ଟ୍ରେନ ରେ ଯାତ୍ରା କରୁଥିଲେ ହୋଇଯାଆନ୍ତୁ ସାବଧାନ, ଏବେ ଟିକେଟ୍ ଥିଲେ ମଧ୍ୟ ମିଳିବନି ସିଟ୍
ସୁଲଭ ମୂଲ୍ୟରେ ଦେଶର ବୃହତ ଅଂଶକୁ ନିଜ ନିଜ ଗନ୍ତବ୍ୟ ସ୍ଥାନକୁ ପରିବହନ ଯୋଗାଇବାରେ ଭାରତୀୟ ରେଳ ଏକ ପ୍ରମୁଖ ଭୂମିକା ଗ୍ରହଣ କରିଛି । ଭାରତୀୟ ରେଳ ବିଶ୍ୱରେ ମନୋପଲି ପରବହନ ସଂସ୍ଥା ଭାବରେ ନିଜର ପରିଚୟ ସୃଷ୍ଟି କରିଛି ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର:
Follow our WhatsApp channel and get all the Latest news:
)
ରେଳବାଇରେ ଉନ୍ନତି ଆଣିବା ପାଇଁ ନିୟମିତ ବ୍ୟବଧାନରେ ଅନେକ ନିୟମ ପରିବର୍ତ୍ତନ କରାଯାଇଥାଏ । ବର୍ତ୍ତମାନ ଏକ ନିୟମ ପରିବର୍ତ୍ତନ କରାଯାଇଛି, ଯେଉଁ କାରଣରୁ ତୁମର ଟିକେଟ୍ ଥିଲେ ମଧ୍ୟ ତୁମେ ଟ୍ରେନରେ ଯାତ୍ରା କରିପାରିବ ନାହିଁ । ଏହା ଆମେ ନୁହେଁ, ଖୋଦ୍ ରେଳ ଅଧିକାରୀ ସୂଚନା ଦେଇଛନ୍ତି ।
ବର୍ତ୍ତମାନ ସୁଦ୍ଧା ଯାତ୍ରୀମାନଙ୍କୁ ସଂରକ୍ଷଣ ଟିକେଟ କରିବାକୁ ପଡ଼ୁଥିଲା । ଟିକେଟ୍ ରେ ଉଲ୍ଲେଖିତ ଷ୍ଟେସନରୁ ଯାତ୍ରା ଆରମ୍ଭ କରିବାକୁ ପଡ଼ୁଥିଲା । ଯଦି କୌଣସି କାରଣରୁ ଯାତ୍ରୀ ଟ୍ରେନକୁ ମିସ୍ କରନ୍ତି ତେବେ ଯାତ୍ରୀ ପରବର୍ତ୍ତୀ ଷ୍ଟେସନରୁ ଟ୍ରେନ୍ ରେ ଚଢ଼ି ଯାତ୍ରା କରି ପାରୁଥିଲେ । କିନ୍ତୁ ବର୍ତ୍ତମାନ ଏହା ସମ୍ଭବ ହେବ ନାହିଁ ।
କାରଣ ପୂର୍ବରୁ ଟ୍ରେନ୍ ଯାତ୍ରା ପାଇଁ ଯାତ୍ରୀଙ୍କ ନାମ ବଗିରେ ପ୍ରିଣ୍ଟେଣ୍ଡ୍ ପେପର ଲଗାଯାଉଥିଲା । ଏହାର ଏକ ନକଲ ମଧ୍ୟ TTE କୁ ଦିଆଯାଉଥିଲା । ଫଳସ୍ୱରୂପ, ସିଟ୍ ଖାଲି ରହିଲେ ମଧ୍ୟ TTE ଏକ କିମ୍ବା ଦୁଇଟି ଷ୍ଟେସନ ପର୍ଯ୍ୟନ୍ତ ଯାତ୍ରୀଙ୍କୁ ଅପେକ୍ଷା କରୁଥିଲେ । କିନ୍ତୁ ଯାତ୍ରୀଙ୍କୁ ଆଉ ସୁଯୋଗ ମିଳିବ ନାହିଁ । ରେଳ ଅଧିକାରୀମାନେ ଏହି ସୂଚନା ଦେଇଛନ୍ତି । ଯେଉଁଥିପାଇଁ ଯାତ୍ରୀମାନଙ୍କ ଚିନ୍ତା ଦ୍ୱିଗୁଣିତ ହୋଇପାରେ । ଯାତ୍ରୀମାନେ ସତର୍କ ରହିବା ଉଚିତ ଏବଂ ସମୟ ପୂର୍ବରୁ ରେଳ ଷ୍ଟେସନରେ ପହଞ୍ଚିବା ଉଚିତ୍ ।
ନିକଟ ଅତୀତରେ ଅନଲାଇନ୍ ସଂରକ୍ଷଣ ଏବଂ ତତ୍କାଳ ଟିକେଟ୍ ବୁକିଂ ସଂଖ୍ୟା ବୃଦ୍ଧି ପାଇଛି । ଅନଲାଇନ ଉପରେ ନିର୍ଭରଶୀଳତା ବୃଦ୍ଧି ପାଇଛି ଯଦିଓ ପାଖରେ ଷ୍ଟେସନ ଅଛି । କିଛି ଯାତ୍ରୀ ମଧ୍ୟ RAC ଏବଂ Waiting ଟିକେଟ ସହିତ ଯାତ୍ରା କରନ୍ତି । ଆଶା କରାଯାଉଛି ଯେ ଯଦି କିଛି ସିଟ୍ ଖାଲି ଅଛି ତେବେ ସେମାନେ ସିଟ୍ ପାଇବେ ।
ଗତ କିଛି ଦିନ ହେବ ଟିକେଟ୍ ଯାଞ୍ଚ କରିବାର ପଦ୍ଧତିରେ ପରିବର୍ତ୍ତନ ଆସିଛି । ସଂରକ୍ଷିତ ଟ୍ରେନ୍ ଟିକେଟ୍ ବିବରଣୀ ଯାଞ୍ଚ କରିବାକୁ TTE ଙ୍କୁ ମଧ୍ୟ ଟାବଲେଟ୍ ଯୋଗାଇ ଦିଆଯାଇଛି । ଯଦି କୌଣସି ଯାତ୍ରୀ ନିଶ୍ଚିତ ଥିବା ଷ୍ଟେସନରୁ ଟ୍ରେନରେ ଚଢନ୍ତି ନାହିଁ ତେବେ ସିଟ୍ RAC ଏବଂ Waiting ରେ ଥିବା ଯାତ୍ରୀଙ୍କୁ ଦିଆଯିବ । ଯେକୌଣସି ଷ୍ଟେସନରେ ଟ୍ରେନରେ ଚଢି ସଂରକ୍ଷଣ କରାଇଥିବା ନିଜ ବର୍ଥ ଉପରେ ଯାତ୍ରୀ କୌଣସି ଦାବି କରିପାରିବେ ନାହିଁ ।
ଏହାକୁ ଏଡାଇବା ପାଇଁ ଯାତ୍ରୀମାନେ ଟ୍ରେନରେ ଚଢିବା ପରେ ସେମାନଙ୍କର ଯାତ୍ରା ବିବରଣୀ ପରିବର୍ତ୍ତନ କରି ଏହି ସମସ୍ୟାରୁ ମୁକ୍ତି ପାଇପାରିବେ । ରେଳ ବିଭାଗ କହିଛି ଯେ ଯଦି ଏହି ନିୟମକୁ ଅଣଦେଖା କରାଯାଏ, ଯାତ୍ରୀମାନେ ଟିକେଟ୍ ଥିଲେ ମଧ୍ୟ ଯାତ୍ରା କରିବାର ସୁଯୋଗ ହରାଇ ପାରନ୍ତି ।