ଭିରୁଷ୍କା ଓ ଗାଭାଷ୍କରଙ୍କ ବିବାଦ ଭିତରେ ମୁଣ୍ଡ ପୁରେଇଲେ କଙ୍ଗନା, ଗାଭାଷ୍କରଙ୍କ ବିଷୟରେ କହିଲେ ଏହି ବଡ କଥା
ଅନୁଷ୍କା ଶର୍ମାଙ୍କ ଉପରେ ସୁନୀଲ ଗାଭାସ୍କରଙ୍କ ମନ୍ତବ୍ୟକୁ ନେଇ କଙ୍ଗନା ରନାୱତ ସମାଲୋଚନା କରିଛନ୍ତି। ଏଥିସହିତ ଅନୁଷ୍କାଙ୍କୁ ମଧ୍ୟ ଟାର୍ଗେଟ କରିଛନ୍ତି କଙ୍ଗନା। କଙ୍ଗନା ତାଙ୍କ ଟ୍ୱିଟରେ ଲେଖିଛନ୍ତି, "ମୋତେ ଗାଳିଗୁଲଜ କରି ହରାକୋର କୁହାଯିବା ପରେ ଅନୁଷ୍କା ଚୁପ୍ ରହିଥିଲେ। ବର୍ତ୍ତମାନ ସେହି ମହିଳା ଘୃଣା ତାଙ୍କୁ କାମୁଡ଼ିବାକୁ ଆସୁଛି। ମୁଁ ସୁନୀଲ ଗାଭାସ୍କରଙ୍କୁ କ୍ରିକେଟ୍ ଭିତରକୁ ଅନୁଷ୍କାଙ୍କୁ ଟାଣି ନେଇଥିବାରୁ ତାଙ୍କୁ ନିନ୍ଦା କରୁଛି, କିନ୍ତୁ ସିଲେକ୍ଟିଭ ଫେମିନିଜମ ମଧ୍ୟ ଭଲ ନୁହେଁ। "
କଙ୍ଗନା ଅନ୍ୟ ଏକ ଟୁଇଟ୍ରେ ଲେଖିଛନ୍ତି, ସେକ୍ସ ପ୍ରସଙ୍ଗରେ କୌଣସି ରୋଗଗ୍ରସ୍ତ ମାନସିକତାରେ ଗ୍ରାସିତ ବ୍ୟକ୍ତି ହିଁ ଜାତୀୟ ଟିଭିରେ ସୁନୀଲ ଗାଭାଷ୍କରଙ୍କ ତରଫରୁ ଜଣେ ମହିଳାଙ୍କ ପାଇଁ ଦିଆଯାଇଥିବା ବୟାନକୁ ସେକ୍ସୁଆଲ୍ ପ୍ରସଙ୍ଗ ରେ ନେବ। ସେ ତାଙ୍କର ନାମ ନେବା ଉଚିତ ନଥିଲା। କିନ୍ତୁ ଅନୁଷ୍କା ତାଙ୍କ ପରବର୍ତ୍ତୀ ଚଳଚ୍ଚିତ୍ରରେ କ୍ରିକେଟର ଭୂମିକାରେ ଅଭିନୟ କରୁଛନ୍ତି ଏବଂ ତାଙ୍କ ସ୍ୱାମୀଙ୍କ ସହ ଅଭ୍ୟାସର ଅନେକ ଭିଡିଓ ଅଛି। '
24 ସେପ୍ଟେମ୍ବରରେ ଦୁବାଇରେ କିଙ୍ଗସ ଏକାଦଶ ପଞ୍ଜାବ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳ ମଧ୍ୟରେ ମ୍ୟାଚ୍ ବେଳେ ଏହି ବିବାଦ ହୋଇଥିଲା। ବାଙ୍ଗାଲୋରର ଅଧିନାୟକ ବିରାଟ କୋହଲି ଦୁଇଟି ଗୁରୁତ୍ୱପୂର୍ଣ୍ଣ କ୍ୟାଚ୍ ଛାଡିଥିଲେ। ଯେତେବେଳେ ବିରାଟ ବ୍ୟାଟିଂ କରୁଥିଲେ, ଗାଭାସ୍କର କହିଥିଲେ, 'ସେ (ବିରାଟ) ଯେତେ ସମ୍ଭବ ଅଭ୍ୟାସ କରିବାକୁ ଚାହାଁନ୍ତି, ଯାହାଫଳରେ ସେ ଭଲ ହୋଇପାରିବେ। ବର୍ତ୍ତମାନ ଲକଡାଉନରେ ତ କେବଳ ଅନୁଷ୍କାଙ୍କ ବୋଲିଂର ଅଭ୍ୟାସ କରିଛନ୍ତି।