ସ୍ୱାମୀ ଏବଂ ଶାଶୁଙ୍କୁ ହତ୍ୟା ପରେ ମୃତଦେହକୁ ଖଣ୍ଡ ଖଣ୍ଡ କରି ଫ୍ରିଜରେ ରଖିଲା ମହିଳା, ଆଉ ତାପରେ...

ଆସାମରେ ଏକ ଆଶ୍ଚର୍ଯ୍ୟଜନକ ହତ୍ୟାକାଣ୍ଡର ମାମଲା ସାମ୍ନାକୁ ଆସିଛି ଯେଉଁଥିରେ ଜଣେ ମହିଳା ତାଙ୍କ ସ୍ୱାମୀ ଏବଂ ଶାଶୁଙ୍କୁ ହତ୍ୟା କରି ମୃତଦେହକୁ ଖଣ୍ଡ ଖଣ୍ଡ କରି ମେଘାଳୟରେ ପକାଇବା ପୂର୍ବରୁ ଏକ ରେଫ୍ରିଜରେଟରରେ ଭର୍ତ୍ତି କରିଥିଲେ ।

ପୋଲିସ କହିଛି ଯେ ଅଭିଯୁକ୍ତ ବନ୍ଦନା କଲିତା ତାଙ୍କ ପ୍ରେମିକ ଏବଂ ପିଲାଦିନର ବନ୍ଧୁଙ୍କ ସାହାଯ୍ୟରେ ଏହି ଅପରାଧ କରିଛି । ସମସ୍ତ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି । ଗତ ଅଗଷ୍ଟରେ ଗୁଆହାଟିର ନୁଁନମତି ଅଞ୍ଚଳରେ ଏହି ଭୟଙ୍କର ଅପରାଧ ଘଟିଥିଲା ଯାହା ଫେବୃଆରୀ 17 ରେ ସାମ୍ନାକୁ ଆସିଥିଲା ।

କଲିତା ତାଙ୍କ ସ୍ୱାମୀ ଅମରଜ୍ୟୋତି ଦେଙ୍କ ମୃତଦେହକୁ ପକାଇ ଦେଇଥିବା ବେଳେ ତାଙ୍କ ଶାଶୁ ଶଙ୍କାରୀ ଦେଙ୍କ ମୃତଦେହ ଚେରାପୁଞ୍ଜୀରେ ଫିଙ୍ଗି ଦିଆଯାଇଥିବା ପୋଲିସ କହିଛି । ରବିବାର ଦିନ ମେଘାଳୟରୁ ଶାଶୁଙ୍କ ଶରୀରର କିଛି ଅଲଗା ଅଂଶ ଉଦ୍ଧାର କରାଯାଇଛି ।

ପୋଲିସ କହିଛି ଯେ ଅଭିଯୁକ୍ତ ଏହି ଅପରାଧକୁ ସ୍ୱୀକାର କରିଛି। ଏହି ସ୍ୱୀକାର ଅନୁଯାୟୀ ଅଭିଯୁକ୍ତ ଦୁଇ ମୃତଦେହକୁ ଏକାଧିକ ଖଣ୍ଡ କରି ଫ୍ରିଜରେ ଅଗଷ୍ଟ 17 ରୁ ରଖିଥିଲେ । ତା’ପରେ ସେ ଗୌହାଟୀର ଭଡା ଘର ଛାଡିଥିଲେ ଯେଉଁଠାରେ ସେ ତାଙ୍କ ସ୍ୱାମୀଙ୍କ ସହ ରହୁଥୁଲେ ।

ଗୌହାଟୀ ପୋଲିସ କମିଶନର ଦିଗନ୍ତ ବାରହା କହିଛନ୍ତି ଯେ ଆମେ ତିନିଜଣ ଅଭିଯୁକ୍ତଙ୍କୁ ଗିରଫ କରିଛୁ ଏବଂ ବର୍ତ୍ତମାନ ସେମାନଙ୍କୁ ପଚରାଉଚରା କରାଯାଉଛି । କଲିତା ଗତ ବର୍ଷ ସେପ୍ଟେମ୍ବରରେ ତାଙ୍କ ସ୍ୱାମୀ ଏବଂ ଶାଶୁଙ୍କ ବିଷୟରେ ନିଖୋଜ ଅଭିଯୋଗ ଦାଖଲ କରି ପୋଲିସକୁ ବିଭ୍ରାନ୍ତ କରିବାକୁ ଚେଷ୍ଟା କରିଥିଲେ, ଯାହା ପରେ ପୋଲିସ ତଦନ୍ତ ଆରମ୍ଭ କରିଥିଲା ।

ଗୌହାଟୀର ଚାନ୍ଦମାରି ଏବଂ ନରେଙ୍ଗି ଅଞ୍ଚଳରେ ଦୁଇଟି ଭିନ୍ନ ଘରେ ଏହି ହତ୍ୟାକାଣ୍ଡ ଘଟିଥିବା ପୋଲିସ କହିଛି । ହତ୍ୟା ପରେ ସେମାନେ ମୃତଦେହକୁ ଛୋଟ ଛୋଟ ଖଣ୍ଡ କରି ପଲିଥିନ ବ୍ୟାଗରେ ପ୍ୟାକ୍ କରି ବ୍ୟାଗଗୁଡ଼ିକୁ ମେଘାଳୟକୁ ନେଇଥିଲେ । ସେଠାରେ ସେମାନେ ପାହାଡରୁ ଫିଙ୍ଗିଥିଲେ ବୋଲି ଚୌଧୁରୀ କହିଛନ୍ତି ।