ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, କର୍ମଚାରୀଙ୍କ ମୃତ୍ୟୁ ପରେ ବିବାହିତ ଝିଅ ବି ପାଇବେ ଅନୁକମ୍ପା ମୂଳକ ନିଯୁକ୍ତି, ଜାଣନ୍ତୁ ପୁରା ଖବର

ଏଣିକି ବିବାହିତ ଝିଅ ବି ପାଇ ପାରିବେ ଅନୁକମ୍ପା ମୂଳକ ନିଯୁକ୍ତି । ଏବେ ସାମ୍ନାକୁ ଆସିଛି ଓଡ଼ିଶା ହାଇକୋର୍ଟର ଗୁରୁତ୍ଵପୂର୍ଣ୍ଣ ରାୟ । ତେବେ ସାଧାରଣରେ ଅଭିଭାବକଙ୍କ ମୃତ୍ୟୁରେ ଅନୁକମ୍ପା ମୂଳକ ନିଯୁକ୍ତି ପୁଅ ମାନଙ୍କୁ ହିଁ ମିଳିଥାଏ ।

ବିବାହିତ ଝିଅ ମାନେ ଏଥିରୁ ବଞ୍ଚିତ ରୁହନ୍ତି । ବେଳେ ବେଳେ ଏପରି ମଧ୍ୟ ହୋଇଥାଏ ପୁଅ ଅପେକ୍ଷା ବିବାହିତା ଝିଅଟିକୁ ଚାକିରିର ଅଧିକ ଆବଶ୍ୟକତା ଥାଏ । ହେଲେ ସେ ଏହି ଅଧିକାରରୁ ବଞ୍ଚିତ ହୋଇଥାଏ ।

ସମୟ ବଦଳୁଛି । ସମୟ ଆସିଛି ପୁରୁଷ କୈନ୍ଦ୍ରିକ ଚିନ୍ତାଧାରାରୁ ବାହାରକୁ ଆସିବାର । ତେବେ ଏ ନେଇ ଓଡ଼ିଶା ହାଇକୋର୍ଟଙ୍କ ନିଷ୍ପତ୍ତି ସ୍ଵାଗତ ଯୋଗ୍ୟ । ହାଇକୋର୍ଟ ରାୟ ଶୁଣାଇବା ବେଳେ କହିଛନ୍ତି ଅନୁକମ୍ପା ମୂଳକ ନିଯୁକ୍ତି କ୍ଷେତ୍ରରେ ନିର୍ଭରଶୀଳତାକୁ ମାନଦଣ୍ଡ ଭାବେ ଗ୍ରହଣ କରାଯିବା ଉଚିତ୍ । ନିର୍ଭରଶିଳ ବ୍ୟକ୍ତିଙ୍କ ବୈବାହିକ ସ୍ଥିତି ଏଥିରେ ବାଧା ଦେବା ଉଚିତ୍ ନୁହେଁ । 

Follow our WhatsApp channel and get all the Latest news

ତେବେ ଜଣେ ସନ୍ତାନ ଯେ କେବଳ ବାହା ହୋଇ ଯାଇଥିବା ହେତୁ ମାଆ ବାପାଙ୍କ ସବୁ ଜିନିଷର ବଞ୍ଚିତ ରହିବ ତାହା ଆଦୌ ଠିକ୍ ନୁହେଁ । ଝିଅଟିଏ ବିଭାଘର ପରେ ମଧ୍ୟ ଯେପରି ତାର ମାଆ ବାପାଙ୍କ ଦାୟୀତ୍ବ ରଖିବା ତାହାର ଏକ ବଡ଼ କର୍ତ୍ତବ୍ୟ ଅଟେ ଠିକ୍ ସେହିପରି ଏହି ଅନୁକମ୍ପା ଚାକିରୀ ପାଇବା ତାହାର ଏକ ଅଧିକାର ଅଟେ ।