କୋଟି କୋଟି ଲୋକଙ୍କ ମନରେ ରାଜା କରୁଥିଲେ, ହେଲେ ଏବେ ଏମିତି କହିଦେଲେ ବିଗ୍ ବି ଅମିତାଭ
୧୮ ଏପ୍ରିଲ୍ ୨୦୨୩ରେ ଆରମ୍ଭ ହୋଇଥିଲା କୌନ ବନେଗା କରୋଡପତିର ସିଜିନ୍ ୧୫ । ଯେଉଁ ଶୋ ମାଧ୍ୟମରେ ଲୋକ ମାନେ ନିଜର ଏକ ପରିଚୟ ସୃଷ୍ଟି କରି ପାରିଥିଲେ । ଅନେକ ଲୋକଙ୍କର ଭାଗ୍ୟ ବଦଳାଇଛି ଏହି ଶୋ । ଦେଶରେ କୁଇଜ୍ ରିଆଲିଟି ଶୋ ଭାବେ ବେଶ୍ ଲୋକ ପ୍ରିୟ ହୋଇ ପାରିଛି ଏହି ଶୋ ।
ଏହି ଶୋର ଏକ ମୁଖ୍ୟ ଆକର୍ଷଣ ଥିଲେ ଅମିତାଭ ବଚ୍ଚନ । ଏପରି ଏକ ବ୍ୟକ୍ତିତ୍ଵ ଯାହାଙ୍କୁ ବର୍ତ୍ତମାନ ପିଢ଼ି ମଧ୍ୟ ଅନୁସରଣ କରେ । ସିଜିନ୍ ୧୫ର ଏହି ଶେଷ ଏପିସୋଡ ରେ ବଲିଉଡ୍ ର ନାମୀଦାମୀ ଅଭିନେତ୍ରୀ ମାନଙ୍କୁ ଦେଖିବାକୁ ମିଳିଥିଲା । ଶର୍ମିଲା ଟାଗୋର , ସାରା ଅଲ୍ଲୀ ଖାନ୍ ଓ ବିଦ୍ୟା ବାଲନ । ଏହି ତିନି ସିତାରା ମଞ୍ଚ ଉପରେ ଉପସ୍ଥିତ ଥିଲେ ।
ଏହି ଶେଷ ଏପିସୋଡରେ ସମସ୍ତେ ଭାବୁକ ହୋଇ ପଡ଼ିଥିଲେ । ଏପରି ଏକ ଶୋକୁ ଛାଡିବାର ଇଛା କାହା ମନରେ ବି ନଥିଲା । ଏଥର ନୂଆ ବର୍ଷରେ ହୁଏ ତ ଅନେକ ଲୋକ ଏହି ଶୋକୁ ମିସ୍ କରିବେ ନିଶ୍ଚିତ । ଏହି ଶୋର ଶେଷରେ ବିଗ୍ ବି ଅମିତାଭ ବଚ୍ଚନ କୋହଭରା କଣ୍ଠରେ କହିଥିଲେ ସମସ୍ତଙ୍କୁ ମୋର ଶୁଭରାତ୍ରି । ଯାହା କହିବା ବେଳେ ତାଙ୍କ ଆଖି ଲୁହରେ ଭରି ଉଠିଥିଲା ।