କଟନ୍ କ୍ୟାଣ୍ଡି ଖାଉଥିଲେ ସାବଧାନ! ମିଶୁଛି ବିଷାକ୍ତ ପଦାର୍ଥ, ସରକାର ଲଗାଇଲେ ନିଷେଧାଦେଶ, ଜାଣନ୍ତୁ ପୁରା ଖବର
କଟନ୍ କ୍ୟାଣ୍ଡି ବା ବମ୍ବେ ମିଠେଇ ପାଇଁ ପିଲା ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତଙ୍କ ମନରେ ଏକ ଦୁର୍ବଳତା ରହିଥାଏ । ହେଲେ କଣ ଆପଣ ଜାଣନ୍ତି ଏହା ଫାଷ୍ଟ ଫୁଡ୍ ଠାରୁ ବି ଅଧିକ ବିଷାକ୍ତ ଅଟେ । ଗୁରୁବାର ଦିନ ଏକ ଭିଡିଓ ଜାରି କରି ପୁଡୁଚେରୀର ଉପରାଜ୍ୟପାଳ ତାମିଲସାଇ ସୌନ୍ଦରାରାଜନ୍ ଏହି ଖାଦ୍ୟ ପଦାର୍ଥର ନିଷେଧାଜ୍ଞା ଘୋଷଣା କରିଛନ୍ତି ।
Follow our WhatsApp channel and get all the Latest news
ଏହି ଭିଡିଓରେ ସେ କହିଛନ୍ତି ଏହି ହାୱା ମିଠାଇ ପ୍ରସ୍ତୁତି ପାଇଁ ଏକ ବିଶେଷ ପ୍ରକାରର ରାସାୟନିକ ପଦାର୍ଥର ବ୍ୟବହାର କରାଯାଇଥାଏ । ଯାହା ଶରୀର ପାଇଁ ଅତ୍ୟନ୍ତ କ୍ଷତି କାରକ ଅଟେ । ସେ ଆହୁରି ମଧ୍ୟ କହିଛନ୍ତି ଏହି ବିଷାକ୍ତ ଖାଦ୍ୟରେ ରେଡାମାଇନ୍ ବି ବ୍ୟବହାର କରା ଯାଉଛି । ଯାହା ଖାଦ୍ୟ ନିରାପତ୍ତା ଅଧିକାରୀ ମାନେ ଜାଣି ପାରିଛନ୍ତି ।
ଏ ନେଇ ପୁଡୁଚେରୀର ଉପରାଜ୍ୟପାଳ ପିଲା ମାନଙ୍କ ସମେତ ବଡ଼ ଲୋକ ମାନଙ୍କୁ ମଧ୍ୟ ଏହି ମିଠେଇ ନ ଖାଇବା ପାଇଁ ଅନୁରୋଧ କରିଛନ୍ତି । ଏହା ସହିତ ସେଠାକାର ସରକାର ଦୋକାନ ଗୁଡ଼ିକୁ ଯାଞ୍ଚ୍ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ଯେଉଁଠାରେ କଟନ୍ କ୍ୟାଣ୍ଡି ପ୍ରସ୍ତୁତିରେ ବିଷାକ୍ତ ଦ୍ରବ୍ୟର ବ୍ୟବହାର କରା ଯାଉଥିବାର ଦେଖିବାକୁ ମିଳିବ ତାହାକୁ ତୁରନ୍ତ ସିଜ୍ କରିବାକୁ ନିର୍ଦ୍ଦେଶ ଦିଆ ଯାଇଛି ।