ବଏ ଫ୍ରେଣ୍ଡ ସହ ଗପୁଥିଲା ଝିଅ, ଟାଙ୍ଗିଆରେ ହାଣି କୂଅରେ ଫିଙ୍ଗିଦେଲେ ମାଆ, ଜାଣନ୍ତୁ ପୂରା ଘଟଣା
ରାଜସ୍ଥାନର ଆଜ୍ମେରରୁ ଏକ ମାମଲା ସାମ୍ନାକୁ ଆସିଛି, ଯାହାକୁ ଜାଣିଲେ ସମସ୍ତଙ୍କର ହୋସ ଉଡିଯିବ । ଏଠାରେ 21 ବର୍ଷ ବୟସ୍କା ବିବାହିତା ମହିଳାଙ୍କ ମୃତଦେହ ମିଳିବା ପରେ ପୋଲିସ ଏକ ଆଶ୍ଚର୍ଯ୍ୟଜନକ ତଥ୍ୟ ଦେଇଛି । ଅନ୍ୟ କେହି ତାଙ୍କୁ ହତ୍ୟା କରିନାହାଁନ୍ତି ବରଂ ତାଙ୍କ ମା ଓ ଭାଇ ଏହା କରିଥିଲେ ବୋଲି ପୋଲିସ କହିଛି ।
କହିଦେଉଛୁ ଯେ ଏହି ଘଟଣା ଆଜ୍ମେର ସହରର ଶ୍ରୀନଗର ତହସିଲର ମାନପୁରା ଗାଁର ଅଟେ | ଏଠାରେ ଏପ୍ରିଲ 29 ରେ ସୋନୁ ବାଗ ଙ୍କ ମୃତଦେହ ମଣପୁର ଜଙ୍ଗଲ ଭିତରେ ଥିବା ଏକ ପରିତ୍ୟକ୍ତ କୂଅରୁ ମିଳିଥିଲା | ଏହି ଘଟଣା ଘଟିବାର ତିନି ଦିନ ପରେ ସୋନୁଙ୍କ ପରିବାର ଲୋକ ଥାନାରେ ସେ ନିଖୋଜ ହୋଇଥିବା ନେଇ ଖବର ଦେଇଥିଲେ । ପୋଲିସ ମାମଲାକୁ ଗୁରୁତ୍ୱର ସହ ନେଇଥିଲା । ଏହି ଘଟଣାର ଖୁଲାସା କରି ଷ୍ଟେସନ ଦାୟିତ୍ୱରେ ଥିବା ରାଜେଶ କୁମାର କହିଛନ୍ତି - ମୃତଦେହ ମିଳିବା ପରେ ଗ୍ରାମବାସୀ ଅଭିଯୁକ୍ତଙ୍କୁ ଗିରଫ କରିବା ପାଇଁ ଦାବି କରିଥିଲେ ।
ଆହୁରି ପଢନ୍ତୁ :- ଶାରୀରିକ ସମ୍ବନ୍ଧ ନ ରଖିବାରୁ ସ୍ତ୍ରୀକୁ ଅତି ନୃସଂଶ ହତ୍ୟା କଲା ସ୍ୱାମୀ, ଜାଣନ୍ତୁ ପୂରା ଘଟଣା
ପ୍ରଥମେ ପରିବାର ଲୋକ ଅଭିଯୋଗ ଆଣିଥିଲେ ଯେ ତାଙ୍କ ଝିଅ ସୋନୁଙ୍କୁ ଗଣଦୁଷ୍କର୍ମ କରି ହତ୍ୟା କରାଯାଇଛି । ଏହାକୁ ସତ ପ୍ରମାଣିତ କରିବା ପାଇଁ ବିଭିନ୍ନ ପ୍ରକାର ବାହାନା ମଧ୍ୟ ଦେଖାଇଥିଲେ ପରିବାର ଲୋକ । ହେଲେ ପରିବାର ଲୋକଙ୍କ ବୟାନ ଶୁଣିବା ପରେ ପୋଲିସର ସନ୍ଦେହ ବଢ଼ିଥିଲା । ବାରମ୍ବାର ପରିବାର ଲୋକଙ୍କ ବୟାନ ବଦଳିବାକୁ ନେଇ ପୋଲିସର ସନ୍ଦେହ ହୋଇଥିଲା । ତେବେ ଅଧିକ ତଦନ୍ତ ପରେ ଏବଂ ପରିବାର ଲୋକଙ୍କୁ ବାରମ୍ବାର ଜେରା କରାଯିବା ପରେ ଅନେକ ତଥ୍ୟ ସାମ୍ନାକୁ ଆସିଥିଲା । ସେହି ସବୁ ତଥ୍ୟକୁ ଆଧାର କରି ପୋଲିସ ମାଆ ପୁଅଙ୍କୁ ଗିରଫ କରିଛି ।
ପୋଲିସର କହିବାନୁଯାୟୀ, ସୋନୁ ଏକ ଅପରିଚିତ ପୁଅ ସହିତ ଲୁଚିଛପି କଥା ହେଉଥିଲା । ଏହା ଜାଣିବା ପରେ ମାଆ ଏବଂ ଭାଇ ରାଗି ଯାଇଥିଲେ । ଏହା ସହିତ ମାଆ ବାରମ୍ବାର ଝିଅକୁ ତାଙ୍କ ଶାଶୁ ଘରକୁ ଯିବାକୁ କହୁଥିଲେ, କିନ୍ତୁ ସେ କାହା କଥା ଶୁଣିଲେ ନାହିଁ | ଥକିଯିବା ପରେ ଏକ କୁରାଢ଼ିରେ ସେମାନେ ଝିଅକୁ ଆକ୍ରମଣ କରିଥିଲେ । ତାପରେ ତାର ମୃତ୍ୟୁ ହୋଇଥିଲା । ପରେ ମୃତଦେହକୁ ଲୁଚାଇବା ପାଇଁ ଜଙ୍ଗଲ ଭିତରେ ଥିବା ଏକ ପରିତ୍ୟକ୍ତ କୂଅରେ ତାକୁ ଫିଙ୍ଗି ଦେଇଥିଲେ । ସୋନୁଙ୍କ ମାଆଙ୍କୁ ପୋଲିସ ଜେରା କରିବା ବେଳେ ଘଟଣା ସାମ୍ନାକୁ ଆସିଥିଲା । ସେ ଏହି ଅପରାଧ ଘଟାଇଥିବା ସ୍ୱୀକାର କରିଥିଲେ ।