ଡ୍ରଗ୍ସ ପାର୍ଟିକୁ ନେଇ ମୁହଁ ଖୋଲିଲେ କରଣ ଜୋହର, କହିଲେ ମୁଁ ଡ୍ରଗ୍ସକୁ...
ଡ୍ରଗ୍ସ ମାମଲାରେ ଚଳଚ୍ଚିତ୍ର ନିର୍ମାତା କରଣ ଜୋହର ନୀରବତା ଭାଙ୍ଗିଛନ୍ତି । କରଣ ଟ୍ୱିଟ୍ କରି ନିଜର ବିବୃତ୍ତି ପ୍ରକାଶ କରିଛନ୍ତି । ଯେଉଁଥିରେ ସେ ଦର୍ଶାଇଛନ୍ତି ଯେ ସେ କେବେବି ଡ୍ରଗ୍ସ ଗ୍ରହଣ କରିନାହାଁନ୍ତି । ଶୁକ୍ରବାର ଦିନ ଧର୍ମା ପ୍ରଡକ୍ସନର କର୍ମଚାରୀଙ୍କୁ ମଧ୍ୟ ଏନସିବି ଦଳ ପଚରାଉଚରା କରିଛନ୍ତି ।
କରଣ ଜୋହର ନିଜ ଷ୍ଟେଟମେଣ୍ଟରେ ଲେଖିଛନ୍ତି, 'ଅନେକ ଟିଭି ଚ୍ୟାନେଲ, ଡିଜିଟାଲ ମିଡିଆ, ସୋସିଆଲ ମିଡିଆ ପ୍ଲାଟଫର୍ମରେ ମିଥ୍ୟା ଖବର ଦିଆଯାଉଛି ଯାହା ମୁଁ 28 ଜୁଲାଇ 2019 ରେ ମୋ ଘରେ ଦେଇଥିବା ପାର୍ଟୀରେ ଡ୍ରଗ୍ସ ବ୍ୟବହାର କରାଯାଇଥିଲା । 2019 ରେ ମୁଁ ସମସ୍ତ ଅଭିଯୋଗକୁ ସମ୍ପୂର୍ଣ୍ଣ ରୂପେ ଅସ୍ୱୀକାର କରିଥିଲି ଏବଂ ସମଗ୍ର ପ୍ରସଙ୍ଗରେ ମୋର ମତ ରଖିଥିଲି । ମୋ ବିରୁଦ୍ଧରେ ହୋଇଥିବା ସମସ୍ତ ଅଭିଯୋଗ ଭିତ୍ତିହୀନ | ସେହି ପାର୍ଟୀରେ ଡ୍ରଗ୍ସ ସେବନ କରାଯାଇ ନଥିଲା । ମୁଁ ସ୍ପଷ୍ଟ ଭାବରେ କହିବାକୁ ଚାହେଁ ଯେ ମୁଁ କେବେବି ଡ୍ରଗ୍ସ ଖାଇ ନାହିଁ ଏବଂ ମୁଁ ଡ୍ରଗ୍ସକୁ ପ୍ରୋତ୍ସାହିତ କରି ନାହିଁ । '
'ଗଣମାଧ୍ୟମ ଦର୍ଶାଉଛି ଯେ କ୍ଷିତଜ ପ୍ରସାଦ ଏବଂ ଅନୁଭା ଚୋପ୍ରା ମୋର ସହଯୋଗୀ । ମୁଁ ଏହି ଦୁଇଜଣଙ୍କୁ ବ୍ୟକ୍ତିଗତ ଭାବେ ଜାଣେ ନାହିଁ ଏବଂ ଯଦି କେହି ବ୍ୟକ୍ତିଗତ ଜୀବନରେ କିଛି କରନ୍ତି, ତେବେ ଧର୍ମା ପ୍ରଡକ୍ସନ ଏଥିପାଇଁ ଦାୟୀ ନୁହେଁ |'
'ମୁଁ କହିବାକୁ ଚାହେଁ ଯେ ଅନୁଭା ଚୋପ୍ରା ଧର୍ମା ପ୍ରଡକ୍ସନର କର୍ମଚାରୀ ନୁହଁନ୍ତି । ସେ ଆମର ପ୍ରଡକ୍ସନ ସହିତ କେବଳ ନଭେମ୍ବର 2011 ରେ ଜଡିତ ଥିଲେ | 2019 ମସିହାରେ ଧର୍ମା ପ୍ରଡକ୍ସନ ର ଦ୍ୱିତୀୟ କମ୍ପାନୀ ଧର୍ମେଟିକ ଏଣ୍ଟରଟେନମେଣ୍ଟରେ ଯୋଗ ଦେଇଥିଲେ । ଗଣମାଧ୍ୟମ ମୋ ବିରୋଧରେ ମିଥ୍ୟା ଅଭିଯୋଗ ଆଣିଛି । ତଥ୍ୟକୁ ବିକୃତ କରୁଛି | ମୋ ବିରୋଧରେ ଆସିଥିବା ଅଭିଯୋଗ ବିରୋଧରେ ମୁଁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବି । ''
— Karan Johar (@karanjohar) September 25, 2020
ଏଥି ସହିତ ସୁଶାନ୍ତ ମୃତ୍ୟୁ ମାମଲାର ଅନୁସନ୍ଧାନ କରୁଥିବା ଏନସିବି ଟିମ୍ ବର୍ତ୍ତମାନ ବଲିଉଡରେ ଡ୍ରଗ୍ସ ଆଙ୍ଗଲ୍ ସମ୍ପର୍କରେ ଅନେକ କଳାକାରଙ୍କୁ ପଚରାଉଚରା କରୁଛି । ଶୁକ୍ରବାର ଦିନ ଏହି ମାମଲାରେ ଅନୁସନ୍ଧାନକାରୀ ସଂସ୍ଥା ରାକୁଲ ପ୍ରୀତଙ୍କୁ ପଚରାଉଚରା କରିଥିଲେ । ଯେଉଁଥିରେ ସେ ଡ୍ରଗ୍ସ ବିଷୟରେ ଅନେକ କଥା ସ୍ୱୀକାର କରିଛନ୍ତି । ରାକୁଲ ମଧ୍ୟ ରିୟାଙ୍କ ବିଷୟରେ ଅନେକ ଖୁଲାସା କରିଛନ୍ତି ଯିଏ ପୂର୍ବରୁ ଜେଲରେ ଅଛନ୍ତି । ରାକୁଲ କହିଛନ୍ତି, 'ମୋ ଘରେ ମିଳିଥିବା ଡ୍ରଗ୍ସ ରିୟାଙ୍କର ଅଟେ ।' ଏଥି ସହିତ ଅଭିନେତ୍ରୀ ଦୀପିକା ପାଦୁକୋନ, ସାରା ଅଲି ଖାନଙ୍କ ସମେତ ଅନ୍ୟ ଅନେକ କଳାକାରଙ୍କୁ ଆଗାମୀ ଦିନରେ 'ଡ୍ରଗ୍ସ ନକ୍ସସ୍' ବିଷୟରେ ପଚରାଯିବ ।