ଦେଖନ୍ତୁ ଭିଡ଼ିଓ: ଏହି ଗୀତ ଗାଇବା ପରେ ବେହୋସ ହୋଇ ଯାଇଥିଲେ କେ.କେ, ଭାଇରାଲ ହେଉଛି କନ୍ସର୍ଟର ଲାଇଭ ଭିଡ଼ିଓ

ଗତକାଲି କୋଲକାତାରେ ଏକ ଲାଇଭ୍ କନ୍ସର୍ଟ ପରେ ବଲିଉଡର ପ୍ରସିଦ୍ଧ ଗାୟକ କେ.କେ. ମୃତ୍ୟୁବରଣ କରିଛନ୍ତି। କୁହାଯାଉଛି ଯେ ଏହି ଲାଇଭ୍ କନ୍ସର୍ଟ ସମୟରେ ହିଁ ସେ ହୃଦଘାତର ଶିକାର ହୋଇଥିଲେ। ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ହେଁ ସେଠାରେ ସେ ମୃତ୍ୟୁବରଣ କରିଥିଲେ। ମାତ୍ର ୫୩ ବର୍ଷ ବୟସରେ କେ.କେଙ୍କର ଏଭଳି ଆକସ୍ମିକ ମୃତ୍ୟୁ ତାଙ୍କ ଫ୍ୟାନ୍ସ ମାନଙ୍କ ସମେତ ସାରା ବଲିଉଡ଼ ଜଗତକୁ ସ୍ତବ୍ଧ କରି ଦେଇଛି। ଏହାରି ଭିତରେ ତାଙ୍କ ଶେଷ କନ୍ସର୍ଟର ଏକ ଭିଡ଼ିଓ ଭାଇରାଲ ହେବାରେ ଲାଗିଛି।

ସାମ୍ନାକୁ ଆସିଥିବା ଏହି ଭିଡିଓରେ କେ.କେ ତାଙ୍କର ପ୍ରସିଦ୍ଧ ଗୀତ 'ହମ୍ ରାହେ ୟା ନା ରହେ କାଲ୍' ଗାଉଥିବାର ନଜର ଆସୁଛନ୍ତି। ଏହି ଭିଡିଓଟିକୁ ନ୍ୟୁଜ୍ ଏଜେନ୍ସି ANI ଦ୍ୱାରା ଏହାର ଟ୍ୱିଟର ହ୍ୟାଣ୍ଡେଲରେ ସେୟାର କରାଯାଇଛି। ଭିଡିଓରେ, କେ.କେ ହଜାର ହଜାର ପ୍ରଶଂସକଙ୍କ ମଧ୍ୟରେ ଗୀତ ଗାଉଥିବା ଦେଖିବାକୁ ମିଳୁଛି। ଏହା ବ୍ୟତୀତ କେ.କେ.ଙ୍କର ଫେସବୁକ୍ ପେଜରୁ ତାଙ୍କର ଦୁଇଟି ଫଟୋ ସେୟାର କରାଯାଇଛି, ଯେଉଁଥିରେ ସେ କୋଲକାତାର ଏହି ଇଭେଣ୍ଟରେ ପରଫୋର୍ମ କରୁଥିବା ଦେଖାଯାଉଛି। ଦେଖନ୍ତୁ ଭିଡ଼ିଓ:-