ମହିଳାଙ୍କୁ ବ୍ଲାକ ମେଲ୍ କରି ଖରାପ ସଂପର୍କ ରଖୁଥିଲେ ପୂର୍ବତନ ପୁଲିସ ଅଧିକାରୀ, ଏବେ ଧରିପକାଇଲେ ଲୋକେ
ରକ୍ଷକ ହେଲା ଭକ୍ଷକ । କନ୍ଧମାଳ ଜିଲ୍ଲା ବେଲଘର ଥାନା ଅଞ୍ଚଳରୁ ନଜରକୁ ଆସିଛି ଏକ ଭୟଙ୍କର ଘଟଣା । ଏହି ଥାନାର ପ୍ରାକ୍ତନ OAPF ପୁଲିସ ଅଧିକାରୀ ସନ୍ତୋଷ ପ୍ରଧାନ ସ୍ଥାନୀୟ ଅଞ୍ଚଳର ଜଣେ ମହିଳାଙ୍କୁ ବିଭିନ୍ନ ପ୍ରକାରର ପ୍ରଲୋଭନ ଦେଖାଇ ଶାରୀରିକ ସଂପର୍କ ରଖିବା ପରେ ଅନ୍ତରଙ୍ଗ ସମୟର ଭିଡିଓଙ୍କୁ କରିଦେଇଥିଲେ ଭାଇରାଲ୍ ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର
ଏହାପରେ ମଧ୍ୟ ସେ ଉକ୍ତ ମହିଳାଙ୍କ ଘରେ ପଶି ବିଭିନ୍ନ ପ୍ରକାରର ଧମକ ଦେଇ ପୁଣିଥରେ ଦୁଷ୍କର୍ମ ଉଦ୍ୟମ କରୁଥିବା ସମୟରେ ସ୍ଥାନୀୟ ଲୋକେ ତାଙ୍କୁ କାବୁ କରି ଉତ୍ତମ ମଧ୍ୟମ ଦେବା ପରେ ପୁଲିସରେ ଜିମା ଦେଇଛନ୍ତି ।
ଅନ୍ୟପଟେ ମହିଳାଙ୍କ ଏତଲା ପରେ ବେଲଘର ପୁଲିସ କେସ୍ ନମ୍ବର 59 ରେ ମାମଲା ରୁଜୁ କରିଥିବା ବେଳେ ବାଲିଗୁଡ଼ା ଇନ୍ସପେକ୍ଟର ସୁଶାନ୍ତ ସାହୁ ଅଭିଯୋଗର ତଦନ୍ତ ଭାରକୁ ଗ୍ରହଣ କରିଛନ୍ତି ।
ସନ୍ତୋଷ ଆହତ ଅବସ୍ଥାରେ ତୁମୁଡ଼ିବନ୍ଧ ମେଡ଼ିକାଲରେ ଚିକିତ୍ସିତ ହେଉଥିବା ସମୟରେ ସେଠାରୁ ଫେରାର ହୋଇଯାଇଥିଲେ । ଦୀର୍ଘ 7 ଘଣ୍ଟା ପରେ ସିର୍ଲା ପଞ୍ଚାୟତର ବିରିମିଲା ଗାଁରୁ ପୁଲିସ ତାଙ୍କୁ ଧରିଥିଲା । ଏନେଇ ଆଉ ଏକ ମାମଲା ତାଙ୍କ ବିରୁଦ୍ଧରେ ରୁଜୁ କରାଯାଇ ତାଙ୍କୁ କୋର୍ଟ ଚାଲାଣ କରାଯାଇଛି ।