ଦୁଃଖଦ ଖବର: ଏହି ଲୋକପ୍ରିୟ ଟିଭି ଅଭିନେତ୍ରୀଙ୍କ ହେଲା ଦେହାନ୍ତ, ଟିଭି ଜଗତରେ ଶୋକର ଛାୟା

ଟିଭି ଇଣ୍ଡଷ୍ଟ୍ରିରୁ ଆଉ ଏକ ଦୁଃଖଦ ଖବର ଆସିଛି। ନିକଟରେ ଅଭିନେତା ସମୀର ଶର୍ମାଙ୍କ ରହସ୍ୟମୟ ମୃତ୍ୟୁ ସମସ୍ତଙ୍କୁ ଚକିତ କରି ଦେଇଥିଲା ଏବଂ ବର୍ତ୍ତମାନ ଅଭିନେତ୍ରୀ ସଂଗୀତା ଶ୍ରୀବାସ୍ତବଙ୍କର ମଧ୍ୟ ଦେହାନ୍ତ ହୋଇଛି। ଟେଲି ଚକ୍କରର ରିପୋର୍ଟ ଅନୁଯାୟୀ ଅନେକ ଲୋକପ୍ରିୟ ଟିଭି ଶୋ’ରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ସଂଗୀତା ଶ୍ରୀବାସ୍ତବଙ୍କର 25 ଅଗଷ୍ଟ ସକାଳେ ଦେହାନ୍ତ ହୋଇଛି।

ସେ ‘ଇସ୍ ପ୍ୟାର୍ କୋ କ୍ୟା ନାମ ଡୁଁ’, ‘ଥପ୍କି ପ୍ୟାର୍ କି’ ଏବଂ ‘ଭାନୱାର୍’ ଭଳି ଟିଭି ସିରିଏଲରେ କାମ କରିଥିଲେ। ଖବର ଅନୁଯାୟୀ, ସେ ଦୀର୍ଘ ଦିନ ଧରି ଅସୁସ୍ଥ ହୋଇ ମୁମ୍ବାଇର କୋକିଲାବେନ୍ ହସ୍ପିଟାଲରେ ଭର୍ତ୍ତି ହୋଇଥିଲେ। କୁହାଯାଉଛି ଯେ ସଂଗୀତା ଶ୍ରୀବାସ୍ତବ ଭାସ୍କୁଲାଇଟିସ୍ ନାମକ ଏକ ରୋଗରେ ପୀଡିତ ଥିଲେ।

2020 ଟିଭି ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି କରିଛି। ଏପର୍ଯ୍ୟନ୍ତ ଅନେକ କଳାକାରଙ୍କ ମୃତ୍ୟୁ ହୋଇଛି। ସମ୍ପ୍ରତି, ଚର୍ଚ୍ଚିତ ଅଭିନେତା ସମୀର ଶର୍ମାଙ୍କ ମାଲାଡରେ ଥିବା ତାଙ୍କ ଘରେ ମୃତଦେହ ମିଳିଥିଲା। ସେ ଆତ୍ମହତ୍ୟା କରିଥିବା ରିପୋର୍ଟରେ ଦର୍ଶାଯାଇଛି। ତଥାପି, ତାଙ୍କର ମୃତ୍ୟୁ ପଛର ରହସ୍ୟ ଏ ଯାଏଁ ମିଳିପାରି ନାହିଁ।