କଣ ହୋଇଥିଲା ଅଗଷ୍ଟ ୧୪ ସ୍ୱାଧୀନତାର ପୂର୍ବ ଦିନ ରାତିରେ, କେମିତି ଥିଲା ରାଇସିନା ହିଲ୍ସର ଦୃଶ୍ୟ, ଜାଣନ୍ତୁ ପୁରା ଖବର

ଭାରତର ସ୍ଵାଧୀନତା ନ ଥିଲା ଏତେ ସହଜ । ଭିନ୍ନ ଭିନ୍ନ ମହାପୁରୁଷ ମାନେ ନିଜର ଭିନ୍ନ ଭିନ୍ନ ଚିନ୍ତାଧାରା ଦ୍ଵାରା ଭାରତକୁ ସ୍ଵାଧୀନ କରିବାକୁ ପ୍ରାଣପଣେ ଚେଷ୍ଟା କରିଥିଲେ । କେବଳ ମହାପୁରୁଷ ମାନେ କାହିଁକି ଭାରତର ପ୍ରତି ସାଧାରଣ ଜନତା ବଳିଦାନ ମଧ୍ୟ ଅତୁଳନୀୟ ଥିଲା । ଭାରତର ସ୍ଵାଧୀନତା ସଂଗ୍ରାମ ବିଶ୍ଵର ସବୁଠାରୁ ଅଧିକ ଦିନ ଧରି ଚାଲିଥିବା ସଂଗ୍ରାମ ଥିଲା । 

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ଭାରତର ସ୍ଵାଧୀନତା ସଂଗ୍ରାମ ଜନ୍ମ ଦେଇଥିଲା ଅନେକ ଚିନ୍ତାଧାରା । ସେ ଗାନ୍ଧୀଙ୍କ ଅହିଂସା ହେଉ କିମ୍ବା ସୁଭାଷ ବୋଷଙ୍କ ଡାକରା ମୋତେ ରକ୍ତ ଦିଅ ମୁଁ ତୁମକୁ ସ୍ବାଧିନତା ଦେବି , ଏହି ଦୁଇ ଚିନ୍ତାଧାରା ସାରା ବିଶ୍ବରେ ଗୁଞ୍ଜରି ଉଠିଥିଲା । ହେଲେ ଭାରତ ସିନା ସ୍ଵାଧୀନ ହେଲା ହେଲେ ସବୁ ଦିନ ପାଇଁ ହରେଇ ବସିଲା ତାର ଅନ୍ୟ ଏକ ଅଂଶକୁ ।

୧୯୪୭ ମସିହା ଅଗଷ୍ଟ ମାସ ୧୪ ତାରିଖ । ଭାରତ ପ୍ରସ୍ତୁତି କରୁଥାଏ ନିଜର ସ୍ଵାଧୀନତା ପାଇଁ । ଭାରତର ଏହି ଦିନଟି ଦୁଃଖ ଓ ସୁଖର ଏକ ସମିଶ୍ରଣ କହିଲେ କିଛି କମ୍ ହେବ ନାହିଁ । ଭାରତକୁ ଇଂରେଜ ମାନେ ଛାଡ଼ି ସିନା ଚାଲି ଯାଉଥାନ୍ତି ହେଲେ ପଛରେ ଛାଡି ଯାଉଥାନ୍ତି ଅନେକ ବାଦ ବିବାଦ । ସେଥି ମଧ୍ୟରୁ ସବୁଠାରୁ ବଡ଼ ବିବାଦ ଥିଲା ହିନ୍ଦୁ ମୁସଲମାନ ବିବାଦ । 

ଅଗଷ୍ଟ ୧୪ ମଧ୍ୟ ରାତ୍ରିରେ ଜବାହାରଲାଲ ନେହେରୁ ଭାଇସ୍ ରୟ ଅଫିସ୍ ରେ ଦେଉଥାନ୍ତି ନିଜର ପୂର୍ବ ସ୍ୱାଧିନତା ଅଭିଭାଷଣ । ଯେଉଁଥିରେ ସେ କହିଥିଲେ ଯେଉଁ ସମୟରେ ସାରା ବିଶ୍ଵ ଶୋଇଥିବ ସେହି ସମୟରେ ଜନ୍ମ ନେବ ଏକ ନୂଆ ଭାରତ । ଭାରତର ଅଧିକାରୀ ହେବେ ଭାରତର ଲୋକେ । ଅନ୍ୟ କୌଣସି ବିଦେଶୀଙ୍କର ଅଧିକାର ରହିବ ନାହିଁ ଭାରତ ଉପରେ । 

ସେଦିନ ମଧ୍ୟ ରାତ୍ରିରେ ବ୍ରିଟିଶର୍ ଭାରତର ଶାସନ ଭାର ଭାରତକୁ ଦେଇ ଦେଇ ସବୁ ଦିନ ପାଇଁ ଭାରତ ଛାଡ଼ି ଚାଲି ଯାଇଥିଲେ । ୧୯୪୭ ମସିହା ଅଗଷ୍ଟ ମାସ ୧୫ ତାରିଖ ଦିନ ସରକାରୀ କାଗଜ ପତ୍ରରେ ଭାରତକୁ ଏକ ପୂର୍ଣ୍ଣ ସ୍ଵାଧୀନ ଦେଶ ଭାବେ ଘୋଷଣା କରା ଯାଇଥିଲା । ଯେଉଁଦିନ ପ୍ରଧାନମନ୍ତ୍ରୀ ଭାବେ ଜବାହାରଲାଲ୍ ନେହେରୁ ଓ ରାଷ୍ଟ୍ରପତି ଭାବେ ଡକ୍ଟର ରାଜେନ୍ଦ୍ର ପ୍ରସାଦ ଶପଥ ଗ୍ରହଣ କରିଥିଲେ ଏବଂ ଭାରତ ଠାରୁ ସବୁ ଦିନ ପାଇଁ ଅଲଗା ହୋଇ ଯାଇଥିଲା ପାକିସ୍ତାନ ।