ଦେଖନ୍ତୁ ଭିଡିଓ: ସର୍ଜରୀ ପରେ ସମ୍ପୂର୍ଣ୍ଣ ନାରୀ ହେଲି, ସ୍ବାମୀ, ସିନ୍ଦୂର ଓ ବାପା ପରି ଶ୍ଵଶୁର ସବୁ ପାଇଲି

ଟ୍ରାନ୍ସଜେଣ୍ଡରରୁ ଝିଅ , ପୁଣି ଝିଅରୁ ବୋହୂ । ଏବେ ସ୍ୱାମୀ ସହିତ ଖୁସିରେ କାଟୁଛନ୍ତି ଦିନ । ସେଥିରେ ଶଶୁରଙ୍କୁ ଅବଦାନ ବି କିଛି କମ୍ ନ ଥିଲା । ପୁଅର ଏକ ଟ୍ରାନ୍ସଜେଣ୍ଡର ସହିତ ବିଭାଘର ପାଇଁ ଅନୁମତି ନ ଦେଇଥିଲେ ହୁଏ ତ ତାଙ୍କୁ ଆଜି ଏ ଦୁନିଆରେ ଏକ ନୂଆ ପରିଚୟ ମିଳି ନ ଥାନ୍ତା ।

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ପ୍ରଶାନ୍ତ ବେହେରାରୁ ସମୀକ୍ଷା ବେହେରାର ଯାତ୍ରା ଏତେ ସହଜ ନ ଥିଲା । କିନ୍ତୁ କୌଣସି ବି ପ୍ରତିକୂଳ ପରିସ୍ଥିତିରେ ହାରିଯାଇ ନାହାନ୍ତି ସେ । ନିଜ ପାଇଁ ଓ ନିଜ ଜାତି ପାଇଁ ଲଢ଼ିଛନ୍ତି । ନିଜ ଅଧିକାର ଓ ସମ୍ମାନ ପାଇଁ ବହୁ କିଛି ହରାଇବାକୁ ପଡ଼ିଥିଲା ତାଙ୍କୁ ।

ସତରେ ବର୍ତ୍ତମାନ ସମୟରେ ସମାଜ ଟ୍ରାନ୍ସଜେଣ୍ଡର ମାନଙ୍କ ସହ ଯେପରି ବ୍ୟବହାର କରେ ଓ ଯେଉଁ ନଜରରେ ଦେଖେ , ସେହିଭଳି ଏକ ସମୟ ଓ ସମାଜରେ ସହଜ ଓ ସରଳରେ ଏକ ଟ୍ରାନ୍ସଜେଣ୍ଡରଙ୍କୁ ନିଜ ପତ୍ନୀ ଭାବେ ସ୍ବୀକାର କରିବା ଏକ ମହାନ କାମ ବୋଲି କହିଲେ କିଛି ଭୁଲ ହେବ ନାହିଁ । 

ସ୍ଵାମୀଙ୍କ ସହିତ ଦେଖା ହୋଇଥିଲା ଏକ ମ୍ୟାରେଜ ଆପ୍ ରେ । ସେଠାରୁ ବଢିଥିଲା ଭଲ ପାଇବା । ମନ ଇଚ୍ଛା ନୁହେଁ ବରଂ ଘରକୁ ଡକାଇ ନିଜ ବାପା ମାଙ୍କ ସହମତି କ୍ରମେ ତାଙ୍କୁ ବିବାହ କରିଥିଲେ ତାଙ୍କ ସ୍ଵାମୀ ।