ସୁଶାନ୍ତ ସିଂ ରାଜପୁତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ହେଇପାରେ ୧୦ ବର୍ଷ ଜେଲ୍? ଜାଣନ୍ତୁ କାହିଁକି

ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲା ପ୍ରତିଦିନ ନୂଆ ମୋଡ ନେଉଛି। ଏହି ମାମଲାରେ ଅନେକ ବଡ ଖୁଲାସା କରାଯାଉଛି। ଏବେ ତାଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ସହ ଅଭିନେତା ସୁଶାନ୍ତଙ୍କ ମୃତ୍ୟୁର ସମସ୍ୟା ମଧ୍ୟ ବଢିବାରେ ଲାଗିଛି। ରିୟା ବିପକ୍ଷରେ ବର୍ତ୍ତମାନ ଏକ ମାମଲା ରୁଜୁ ହୋଇଛି। 420 ଏବଂ 306 ଧାରା ରିୟା ଉପରେ ପଞ୍ଜିକୃତ ହୋଇଛି। ଯାହାର ଶୁଣାଣି ହେବା ବାକି ଅଛି।

ରିୟାଙ୍କ ଉପରେ ଏହି ପ୍ରସଙ୍ଗ ମୁଜାଫରପୁରର ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ତତ୍ତ୍ୱାବଧାନରେ ପଟାହି ନିବାସୀ କୁନ୍ଦନ କୁମନଙ୍କ ଦ୍ୱାରା ପଞ୍ଜିକୃତ ହୋଇଛି। କୁନ୍ଦନ କୁମାର ତାଙ୍କ ଅଭିଯୋଗରେ ରିୟା ସୁଶାନ୍ତଙ୍କୁ ପ୍ରତାରଣା କରି ତାଙ୍କ ପ୍ରତି ବିଶ୍ୱାସଘାତକତା କରି ତାଙ୍କ ସହ ମାନସିକ ଆର୍ଥିକ ନିର୍ଯ୍ୟାତନା ଦେଇଥିବା ଅଭିଯୋଗ କରିଛନ୍ତି। ସେ ଏହା ମଧ୍ୟ କହିଛନ୍ତି ଯେ ରିୟା ସୁଶାନ୍ତଙ୍କ ବ୍ୟବହାର କରି ଇଣ୍ଡଷ୍ଟ୍ରିରେ ନିଜ ସୃଷ୍ଟି କରିଆସୁଛନ୍ତି ଏବଂ ଯେତେବେଳେ ତାଙ୍କ କାମ ସରିଗଲା ସେତେବେଳେ ସେ ସୁଶାନ୍ତଙ୍କୁ କ୍ଷୀରରୁ ମାଛି କାଢିଲା ପରି ଫିଙ୍ଗି ଦେଇଥିଲେ। ଯେଉଁଥିପାଇଁ ସେ ଡିପ୍ରେସନ ରହୁଥିଲେ ଏବଂ ସେ ବାଧ୍ୟ ହୋଇ ଆତ୍ମହତ୍ୟା ଭଳି ଭୟଙ୍କର ପଦକ୍ଷେପ ନେଇଥିଲେ। ସେ ଆହୁରି ମଧ୍ୟ ଦାବି କରିଛନ୍ତି ଯେ ରିୟା ସୁଶାନ୍ତଙ୍କ ବ୍ୟବସାୟିକ ସହଯୋଗୀ ଥିଲେ। ଯେଉଁଥିରେ ତାଙ୍କର ବହୁତ ବଡ ହାତ ଅଛି।

ଯଦି ରିୟାଙ୍କ ଉପରେ ଧାରା 420 ଏବଂ 306 ଅନୁଯାୟୀ ପଞ୍ଜୀକୃତ ହୋଇଥିବା ପ୍ରସଙ୍ଗରେ କୁନ୍ଦନ କୁମାରଙ୍କ ଅଭିଯୋଗ ସଠିକ୍ ବୋଲି ପ୍ରମାଣିତ ହୁଏ, ତେବେ ତାଙ୍କୁ 10 ବର୍ଷ କାରାଦଣ୍ଡ ହୋଇପାରେ। ରିୟା ମଧ୍ୟ କିଛି ସମୟ ପୂର୍ବରୁ ମୁମ୍ବାଇର ପୋଲିସ ଷ୍ଟେସନକୁ ଯାଇଥିଲେ। ଯେଉଁଠାରେ ପୋଲିସ ତାଙ୍କୁ ପ୍ରାୟ 11 ଘଣ୍ଟା ଧରି ପଚରାଉଚରା କରିଥିଲା। ସୁଶାନ୍ତଙ୍କ ମୃତ୍ୟୁକୁ ନେଇ ସମସ୍ତପଙ ନଜର ରିୟାଙ୍କ ଉପରେ ରହିଛି। ଏମିତିରେ ତାଙ୍କର ଏବଂ ନିର୍ଦ୍ଦେଶକ ମହେଶ ଭଟ୍ଟଙ୍କ କିଛି ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯାହା ପରେ ରିୟା ଉପରେ ଅନେକ ପ୍ରଶ୍ନ ଉଠିଛି। ସୁଶାନ୍ତ ଆତ୍ମହତ୍ୟା ମାମଲାରେ ନିର୍ଦ୍ଦେଶକ କରଣ ଜୋହର, ସଞ୍ଜୟ ଲୀଲା ଭନସାଲୀ, ଏକତା କପୁର ଏବଂ ସଲମାନ ଖାନଙ୍କ ବିରୋଧରେ ମାମଲା ରୁଜୁ ହୋଇଛି। ସମସ୍ତେ ଅଭିଯୋଗ କରିଛନ୍ତି ଯେ ଏହି ଲୋକମାନେ ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରିଥିଲେ।