ଅନ୍ୟ ଦେଶମାନଙ୍କୁ ଟିକା ଦେଉଥିବା ଭାରତ ଏବେ ବିଦେଶରୁ କରୋନା ଟିକା କିଣିବାକୁ କାହିଁକି ବାଧ୍ୟ ହେଲା? କାରଣ ଜାଣିଲେ ତାଯୁବ୍ ହେବେ ଆପଣ

କରୋନା ସହିତ ସଂଘର୍ଷ କରୁଥିବା ବିଶ୍ୱକୁ ଲକ୍ଷ ଲକ୍ଷ କରୋନା ଭ୍ୟାକ୍ସିନ୍ ଡୋଜ୍ ବିକ୍ରୟ କରିବା ପରେ ଭାରତରେ ବର୍ତ୍ତମାନ ହଠାତ୍ ଏହି ଟୀକାର ଅଭାବ ଦେଖାଦେଇଛି। ଏହି ଟିକା ଯୋଗାଣକୁ ନେଇ କେନ୍ଦ୍ର ଓ ରାଜ୍ୟ ମାନଙ୍କ ମଧ୍ୟରେ ଟଣା ଓଟରା ମଧ୍ୟ ଦେଖିବାକୁ ମିଳୁଛି। ବର୍ତ୍ତମାନ ଦେଶରେ ଦୁଇ ଲକ୍ଷରୁ ଅଧିକ କରୋନା ମାମଲା ଆସିବା ଆରମ୍ଭ କରି ଥିବା ବେଳେ, ଡାକ୍ତରଖାନାରେ ଅଧିକ ସଂଖ୍ୟକ ରୋଗୀ ଥିବାରୁ ଏହି ଅବ୍ୟବସ୍ଥା ବଢି଼ବାରେ ଲାଗିଛି।

ଏହି ସମୟରେ ଭାରତକୁ ଟୀକାକରଣର ଗତି ବୃଦ୍ଧି କରିବାକୁ ଥିବାବେଳେ, ପରିସ୍ଥିତି ଏପରି ହୋଇଛି ଯେ ବର୍ତ୍ତମାନ ଭାରତ ବିଦେଶୀ ଟିକା କିଣିବା ପାଇଁ ଚିନ୍ତା କରୁଛି। କିନ୍ତୁ ଏହି ପରିସ୍ଥିତି ବିଶ୍ୱ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି। ଏହି ସମୟରେ ନିଜର ଆବଶ୍ୟକତାର ଯତ୍ନ ନେବା ଭାରତ ପାଇଁ ଗୁରୁତ୍ୱପୂର୍ଣ୍ଣ ହୋଇଛି। କିନ୍ତୁ ଯଦି ବିଶ୍ୱର ଟିକା ହବ୍ ବୋଲି କୁହାଯାଉଥିବା ଭାରତ ନିଜ ଉପରେ ଧ୍ୟାନ ଦେବ ତେବେ ଏହା ଅନେକ ଦେଶ ପାଇଁ ଚିନ୍ତାଜନକ ପରିସ୍ଥିତି ସୃଷ୍ଟି କରିବ ବୋଲି ଆଶା କରାଯାଉଛି।

ଏକ ରିପୋର୍ଟ ଅନୁଯାୟୀ, ବିଶେଷ କରି ଏହା ୬୦ଟି ଗରିବ ଦେଶର ଟୀକାକରଣ କାର୍ଯ୍ୟକ୍ରମ ଉପରେ ଏକ ପ୍ରମୁଖ ପ୍ରଭାବ ପକାଇବ।  ବିଶ୍ୱ ସ୍ୱାସ୍ଥ୍ୟ ସଂଗଠନର କୋଭାକସ୍ କାର୍ଯ୍ୟକ୍ରମ ମୁଖ୍ୟତଃ ଭାରତର ଟିକା ଯୋଗାଣ ଉପରେ ନିର୍ଭର କରୁଛି। ଏଠାରେ ଉଲ୍ଲେଖଯୋଗ୍ୟ ଯେ କୋଭାକସ୍ କାର୍ଯ୍ୟକ୍ରମ ଅଧୀନରେ ବିଭିନ୍ନ ଦେଶମାନଙ୍କୁ ଟିକା ଯୋଗାଇବା ପାଇଁ ବ୍ୟବସ୍ଥା କରାଯାଇଛି।

ଭାରତରେ ବଢ଼ୁଥିବା କରୋନା ମାମଲା ଟିକା ରପ୍ତାନି ଉପରେ ମଧ୍ୟ ପ୍ରଭାବ ପକାଉଛି। ଚଳିତ ମାସରେ ଭାରତ ମାତ୍ର ୧.୨ ମିଲିୟନ୍ ଟିକା ରପ୍ତାନି କରିଛି। ଜାନୁଆରୀ ଶେଷରୁ ମାର୍ଚ୍ଚ ମଧ୍ୟରେ ଭାରତ ପ୍ରାୟ ୬.୪ କୋଟି ଟିକା ବିଦେଶ ପଠାଇଥିଲା। ଜଣେ ଅଧିକାରୀଙ୍କ କହିବାନୁସାରେ, ଭାରତରେ ଜରୁରୀକାଳୀନ ପରିସ୍ଥିତି ଦେଖାଦେଇଛି ଏବଂ ଅଧିକାଂଶ ଟୀକା ଦେଶରେ ହିଁ ବ୍ୟବହୃତ ହେବ।

ଗତ ସପ୍ତାହରେ ବୈଦେଶିକ ବ୍ୟାପାର ମନ୍ତ୍ରଣାଳୟ ଏହା ମଧ୍ୟ କହିଛି ଯେ ଦେଶରେ କରୋନାର ଅବସ୍ଥା କିପରି ହେବ ତାହା ଉପରେ ଭାରତର ଟିକା ରପ୍ତାନି ନିର୍ଭର କରିବ। ଏଠାରେ ଉଲ୍ଲେଖଯୋଗ୍ୟ ଯେ ୨୪ ଘଣ୍ଟା ମଧ୍ୟରେ ଦେଶରେ ୨ ଲକ୍ଷ ୧୭ ହଜାର ୩୫୩ ଜଣ ଲୋକ ସଂକ୍ରମିତ ହୋଇ ସାରିଛନ୍ତି।