ଦେଖନ୍ତୁ ଭିଡିଓ: ବ୍ୟାଙ୍କ ଭିତରେ ଚାଲିଥିଲା ଏମିତି କାର୍ଯ୍ୟ, ହଠାତ୍ ମାଡ଼ିବସିଲା ପୋଲିସ, ଭିତରୁ ବାହାରୁଛନ୍ତି ଯୁବକ ଯୁବତୀ

ବ୍ୟାଙ୍କ ବନ୍ଦ ଥିଲା ବେଳେ ବ୍ୟାଙ୍କ ଭିତରେ ଏପରି କରୁଥିଲେ ବ୍ୟାଙ୍କ କର୍ମଚାରୀ ! ଜଣେ ମହିଳା ଓ ଦୁଇ ଜଣ ପୁରୁଷଙ୍କୁ ବ୍ୟାଙ୍କ ଭିତରୁ ଗିରଫ କରିଛି କ୍ରାଇମ୍ ବ୍ରାଞ୍ଚ ।

 ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ଗତ ଶନିବାର ଦିନ ବ୍ୟାଙ୍କ ବନ୍ଦ ଥିବା ବେଳେ ବ୍ୟାଙ୍କ ଭିତରେ କୋଟି କୋଟି ଟଙ୍କାର ଠକେଇ କରୁଥିଲେ ଏହି ତିନି ଅଭିଯୁକ୍ତ । ପ୍ରଥମେ କ୍ରାଇମ୍ ବ୍ରାଞ୍ଚ ରାସ୍ତା ଉପରେ ଛିଡା ହୋଇ ଗାଡ଼ି ଭିତରେ ଲୁଚି ରହି ଏହି ସବୁ ଜିନିଷର ତଦନ୍ତ କରିଥିଲା ।

ଯାହା ପରେ ସିଧା ବ୍ୟାଙ୍କ ଉପରେ ଚଢାଉ କରିଥିଲା କ୍ରାଇମ୍ ବ୍ରାଞ୍ଚ । ଏ ଘଟଣାରେ ସଂପୃକ୍ତ ତିନି ଅଭିଯୁକ୍ତ ହେଲେ ବ୍ୟାଙ୍କ ମ୍ୟାନେଜର ପ୍ରଶାନ୍ତ କୁମାର ସାହୁ , ଗ୍ରାହକ ସେବା ସଂପର୍କ ଅଧିକାରୀ ସ୍ୱାଗତିକା ସାହୁ ଏବଂ ତାଙ୍କ ସ୍ଵାମୀ ମନୋଜ ସାହୁ । ସ୍ୱାଗତିକା ଆଇସିଆଇସିଆଇ ବ୍ୟାଙ୍କର ଢେଙ୍କାନାଳ ଶାଖାରେ ରିଲେସନସିପ୍ ମ୍ୟାନେଜର ଭାବେ କାର୍ଯ୍ୟ କରୁଥିବା ବେଳେ ପ୍ରଶାନ୍ତ ଡେପୁଟି ବ୍ୟାଙ୍କ ମ୍ୟାନେଜର ଭାବେ କାର୍ଯ୍ୟ କରୁଥିଲେ।

ଢେଙ୍କାନାଳ ଶାଖାର ଅନେକ ଗ୍ରାହକଙ୍କ ଆଇସିଆଇସିଆଇ ବ୍ୟାଙ୍କ ଆକାଉଣ୍ଟରୁ ସନ୍ଦେହଜନକ ଅନଧିକୃତ କାରବାର ହୋଇଥିବା ଜଣାପଡ଼ିବା ପରେ ଏହି ଠକେଇର ପର୍ଦ୍ଦାଫାସ ହୋଇଛି। ଏହି ଅଭିଯୋଗ ପରେ ଆଇସିଆଇସିଆଇ ବ୍ୟାଙ୍କର ଫାଇନାନ୍ସିଆଲ କ୍ରାଇମ ପ୍ରିଭେନସନ୍ ଗ୍ରୁପର ଆଞ୍ଚଳିକ ମୁଖ୍ୟ କ୍ରାଇମବ୍ରାଞ୍ଚରେ ଅଭିଯୋଗ କରିଥିଲେ।

ବ୍ୟାଙ୍କର ଆଭ୍ୟନ୍ତରୀଣ ଅନୁସନ୍ଧାନରୁ ଜଣାପଡିଛି ଯେ ଏହି ଠକେଇ କାରବାର ଫିକ୍ସଡ ଡିପୋଜିଟ୍ ବିରୋଧରେ ଅନଧିକୃତ ଓଭରଡ୍ରାଫ୍ଟ ଭାବରେ କରାଯାଇଥିଲା । ଢେଙ୍କାନାଳ ଟାଉନ ଥାନାରେ ସ୍ୱାଗତିକା ସ୍ୱାଇଁ ଓ ତାଙ୍କ ସହଯୋଗୀଙ୍କ ବିରୋଧରେ ୩ଟି ସମାନ ମାମଲା ରୁଜୁ ହୋଇଛି। ଅନ୍ୟାନ୍ୟ ଅପରାଧରେ ସମ୍ଭାବ୍ୟ ସମ୍ପୃକ୍ତି ନେଇ ଅଧିକ ଅନୁସନ୍ଧାନ ଜାରି ରହିଛି।