ଡ୍ୟୁଟି ସାରି ଜେଲ କ୍ୱାଟରରେ ଏମିତି କଣ ଘଟିଲା, ସହିପାରିଲେନି ପ୍ରେମିକାର ନିର୍ଯ୍ୟାତନା, ଝୁଲିପଡିଲେ ଜେଲ ୱାର୍ଡନ୍, ଜାଣନ୍ତୁ ପୁରା ଘଟଣା

ଜେଲ୍ ୱାର୍ଡରଙ୍କ ସନ୍ଦେହଜନକ ମୃତ୍ୟୁ । କେନ୍ଦ୍ରାପଡା ବାରିମୂଳସ୍ଥିତ ଜିଲ୍ଲା କାରାଗାରର ୱାର୍ଡର ବିଜୟ ପରିଡାଙ୍କର ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର କରାଯାଇଛି। ଜେଲ୍ ନିକଟରେ ଥିବା ବାରାକରେ ବିଜୟଙ୍କ ମୃତଦେହ ଝୁଲନ୍ତା ଅବସ୍ଥାରେ ଠାବ କରିଛନ୍ତି ସହକର୍ମୀ । ଡ୍ୟୁଟି ସାରି ବାରାକକୁ ଫେରିଥିଲେ ବିଜୟ, ସଂଧ୍ୟାରେ ଦୁଇ ସହକର୍ମୀ ବାରାକକୁ ଫେରିଥିବା ବେଳେ ଝୁଲନ୍ତା ଅବସ୍ଥାରେ ବିଜୟଙ୍କ ମୃତଦେହ ଠାବ କରିଥିଲେ ।

ତେବେ ବିଜୟଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ବିଜୟଙ୍କ ମୃତ୍ୟୁ ଏକ ପ୍ରେମ ଜନିତ ହତ୍ୟାକାଣ୍ଡ ବୋଲି ପରିବାର ଲୋକେ କହିଛନ୍ତି । ବିଜୟ ବିବାହିତ ହୋଇଥିବା ବେଳେ ତାଙ୍କର ୩ ବର୍ଷର ଝିଅଟିଏ ଅଛି । ବିବାହ ପୂର୍ବରୁ ନିକଟ କପୁରସିଂ ଅଞ୍ଚଳର ଏକ ଝିଅ ରଶ୍ମିରେଖା ସହିତ ପ୍ରେମ ସମ୍ପର୍କ ଥିଲା ପରବର୍ତ୍ତୀ ସମୟରେ ବିଜୟ ଙ୍କୁ ବ୍ଲାକମେଲ କରିବା ସହିତ ବିଭିନ୍ନ ସମୟରେ ମାନସିକ ନିର୍ଯ୍ୟାତନା ଦେଉଥିଲେ । 

ଏମିତି କି ରଶ୍ମିରେଖା ଓ ତାଙ୍କ ପରିବାର କେନ୍ଦ୍ରାପଡ଼ା ଜେଲ ପାଖକୁ ଆସି ବିଜୟ ଙ୍କୁ ମାଡ଼ ମାରିବା ସହିତ ଧମକ ମଧ୍ୟ ଦେଉଥିଲେ ବୋଲି ବିଜୟଙ୍କ ଦାଦା ଅଭିଯୋଗ କରିଛନ୍ତି । ତେବେ କେନ୍ଦ୍ରାପଡ଼ା ବାରିମୂଳସ୍ଥିତ ଜିଲ୍ଲା କାରାଗାରର ୱାର୍ଡର ବିଜୟ ପରିଡ଼ାଙ୍କର ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର କରାଯିବା ପରେ ଏହାକୁ ଆତ୍ମହତ୍ୟା ନୁହେଁ, ବରଂ ତାଙ୍କୁ ହତ୍ୟା କରାଯାଇଥିବାର ଅଭିଯୋଗ ହୋଇଛି।

ତାଙ୍କର ବିବାହ ପୂର୍ବରୁ ଅନ୍ୟ ଜଣେ ଯୁବତୀଙ୍କ ସହ ପ୍ରେମ ସଂପର୍କ ଥିଲା। କିଛି ମାସ ତଲେ ପୂର୍ବତନ ପ୍ରେମିକା ବି ସେଠାରେ ପହଞ୍ଚି ହଙ୍ଗାମା କରିଥିଲେ। ତେଣୁ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଛି ତାକୁ ନେଇ ସନ୍ଦେହ ବଢୁଛି। ଖବର ପାଇବା ପରେ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି କେମିତି ଓ କେଉଁ ପରିସ୍ଥିତିରେ ବିଜୟଙ୍କ ମୃତ୍ୟୁ ହେଲା ତାର ତଦନ୍ତ କରୁଛି।

ବିଜୟଙ୍କ ଘର କଟକ ଜିଲ୍ଲା ଗୁରୁଡିଝାଟିଆରେ ହୋଇଥିବା ବେଳେ ସେ ୨୦୨୩ରେ ଚାକିରି ଜୀବନ ଆରମ୍ଭ କରିଥିଲେ ସେ ବିବାହିତ ଏବଂ ତାଙ୍କର ୩ ବର୍ଷର ଗୋଟିଏ ଝିଅ ଥିବା ଜଣାଯାଇଛି। ତାଙ୍କର ବିବାହ ପୂର୍ବରୁ ଅନ୍ୟ ଜଣେ ଯୁବତୀଙ୍କ ସହ ପ୍ରେମ ସଂପର୍କ ଥିଲା। କିଛି ମାସ ତଲେ ପୂର୍ବତନ ପ୍ରେମିକା ବି ସେଠାରେ ପହଞ୍ଚି ହଙ୍ଗାମା କରିଥିଲେ। ତେଣୁ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଛି ତାକୁ ନେଇ ସନ୍ଦେହ ବଢୁଛି।