ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା, ସୁଇସାଇଡ୍ ପଛର କାରଣ…
ବଲିଉଡରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ଜଣାଶୁଣା ଅଭିନେତା ସୁଶାନ୍ତ ସିଂ ରାଜପୁତ ମୁମ୍ବାଇରେ ନିଜ ଘରେ ଫାଶୀ ଲଗାଇ ନିଜ ଜୀବନ ହାରିଛନ୍ତି। ତାଙ୍କୁ 34 ବର୍ଷ ବୟସ ହୋଇଥିଲା। ସୁଶାନ୍ତ ବଲିଉଡର ଜଣେ ଲୋକପ୍ରିୟ ଅଭିନେତା ଥିଲେ। ଖବର ଅନୁଯାୟୀ ସୁଶାନ୍ତଙ୍କ କିଛି ବନ୍ଧୁ ମଧ୍ୟ ତାଙ୍କ ଘରେ ଥିଲେ। ଯେତେବେଳେ ତାଙ୍କ ଘରର କବାଟ ଭଙ୍ଗାଗଲା, ସେତେବେଳେ ସୁଶାନ୍ତଙ୍କୁ ଘରେ ଫାଶୀରେ ଝୁଲୁଥିବା ଦେଖିବାକୁ ମିଳିଥିଲା। ପୋଲିସର ରିପୋର୍ଟ ଅନୁଯାୟୀ, ସେ ଗତ ୬ ମାସ ଧରି ସେ ଡିପ୍ରେସନରେ ଥିଲେ।
ସେ ଜଣେ ଟିଭି ଅଭିନେତା ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ସେ ପ୍ରଥମେ ‘କିସ୍ ଦେଶ ମେଁ ହେ ମେରା ଦିଲ୍’ ନାମକ ଏକ ସିରିଏଲରେ କାମ କରିଥିଲେ କିନ୍ତୁ ସେ ଏକତା କପୁରଙ୍କ ସିରିଏଲ ପବିତ୍ର ରିସ୍ତା ରୁ ଅଧିକ ପରିଚିତ ହୋଇଥିଲେ, ଏହା ପରେ ସେ ଚଳଚ୍ଚିତ୍ର ଯାତ୍ରା ଆରମ୍ଭ କରିଥିଲେ। ସେ କାୟ ପଞ ଛେ ଚଳଚ୍ଚିତ୍ରରେ ମୁଖ୍ୟ ଅଭିନେତା ଭାବରେ ନଜର ଆସିଥିଲେ ଏବଂ ତାଙ୍କ ଅଭିନୟକୁ ମଧ୍ୟ ପ୍ରଶଂସା କରାଯାଇଥିଲା।
ଏହା ପରେ ତାଙ୍କୁ ବାଣୀ କପୁର ଏବଂ ପରିଣୀତି ଚୋପ୍ରାଙ୍କ ସହ ଏକ ଶୁଦ୍ଧ ଦେଶୀ ରୋମାନ୍ସରେ ଦେଖିବାକୁ ମିଳିଥିଲା। ତେବେ ଭାରତୀୟ ଦଳର ପୂର୍ବତନ ଅଧିନାୟକ ଏମଏସ ଧୋନିଙ୍କ ଭୂମିକାରେ ଅଭିନୟ କରି ତାଙ୍କୁ ଅଧିକ ଆଲୋଚନା କରାଯାଇଥିଲା। ସୁଶାନ୍ତଙ୍କ କ୍ୟାରିଅରରେ ଏହା ପ୍ରଥମ ଚଳଚ୍ଚିତ୍ର ଥିଲା ଯାହା ଶହେ କୋଟି ସଂଗ୍ରହ କରିଥିଲା। ସୋନଚିରିଆ ଏବଂ ଚିଚୋର ଭଳି ଚଳଚ୍ଚିତ୍ରରେ ମଧ୍ୟ ସୁଶାନ୍ତ ନଜର ଆସିଥିଲେ। ତାଙ୍କର ଶେଷ ଚଳଚ୍ଚିତ୍ର ଥିଲା କେଦାରନାଥ ଯେଉଁଥିରେ ସେ ସାରା ଅଲି ଖାନଙ୍କ ସହ ନଜର ଆସିଥିଲେ।