ଆସିଲା ବଡ ଖବର, ଆହୁରି ଉତ୍କଟ ହେବ ଆଳୁ ସମସ୍ୟା, ୩ ଦିନ ପରେ ବଢିଯିବ ଦର, ଜାଣନ୍ତୁ କାହିଁକି

ଆଳୁକୁ ନେଇ ଦେଖା ଦେଲା ପୁଣି ସଙ୍କଟ ! ବଢିବାକୁ ଆଳୁ ଦର । ପୂର୍ବରୁ ଆଳୁ କେଜି ପିଛା ୬୦ ରୁ ୭୦ ଟଙ୍କା ଥିବା ବେଳେ ଗତ ସପ୍ତାହରେ ଆଳୁ ଦର ହ୍ରାସ ପାଇଥିଲା । ଏବଂ କେଜି ପିଛା ୪୦ ରୁ ୫୦ ଟଙ୍କା ପଡୁଥିଲା । କିନ୍ତୁ ବର୍ତ୍ତମାନ ଆଳୁ ଦରରେ ଦେଖା ଦେଇଛି ବୃଦ୍ଧି । 

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ତେବେ ଓଡ଼ିଶା ଆଳୁ ପାଇଁ ପଶ୍ଚିମବଙ୍ଗ ଉପରେ ନିର୍ଭର କରିଥାଏ । କିନ୍ତୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଓଡ଼ିଶାକୁ ଆଳୁ ଦେବା ପାଇଁ ମନା କରିଦେବା କଥା ତ ଆପଣ ଜାଣିଥିବେ । ଯାହା ପରେ ଆଳୁ ଦରରେ ବୃଦ୍ଧି ହୋଇଥିଲା ।

ଏହା ପରେ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ମାଝୀ ଉତ୍ତରପ୍ରଦେଶର ସରକାରଙ୍କ ସହ ଆଳୁ ସମ୍ବନ୍ଧରେ ଆଲୋଚନା କରିଥିଲେ । ଏବଂ ଉତ୍ତରପ୍ରଦେଶ ସରକାର ଓଡ଼ିଶାକୁ ଆଳୁ ଦେବା ପାଇଁ ରାଜି ମଧ୍ୟ ହୋଇଥିଲେ । କିନ୍ତୁ ଉତ୍ତରପ୍ରଦେଶରୁ ଆଳୁ ଆସିବା ଅତ୍ୟନ୍ତ ମହଙ୍ଗା ପଡୁଥିଲା ।

ଯାହାକୁ ନେଇ ଉଭୟ ବ୍ୟବସାୟୀ ଏବଂ ଗ୍ରାହକ ଚିନ୍ତାରେ ପଡ଼ି ଯାଇଥିଲେ । ତେଣୁ ନିଜେ ମୁଖ୍ୟମନ୍ତ୍ରୀ ମୋହନ ମାଝୀ ମମତା ବାନାର୍ଜୀଙ୍କୁ ଫୋନ୍ କରି ଏ ସମ୍ବନ୍ଧରେ ଆଲୋଚନା କରିଥିଲେ । ସେ ଆଳୁ ଦେବା ପାଇଁ ରାଜି ମଧ୍ୟ ହୋଇଥିଲେ । କିନ୍ତୁ ବର୍ତ୍ତମାନ ସେ ପୁନଶ୍ଚ ତାଙ୍କ ପ୍ରସ୍ତାବରୁ ଓହରି ଯାଇଛନ୍ତି ।

ଏବଂ ଆଳୁ ଦେବା ପାଇଁ ମନା କରିଛନ୍ତି । ଯେଉଁଥି ପାଇଁ ପୁନଶ୍ଚ ଉତ୍ତରପ୍ରଦେଶରୁ ଆଳୁ ଆଣିବା ପାଇଁ ସରକାର ପ୍ରସ୍ତାବ ଦେଇଛନ୍ତି । କିନ୍ତୁ ଲମ୍ବା ରାସ୍ତା ପାଇଁ ଆକୁ ଆସିବା ମହଙ୍ଗା ପଡୁଛି । କେବଳ ଏତିକି ନୁହେଁ ବରଂ ଗୋଟିଏ ଗୋଟିଏ ଅଖାରୁ ପ୍ରାୟ ୭ ରୁ ୧୦ କେଜି ଭଳି ପଚା ଆଳୁ ବାହାରୁଛି । 

ତେଣୁ ଟ୍ରେନ ଲାଇନ୍ ସାହାଯ୍ୟରେ ଏଥରକ ଉତ୍ତରପ୍ରଦେଶରୁ ଆଳୁ ଅଣାଯିବ । ଯେଉଁଥି ପାଇଁ ବିଶ୍ୱାସ କରା ଯାଉଛି କି ପ୍ରାୟ ଏହି ୩ ଦିନ ମଧ୍ୟରେ ପୁଣି ଆଳୁ ଦରରେ ବୃଦ୍ଧି ହୋଇପାରେ ।