ଦେଖନ୍ତୁ ଭିଡ଼ିଓ: ରିପୋର୍ଟରଙ୍କୁ ମଣିଷ ପରି କୁଣ୍ଡାଇ ଧରିଲା ଏହି କୁକୁର,ଏହି ଭାଇରାଲ ଦୃଶ୍ୟକୁ ଦେଖିସାରିଲେଣି ୪୦ ଲକ୍ଷରୁ ଅଧିକ ଲୋକ….
କୁକୁରମାନେ ସେମାନଙ୍କ ମାଲିକମାନଙ୍କର ସର୍ବୋତ୍ତମ ବନ୍ଧୁ ଅଟନ୍ତି। ସେମାନଙ୍କ ବିଶ୍ୱସ୍ତତା ଉପରେ କେହି ପ୍ରଶ୍ନ କରିପାରିବେ ନାହିଁ। ଏପରିକି ଘରେ ପୋଷା କୁକୁର ଥିଲେ ସେମାନଙ୍କ ବିନା ସମୟ ବିତାଇବା ମଧ୍ୟ କଷ୍ଟକର ହୋଇ ଯାଇଥାଏ। କୁକୁରଙ୍କ ସହିତ ମଣିଷ ବିତାଉଥିବା ସମୟର ଅନେକ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହୋଇଥାଏ।
ସୋସିଆଲ ମିଡିଆ ସାଇଟ ଟ୍ୱିଟରରେ କୁକୁରର ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖିଲେ ଯେ କେହିବି ଭାବପ୍ରବଣ ହେବା ନିଶ୍ଚିତ ଅଟେ। ଏଥିରେ ଜଣେ ମିଡିଆ ରିପୋର୍ଟର୍ କୁକୁରମାନଙ୍କ ବିଷୟରେ ଖବର ପରିବେଷଣ କରିବା ପାଇଁ ଡଗ୍ ସେଲ୍ଟର୍ ହୋମ୍ ପହଞ୍ଚୁଛନ୍ତି। କିନ୍ତୁ ସେଠାରେ ଏକ କୁକୁର ତାଙ୍କ ସହିତ କିଛି ଏପରି କରୁଛି ଯାହାପାଇଁ ରିପୋର୍ଟର୍ କୁକୁରଟିକୁ ପୋଷ୍ୟ ଭାବରେ ଗ୍ରହଣ କରିବାକୁ ବାଧ୍ୟ ହେଉଛନ୍ତି।
ସୂଚନା ଅନୁଯାୟୀ, ଆଶ୍ରୟସ୍ଥଳରେ ରହୁଥିବା କୁକୁରମାନଙ୍କ ବିଷୟରେ ଜଣେ ସାମ୍ବାଦିକ ରିପୋର୍ଟ ତିଆରି କରୁଥିଲେ। ଏହି ସମୟରେ ସେଠାରେ ଥିବା ଏକ କୁକୁର ତାଙ୍କ ପାଖକୁ ଆସି ତାଙ୍କୁ ଅତି ଭାବପ୍ରବଣତାର ସହ ଧରି ରଖୁଛି। ଏପରିକି କୁକୁରଟି ତାଙ୍କୁ ଜମାରୁ ଛାଡିବାକୁ ହିଁ ପ୍ରସ୍ତୁତ ନଥିଲା। ଶେଷରେ, ସାମ୍ବାଦିକ ଜଣକ କୁକୁରର ତାଙ୍କ ପ୍ରତି ଥିବା ସ୍ନେହକୁ ଦେଖି ତାକୁ ନିଜ ପୋଷ୍ୟ ଭାବରେ ଗ୍ରହଣ କରିଥିଲେ। ଦେଖନ୍ତୁ ଭିଡ଼ିଓ:-
A reporter was doing a story about dogs in the shelter — when this good boy came up and hugged him — and wouldn’t let go.
— Rex Chapman🏇🏼 (@RexChapman) June 4, 2021
The reporter ended-up adopting him... pic.twitter.com/dCxnrufAeR
ମାତ୍ର ୩୫ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୪୦ ଲକ୍ଷରୁ ଅଧିକ ଲୋକେ ଦେଖିସାରିଛନ୍ତି। ୨୪ ହଜାରରୁ ଅଧିକ ଉପଭୋକ୍ତା ଏହାକୁ ରିଟ୍ୱିଟ କରିଛନ୍ତି, ୨ ଲକ୍ଷରୁ ଅଧିକ ଲୋକ ଲାଇକ କରିଛନ୍ତି ଏବଂ ୪ ହଜାରରୁ ଅଧିକ ଲୋକ ଏହା ଉପରେ ମନ୍ତବ୍ୟ ଦେଇଛନ୍ତି। ଏହି ଭାବପ୍ରବଣ ଭିଡିଓଟିକୁ ଆମେରିକାର ପୂର୍ବତନ ବାସ୍କେଟବଲ ଖେଳାଳି ରେକ୍ସ ଚାପମ୍ୟାନ ନିଜ ଟ୍ୱିଟର ଅକାଉଣ୍ଟରେ ସେୟାର କରିଥିଲେ ଯାହାପରେ ଏହା ଏପରି ଭାବରେ ଭାଇରାଲ ହୋଇଯାଇଥିଲା।