ଖାଇବା ପାଇଁ ନୁହେଁ ବିବାହ ପରେ ଏହି କାରଣ ଯୋଗୁଁ ମୋଟା ହୋଇ ପୁରୁଷଙ୍କର ବାହାରେ ପେଟ

ଭାରତୀୟ ସଂସ୍କୃତିରେ ବିବାହ ଏକ ପବିତ୍ର ବନ୍ଧନ । ବିବାହ ପରେ ମହିଳା ଓ ପୁରୁଷଙ୍କ ଜୀବନରେ ଅନେକ ପରିବର୍ତ୍ତନ ଦେଖିବାକୁ ମିଳିଥାଏ। ବିବାହ ପରେ ସ୍ଥାନ, ଖାଦ୍ୟ ସବୁଥିରେ ପରିବର୍ତ୍ତନ ହୋଇଥାଏ । ବିଶେଷକରି ଉଭୟ ସ୍ବାମୀ ସ୍ତ୍ରୀ ଜୀବନଶୈଳୀ ବିବାହ ପରେ ପୁରା ବଦଳି ଯାଇଥାଏ । ଯାହାର ପ୍ରଭାବ ତାଙ୍କର ଉଭୟ ଶାରିରୀକ ଓ ମାନସିକ ସ୍ବାସ୍ଥ୍ୟରେ ଉପରେ ପଡିଥାଏ । ଅନେକ ପୁରୁଷଙ୍କ କ୍ଷେତ୍ରରେ ବିବାହ ପରେ ମୋଟାପଣ ଦେଖିବାକୁ ମିଳିଥାଏ । ତେବେ ଏହା ପଛରେ ଅନେକ କାରଣ ରହିଛି । 

ବିବାହ ପରେ ପୁରୁଷମାନେ ଖାଇବା ପିଇବା ବ୍ୟତୀତ ଅନ୍ୟ କିଛି କାରଣରୁ ମୋଟା ହୋଇଯାଆନ୍ତି । ଚାଇନାରେ କରାଯାଇଥିବା ଏକ ଅଧ୍ୟୟନ ନିଶ୍ଚିତ କରିଛି ଯେ ବିବାହ ପରେ ପୁରୁଷମାନେ ମୋଟା ଓ ଅଳସୁଆ ହୋଇଯାଆନ୍ତି। ବିବାହର ୬ ବର୍ଷ ମଧ୍ୟରେ ପୁରୁଷମାନେ ଓଜନ ବଢିବା ଆରମ୍ଭ ହୋଇଥାଏ । ଏହାକୁ ଅସ୍ୱୀକାର କରାଯାଇପାରିବ ନାହିଁ ଯେ ବିବାହ ପରେ ସେମାନେ ଅଧିକ କ୍ୟାଲୋରୀଯୁକ୍ତ ଖାଦ୍ୟ ଖାଆନ୍ତି ଓ କମ୍ ବ୍ୟାୟାମ କରନ୍ତି । 

ବୈଜ୍ଞାନିକଙ୍କ ଅନୁଯାୟୀ, ପୁରୁଷଙ୍କ ଶରୀର ମାସ ଇଣ୍ଡେକ୍ସ (BMI) ଉପରେ ବିବାହ ଏକ ମହତ୍ତ୍ୱପୂର୍ଣ୍ଣ ପ୍ରଭାବ ଦେଖିଛି। ବିବାହ ପରେ ୫.୨ ପ୍ରତିଶତ ପୁରୁଷ ଅଧିକ ଓଜନ ହୋଇଥିବାବେଳେ ମୋଟାପା ହାର ୨.୫ ପ୍ରତିଶତ ବୃଦ୍ଧି ପାଇଥାଏ। ପାଶ୍ଚାତ୍ୟ ଦେଶମାନଙ୍କରେ କରାଯାଇଥିବା ଅନେକ ଅଧ୍ୟୟନରୁ ଜଣାପଡିଛି ଯେ ବୟସ ବଢିବା ସହିତ ପୁରୁଷମାନେ ମୋଟାପାର ଭଳି ଗୁରୁତର ସମସ୍ୟାରେ ସମ୍ମୁଖୀନ ହୋଇପାରନ୍ତି। 

ଏହି କାରଣରୁ, ବିବାହ ପରେ ସୁସ୍ଥ ଖାଦ୍ୟ ଅଭ୍ୟାସ ବଜାୟ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଇକୋନୋମିକ୍ସ ଏବଂ ହ୍ୟୁମାନ ବାୟୋଲୋଜିରେ ପ୍ରକାଶିତ ଏକ ଅଧ୍ୟୟନରେ ବହୁତ ଆଶ୍ଚର୍ଯ୍ୟଜନକ ବିଷୟ ପ୍ରକାଶ ପାଇଛି । ଅଧ୍ୟୟନରୁ ଜଣାପଡିଛି ଯେ ଜଣେ ବ୍ୟକ୍ତି ତାଙ୍କର ଅନ୍ତରଙ୍ଗ ସମ୍ପର୍କରେ ଯେତେ ସନ୍ତୁଷ୍ଟ, ସେ ମୋଟା ହେବାର ସମ୍ଭାବନା ଅଧିକ ।