ଶ୍ରାବଣ ମାସରେ ମନା ଆମିଷ ଭୋଜନ, କେବଳ ଭଗବାନଙ୍କ ପାଇଁ ନୁହେଁ ଏହି ବଡ଼ କାରଣ ପାଇଁ ଖାଆନ୍ତୁ ନାହିଁ ନନ୍ ଭେଜ୍

ଆରମ୍ଭ ହୋଇ ଯାଇଛି ଶ୍ରାବଣ ମାସ । ଶ୍ରାବଣ ମାସକୁ ଭଗବାନ ଶିବଙ୍କର ମାସ ବୋଲି କୁହାଯାଏ । ଏହି ମାସରେ ଛୋଟ ଠାରୁ ଆରମ୍ଭ କରି ବଡ଼ ପର୍ଯ୍ୟନ୍ତ ସମସ୍ତେ ପାଣି ଭାର ନେଇଥାନ୍ତି । କେହି କେହି ମାନସିକ ରଖି ମଧ୍ୟ ଏଭଳି କରିଥାନ୍ତି ।

 ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

 Follow our WhatsApp channel and get all the Latest news

ଭଗବାନ ଶିବଙ୍କୁ ଅତ୍ୟନ୍ତ ନିଷ୍ଠାର ସହ ପୂଜାର୍ଚ୍ଚନା କଲେ ସେ ନିଜ ଭକ୍ତ ଉପରେ ପ୍ରସନ୍ନ ହୋଇ ବର ପ୍ରଦାନ କରି ଥାଆନ୍ତି । ତେବେ ଏହି ଶ୍ରାବଣ ମାସରେ ହିଁ ଶିବଙ୍କ ଭକ୍ତ ମାନେ ଅତ୍ୟନ୍ତ ନିଷ୍ଠାର ସହ ବୋଲବମ୍ ଯାଇଥାନ୍ତି ।

ଏହି ମାସରେ ଭକ୍ତ ମାନେ ପ୍ରାୟତଃ ଏକ ମାସ ପର୍ଯ୍ୟନ୍ତ ଆମିଷ ଭକ୍ଷଣ କରି ନଥାନ୍ତି । ତେବେ କଣ ଆପଣ ଜାଣନ୍ତି କି କାହିନି ଶ୍ରାବଣ ମାସରେ ଲୋକେ ଆମିଷ ଖାଇ ନଥାନ୍ତି ।

ପୁରାଣ ଅନୁସାରେ , ଯେଉଁମାନେ ମଦ, ମାଂସ ତଥା ଆମିଷ ଭକ୍ଷଣ ଠାରୁ ଦୂରରେ ରୁହନ୍ତି ଶିବ ତାଙ୍କ ଉପରେ ବେଶ୍ ପ୍ରସନ୍ନ ହୋଇଥାନ୍ତି । ତାଙ୍କୁ ଆଶୀର୍ବାଦ ମଧ୍ୟ ଦେଇଥାନ୍ତି ।

ଆଉ କିଛି ମତ ଅନୁସାରେ କୁହାଯାଏ , ଏହି ମାସରେ ଜୀବ ମାନେ ଗର୍ଭ ଧାରଣ କରିଥାନ୍ତି । ଯେଉଁଥି ପାଇଁ ଜୀବ ମାନଙ୍କୁ ଖାଇବା ସମ୍ପୂର୍ଣ୍ଣ ଅନୁଚିତ୍ । ଆଉ ଯଦି ଆପଣ ଆମିଷ ଭକ୍ଷଣ କରୁଛନ୍ତି ହୁଏ ତ ଆପଣଙ୍କ ସ୍ୱାସ୍ଥ୍ୟ ଅବସ୍ଥା ଭଲ ରହି ନ ପାରେ ।