କଣ ଆପଣ ବି ଏହି ସବୁ ଖାଦ୍ୟ ଖାଉଛନ୍ତି କି ? ତେବେ ହୋଇ ଯାଆନ୍ତୁ ସତର୍କ, ରୋଗର ପ୍ରମୁଖ କାରଣ ପାଲଟୁଛି ଏହି ସବୁ ଖାଦ୍ୟ

ଦିନକୁ ଦିନ ବଢୁଛି ସ୍ୱାସ୍ଥ୍ୟ ସମସ୍ୟା । ଦେଖା ଦେଉଛି ନାହିଁ ନ ଥିବା ରୋଗ । ମାଆ ପେଟର ପିଲା ବି ଏଥିରୁ ବାଦ ପଡୁନି । ଡାକ୍ତରଖାନା ଓ ଔଷଧ କେନ୍ଦ୍ରରେ ଭିଡ କଥା ନ କହିଲେ ଭଲ । ହେଲେ କଣ ଆପଣ କେବେ ଭାବିଛନ୍ତି କି ଏହି ସବୁ ସମସ୍ୟାର ମୁଖ୍ୟ କାରଣ କଣ ।

 Follow our WhatsApp channel and get all the Latest news

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

କାହିଁକି ଭାରତ ଭଳି ଏକ ଦେଶରେ ବି ବଢ଼ିବାରେ ଲାଗିଛି ମଧୁମେହ , ମେଦବହୁଳତା , ହାର୍ଟ ଆଟାକ ଭଳି ଅନେକ ରୋଗ ? ତେବେ ଆମେ ନୁହେଁ ବରଂ ଗବେଷଣାରୁ ଜଣା ପଡ଼ିଛି ଯେ ଏଥି ପାଇଁ ପ୍ରଥମ କାରଣ ହେଉଛି ଆମର ଜୀବନ ଶୈଳୀ ଓ ଖାଦ୍ୟ ।

ଆଜ୍ଞା ହଁ , ଖାଦ୍ୟ ଏକ ଏଭଳି ଜିନିଷ ଯାହା କେବଳ ପେଟ ଭରିବା ପାଇଁ ଖିଆଯାଇ ନ ଥାଏ ବରଂ ଶରୀରକୁ ସୁସ୍ଥ , ସବଳ ଓ ଦୀର୍ଘାୟୁ ରଖିବା ପାଇଁ ଗ୍ରହଣ କରା ଯାଇଥାଏ , ଯାହାର ସେବନ ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ ।

ମାତ୍ର ସବୁଠାରୁ ଆଶ୍ଚର୍ଯ୍ୟର କଥା ଏହି କି ଯେ , ବର୍ତ୍ତମାନ ଖାଦ୍ୟରେ କୌଣସି ସେ ପ୍ରକାରର ଉପାଦାନ ନାହିଁ ବରଂ ବର୍ତ୍ତମାନ ଆମେ ଖାଉଥିବା ଖାଦ୍ୟ ହିଁ ଆମ ଅସୁସ୍ଥ ହେବାର ମୁଖ୍ୟ କାରଣ ଅଟେ । ଏହା ସହିତ ବର୍ତ୍ତମାନର ଯୁବପିଢି ହୁଅନ୍ତୁ କିମ୍ବା ଛାତ୍ର ଛାତ୍ରୀ ସମସ୍ତଙ୍କ ଠାରେ ଶାରୀରିକ ପରିଶ୍ରମର ମାତ୍ରା ସମ୍ପୂର୍ଣ୍ଣ କମ୍ ରହିଛି ।

ଆଇସିଏମଆର-ଏନଆଇଏନର ନିର୍ଦ୍ଦେଶକ ଡ. ହେମଲତା ଆର'ଙ୍କ ନେତୃତୃରେ ଭାରତୀୟ ପାଇଁ ଏହି ଆହାର ସମ୍ବନ୍ଧୀୟ ନିର୍ଦ୍ଦେଶାବଳୀ ପ୍ରସ୍ତୁତ କରାଯାଇଛି । ବୈଜ୍ଞାନିକମାନେ ଏହାର ସମୀକ୍ଷା କରିବା ସହିତ ୧୭ ପ୍ରକାରର ଆହାରକୁ ସୂଚୀବଦ୍ଧ କରାଯାଇଛି । ଗତ କିଛି ଦଶକ ମଧ୍ୟରେ ଭାରତୀୟଙ୍କ ଆହାର ସମ୍ବନ୍ଧୀୟ ଅଭ୍ୟାସରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖିବାକୁ ମିଳିଛି । ଫଳରେ ଅନେକ ଅଣସଂକ୍ରାମକ ରୋଗ ବୃଦ୍ଧି ହୋଇଛି ।

ସେହିପରି ଆଜି ବି ପୁଷ୍ଟିହୀନତାର କିଛି ସମସ୍ୟା ମଧ୍ୟ ଦେଖିବାକୁ ମିଳୁଛି । ଖାଦ୍ୟ ସୁରକ୍ଷା ପାଇଁ ପ୍ରକ୍ରିୟାକୃତ ଖାଦ୍ୟକୁ କମ୍ କରିବା, ଖାଦ୍ୟ ସ୍ତରର ଗୁରୁତ୍ୱକୁ ବୁଝିବା, ଶାରୀରିକ ପରିଶ୍ରମ କରିବାକୁ ପରାମର୍ଶ ଦିଆଯାଇଛି । ୫-୯ ବର୍ଷ ବୟସର ୩୪ ପ୍ରତିଶତ ପିଲା ହାଇ ଟ୍ରାଇଗ୍ଲିସରାଇଡସ ରୋଗରେ ପୀଡ଼ିତ ଅଛନ୍ତି । ଜରୁରୀ ପୋଷକ ତତ୍ତ୍ୱର କମ୍ ସେବନ କରିବା ଫଳରେ ମେଟାବୋଲିଜିମରେ ବାଧା ସୃଷ୍ଟି ହେବା ସହ କମ୍ ବୟସରୁ ଇନସଲିନ ପ୍ରତିରୋଧ ଓ ସମ୍ବନ୍ଧିତ ଡିଜଅର୍ଡର ଆଶଙ୍କା ବୃଦ୍ଧି ପାଇପାରେ ।