ଇଷ୍ଟାରୁ ଝିଅ ପଟେଇ ବିବାହର ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିବା ସହ ଟଙ୍କା ଝଡଉଥିଲେ ଯନ୍ତ୍ରି, ଜାଣନ୍ତୁ ପୁରା ଖବର

ଜଣେ କି ଦୁଇ ଜଣ ନୁହେଁ ଏକା ଥରେ ୪ ଜଣ ଯୁବତୀଙ୍କୁ ପ୍ରେମ ଜାଲରେ ଫସାଇ ରଖିଥିଲେ ଇଞ୍ଜିନିୟର । ଇଞ୍ଜିନିୟର ଜଣଙ୍କ ତାଙ୍କର ସବୁ ଇଞ୍ଜିନିୟରିଂ ବୁଦ୍ଧି ଖଟାଇଥିଲେ ଇନଷ୍ଟାଗ୍ରାମରେ । ଇନଷ୍ଟାଗ୍ରାମରେ ଗୋଟିଏ ପରେ ଗୋଟିଏ ଯୁବତୀଙ୍କୁ ଫ୍ରେଣ୍ଡ୍ କରି ନିଜ କଥାରେ ଫସାଇ ପ୍ରଥମେ ମୋବାଇଲ୍ ନମ୍ୱର୍ ଆଣୁଥିଲେ ଏବଂ ପରେ ପ୍ରପୋଜ ମଧ୍ୟ କରୁଥିଲେ ।

ଯୁବତୀ ମାନେ ତାଙ୍କ ପ୍ରେମରେ ପଡିବା ପରେ ତାଙ୍କୁ ବାହାଘରର ପ୍ରତିଶ୍ରୁତି ଦେଇ ତାଙ୍କ ସହ ଶାରିରୀକ ସମ୍ପର୍କ ରଖୁଥିଲେ ଇଞ୍ଜିନିୟର ଯୁବକ ଜଣକ । କଥାରେ ଅଛି ପରା ଚୋର ଘର ସବୁବେଳେ ଅନ୍ଧାର ନ ଥାଏ । ଥରେ ଯୁବକ ଜଣକ ଏକାଥରେ ୪ ଜଣ ଯୁବତୀଙ୍କ ସହ କନଫ୍ରେନ୍ସ କଲ୍ ରେ କଥା ହେଉଥିବା ବେଳେ ୨ ଜଣ ଯୁବତୀଙ୍କୁ ଏ ନେଇ ସନ୍ଦେହ ହୋଇଥିଲା । 

Follow our WhatsApp channel and get all the Latest news

ସେହି ଦୁଇ ଜଣ ଯୁବତୀ ଥାନାର ଦ୍ବାରସ୍ଥ ହେବା ପରେ ଆଉ ଦୁଇ ଜଣ ଯୁବତୀଙ୍କ କଥା ମଧ୍ୟ ସାମ୍ନାକୁ ଆସିଥିଲା । ଯାହା ପରେ ଯୁବ ଇଞ୍ଜିନିୟରଙ୍କ ସବୁ କାରନାମା ଧରା ପଡିଥିଲା । ଅଭିଯୁକ୍ତ ଯୁବକଙ୍କ ନାମ ହେଉଛି ସୁକ୍ରା ସିଂହ , ବୟସ ୨୭ ବର୍ଷ । ଘର ବାରିପଦା ସଦର ଥାନା ଅଂଚଳରେ ହୋଇଥିବା ବେଳେ ସେ ରାଇରଙ୍ଗପୁର ଜଳ ସେଚନ ବିଭାଗରେ କାମ କରନ୍ତି ।