲେ ଯେ ବାବ୍ରି ମସଜିଦର ତାଲା ଖୋଲିବା ପାଇଁ । ଏହି ଶୁଣାଣି ହାଇଜାବାଦ୍ ଜିଲ୍ଲା କୋର୍ଟରେ ଚାଲିଥିଲା । ଏହି ସମୟରେ ଏକ କଳା ରଙ୍ଗର ମାଙ୍କଡ ଟିଏ କୋର୍ଟ ଭିତରେ ପ୍ରବେଶ କରିଥିଲା ।

ସେହି ଦିନ ମାଙ୍କଡଟି କୋର୍ଟର ଶୁଣାଣି ଚାଲିବା ପର୍ଯ୍ୟନ୍ତ ଅଖିଆ ଅପିଆ ହୋଇ ପଡ଼ି ରହିଥିଲା କୋର୍ଟର ଛାତ ଉପରେ । ଏକଥା କୌଣସି ମନ ଗଢା କାହାଣୀ ନୁହେଁ । ବରଂ ଏହି କଥା ନୁହେଁ ବିଚାରପତି କୃଷ୍ଣ ମୋହନ ପାଣ୍ଡେ ତାଙ୍କ ଆତ୍ମଜୀବନୀ ଭୟେସ ଅଫ୍ କନ୍ସେଣ୍ଟ ପୁସ୍ତକରେ ଲେଖିଥିଲେ ।

ସେ ଆହୁରି ମଧ୍ୟ ଲେଖିଥିଲେ ସେଦିନ ସେ କୋର୍ଟରୁ ଘରକୁ ଯିବା ପରେ ସେହି ମାଙ୍କଡଟି ତାଙ୍କ ଘର ସାମ୍ନାରେ ବସିଥିଲା । ଯାହା ଦେଖି ସେ ସଂପୂର୍ଣ୍ଣ ଭାବ ବିହ୍ୱଳ ହୋଇ ପଡ଼ିଥିଲେ ଓ ଉକ୍ତ ସ୍ଥାନରେ ସେହି ମାଙ୍କଡଟିକୁ ଆଣ୍ଠୁ ମାଡ଼ି ପ୍ରଣାମ କରିଥିଲେ । ସେହି ଦିନ ଠାରୁ ଆଜି ଯାଏଁ ସେ କେବେ ବି ସେହି ମାଙ୍କଡଟିକୁ ଦେଖି ନାହାନ୍ତି । 

ସେ ଥିଲା ଏକ ସଂଘର୍ଷର ଦିନ ଏବଂ ଆଜି ହେଉଛି ଉତ୍ସବର ଦିନ । ଜାନୁୟାରୀ ୨୨ ତାରିଖରେ ପ୍ରତିଷ୍ଠା ହେବାକୁ ଯାଉଛି ଅଯୋଧ୍ୟାର ରାମ ମନ୍ଦିର । ଏହି ପରିପ୍ରେକ୍ଷୀରେ ଆଜି ବି ଅନେକ ଲୋକ ଯେଉଁମାନେ ଏହି ପୂର୍ବ ଘଟଣା ସହ ପରିଚିତ ମନେ ପକାଇଛନ୍ତି ସେହି ମାଙ୍କଡଟିକୁ ।