ଦ କପିଲ୍ ଶର୍ମା ଶୋ’କୁ ବୟକଟ୍ ଦାବି, ବୟକଟ୍ କରିବା ପଛର କାରଣ ଜାଣି ହେବେ ଆଶ୍ଚର୍ଯ୍ୟ

ସିବିଆଇ ବର୍ତ୍ତମାନ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାର ତଦନ୍ତ କରୁଛି।  ଅଭିନେତାଙ୍କ ପ୍ରଶଂସକଙ୍କ କ୍ରୋଧ ଏବେବି ବଲିଉଡ ଉପରେ ରହିଛି। ସୁଶାନ୍ତଙ୍କ ପ୍ରଶଂସକମାନେ ଷ୍ଟାରକିଡ୍ସଙ୍କ ଫିଲ୍ମକୁ ବହିଷ୍କାର କରୁଛନ୍ତି। ଏଥି ସହିତ ନେପୋଟିଜମ ଉପରେ ଲୋକଙ୍କ କ୍ରୋଧ ଜାରି ରହିଛି। ସେପଟେ ସୁଶାନ୍ତ ସିଂ ରାଜପୁତଙ୍କ ପ୍ରଶଂସକମାନେ କପିଲ ଶର୍ମା ସୋ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛନ୍ତି।  ବାସ୍ତବରେ ଏହି ସୋ ସଲମାନ ଖାନଙ୍କ ଦ୍ୱାରା ନିର୍ମିତ ଏବଂ ସେଥିପାଇଁ ସୁଶାନ୍ତ ସିଂ ରାଜପୁତଙ୍କ ପ୍ରଶଂସକମାନେ ଏହି ସୋ ଟିଭିରେ ପ୍ରସାରିତ ହେବାକୁ ଚାହୁଁନାହାଁନ୍ତି।  ସୋସିଆଲ ମିଡିଆରେ କ୍ରମାଗତ ଭିନ୍ନ ଉପାୟରେ କପିଲ ଶର୍ମାଙ୍କ ସୋ ଉପରେ ପ୍ରତିବନ୍ଧକ ଲଗାଇବାକୁ ଦାବି କରାଯାଉଛି।

ନିକଟରେ ବଲିଉଡ ଲାଇଫ ଖବର ଅନୁଯାୟୀ ଫେସବୁକରେ ଏକ ଗୋଷ୍ଠୀ ଗଠନ କରାଯାଇଛି। ଏଥିରେ ଲୋକମାନେ ଅନୁରୋଧ କରିଛନ୍ତି ଯେ ‘ଦି କପିଲ ଶର୍ମା ସୋ’ ବୟକଟ ବିଷୟରେ କଥାବାର୍ତ୍ତା ହେଉଛି। ଏହି ଗୋଷ୍ଠୀରେ ଆଉ ଏକ ପୋଷ୍ଟ ସେୟାର କରାଯାଇଛି, ଯେଉଁଥିରେ ଲେଖା ଅଛି, ‘ପ୍ରିୟ ଏସଆରଏସ ପରିବାର … ଆପଣମାନେ ଦୟାକରି  ଧ୍ୟାନ ଦିଅନ୍ତୁ ଯେ ସଲମାନ ଖାନ ଦି କପିଲ ଶର୍ମା ସୋ’ର ସହ-ନିର୍ମାତା ଅଟନ୍ତି।

ସେମାନଙ୍କୁ ସବୁ ସ୍ଥାନରୁ ବୟକଟ କରିବାକୁ ପଡିବ। ଏହା କେବଳ ତାଙ୍କର ଚଳଚ୍ଚିତ୍ର ନୁହେଁ ବରଂ ପ୍ରତ୍ୟେକ କ୍ଷେତ୍ରରେ ନିଷେଧ କରିବାକୁ ହେବ। ତେଣୁ ଦୟାକରି ଆପଣ ସମସ୍ତେ ଦି କପିଲ ଶର୍ମା ସୋକୁ ବଏକଟ କରନ୍ତୁ। ଏହି ଗ୍ରୁପର 90 ହଜାରରୁ ଅଧିକ ଲୋକ ଅଛନ୍ତି ଏବଂ ସମସ୍ତେ ସୁଶାନ୍ତ ସିଂ ରାଜପୁତଙ୍କ ପାଇଁ ନ୍ୟାୟ ଦାବି କରୁଛନ୍ତି। ‘ଦି କପିଲ ଶର୍ମା ସୋ’କୁ ନିଷିଦ୍ଧ କରିଥିବା ପୋଷ୍ଟକୁ ସମସ୍ତେ ପସନ୍ଦ କରିଛନ୍ତି ଏବଂ ସେୟାର କରିଛନ୍ତି।