ସରକାରଙ୍କ ଏହି ଯୋଜନାରେ ସାମିଲ୍ ହୋଇ ଆକାଉଣ୍ଟ୍ ରେ ଟଙ୍କା ନ ଥିଲେ ବି ଆବଶ୍ୟକ ସମୟରେ ଟଙ୍କା ଉଠାଇବାର ସୁଯୋଗ ପାଆନ୍ତୁ

ଦେଶର କୋଟି କୋଟି ଜନ ସାଧାରଣ ମାନଙ୍କୁ ବ୍ୟାଙ୍କ୍ ସହିତ ଯୋଡ଼ିବା ପାଇଁ ୨୦୧୪ ମସିହା ଅଗଷ୍ଟ ୨୮ ତାରିଖରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ବାରା ଆରମ୍ଭ କରା ଯାଇଥିଲା ଜନ ଧନ ଯୋଜନା । ଏହି ଯୋଜନା ମାଧ୍ୟମରେ ଦେଶରେ ବ୍ୟାଙ୍କ୍ ଇତିହାସରେ ଏକ ବଡ଼ ଧରଣର ପରିବର୍ତ୍ତନ ଦେଖା ଦେଇଥିଲା । ଏହି ଯୋଜନା ଅଧୀନରେ ହିତାଧିକାରୀ ମାନେ ବ୍ୟାଙ୍କ୍ ରେ ଜିରୋ ଆକାଉଣ୍ଟ ଖୋଲିବାର ସୁଯୋଗ ପାଇଥାନ୍ତି । ଅର୍ଥାତ୍ ବ୍ୟାଙ୍କ୍ ଖାତାରେ କୌଣସି ସର୍ବ ନିମ୍ନ ବାଲାନ୍ସ ରଖିବାକୁ ପଡ଼ି ନ ଥାଏ । 

ତେବେ ଖାଲି ଏତିକି ନୁହେଁ ଏହି ଯୋଜନାର ଅନ୍ସିଦାରୀ ମାନେ ନିଜର ଜିରୋ ଆକାଉଣ୍ଟରେ ବାଲାନ୍ସ ନ ଥିଲେ ମଧ୍ୟ ଆବଶ୍ୟକ ସମୟରେ ୧୦,୦୦୦ ପର୍ଯ୍ୟନ୍ତ ଉଠାଇ ପାରିବାର ବ୍ୟବସ୍ଥା ରହିଛି । ଆହୁରି ମଧ୍ୟ ଏହି ଯୋଜନା ମାଧ୍ୟମରେ ଲୋକ ମାନଙ୍କୁ ଚେକ୍ ବୁକ୍ , ପାସ ବୁକ୍ , ବୀମା ସହିତ ଗ୍ରାହକ ଓଭର୍ ଡ୍ରାଫ୍ଟର ସୁବିଧା ରହିଛି । ଏହି ଓଭର ଡ୍ରାଫ୍ଟ ସୁବିଧା ହେତୁ ହିତାଧିକାରୀ ନିଜ ଆକାଉଣ୍ଟ ରେ ବାଲାନ୍ସ ନ ଥିଲେ ମଧ୍ୟ ପଇସା ଉଠାଇ ପାରିବେ ।

Follow our WhatsApp channel and get all the Latest news

କେଉଁ ମାନେ ଓ କିଭଳି ଏହି ଯୋଜନାରେ ସାମିଲ୍ ହୋଇ ପାରିବେ ଜାଣନ୍ତୁ ?

୧୮ ବର୍ଷରୁ ୪୦ ବର୍ଷ ପର୍ଯ୍ୟନ୍ତ ଯେ କୌଣସି ବ୍ୟକ୍ତି ଏହି ସୁବିଧାର ଲାଭ ଉଠାଇ ପାରିବେ । ଯଦି ଆପଣଙ୍କର ମାସିକ ଆୟ ୧୫,୦୦୦ ଟଙ୍କାରୁ କମ୍ ତେବେ ଏହି ଯୋଜନାଟି ଆପଣଙ୍କ ନିମନ୍ତେ । ଏହି ଆକାଉଣ୍ଟ ଆପଣ ଉଭୟ ଘରୋଇ କିମ୍ବା ସରକାରୀ କ୍ଷେତ୍ରରେ ଖୋଲି ପାରିବେ ।

ଏହା ବ୍ୟତୀତ, ଯଦି ଆପଣଙ୍କର ପୂର୍ବରୁ ଏକ ସଞ୍ଚୟ ଖାତା ଅଛି, ତେବେ ଆପଣ ସେହି ଆକାଉଣ୍ଟକୁ ଜନ ଧନ ଆକାଉଣ୍ଟରେ ମଧ୍ୟ ରୂପାନ୍ତର କରିପାରିବେ। ଏହି ଖାତା ଖୋଲିବାକୁ ଆପଣ ୧୦ ବର୍ଷ କିମ୍ବା ତା'ଠାରୁ ଅଧିକ ହେବା ଉଚିତ୍।