ପ୍ରେମିକ ଖେଳିଲା ରକ୍ତର ହୋଲି! ଡାକ୍ତର ପ୍ରେମିକାକୁ ହତ୍ୟା କରି ରଚିଲା ନିଜ ମୃତ୍ୟୁର କାହାଣୀ, ଜାଣନ୍ତୁ ପୂରା ଘଟଣା
ହୋଲି ଅବସରରେ ପ୍ରେମିକାର ରକ୍ତରେ ରଙ୍ଗ ଖେଳିଲା ପ୍ରେମିକ। ଯେଉଁ ପ୍ରେମ ପାଇଁ ଦିନେ ସମସ୍ତଙ୍କ ସହିତ ଲଢ଼ି ଯାଉଥିଲା, ଆଜି ନିଜ ହାତରେ ହିଁ ପ୍ରେମିକାର ଜୀବନ ନେଇଗଲା ଏହି ଯୁବକ। ହୋଲି ସମୟରେ ଜମ୍ମୁ ଅଞ୍ଚଳରେ ଏଭଳି ଏକ ଚଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଯୁବକ ଜଣକ ନିଜେ ଆତ୍ମହତ୍ୟା କରିବାକୁ ଉଧ୍ୟମ କରିଥିବା ମଧ୍ୟ ଜଣାପଡ଼ିଛି।
ମିଳିଥିବା ସୂଚନା ଅନୁଯାଇ ମୃତ ମହିଳା ଡାକ୍ତରଙ୍କ ନାଁ ଡଃ ସୁମେଧା ଶର୍ମା(୨୬)। ତାଙ୍କ ଘର ତାଲାବ ତିଲ୍ଲୋ(ଜମ୍ମୁ)ରେ ହୋଇଥିବା ବେଳେ ହତ୍ୟାକାରୀ ପ୍ରେମିକର ନାମ ଜୋହର ଗନଇର ଅଟେ ଏବଂ ତାର ଘର ଡୋଡା ଜିଲ୍ଲାରେ ବୋଲି ଜଣାପଡିଛି। ଉଭୟେ ଗୋଟିଏ କଲେଜରେ ପାଠ ପଢୁଥିଲେ ଏବଂ ସେମାନେ ଜମ୍ମୁର ଏକ ଡେଣ୍ଟାଲ କଳେଜରୁ ବିଡିଏସ୍ କରିଥିଲେ।
ତେବେ, ସୁମେଧା ଜମ୍ମୁ-କାଶ୍ମୀର ବାହାରେ ଏକ କଲେଜରେ ଏମ୍ଡିଏସ୍ କରୁଥିଲେ। ହୋଲି ଅବସରରେ ସେ ଜୋହରକୁ ଦେଖା କରିବାକୁ ଯାଇଥିବା ବେଳେ ତାଙ୍କ ଘରେ କୌଣସି କାରଣରୁ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଜୋହର ସୁମେଧାଙ୍କୁ ଛୁରୀ ଭୂଷି ହତ୍ୟା କରିଥିଲା। ସେ ନିଜେ ନିଜ ଆତ୍ମହତ୍ୟା ବିଷୟରେ ସୋସିଆଲ ମିଡିଆରେ ପୋଷ୍ଟ କରିବା ପରେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା। ଜୋହରକୁ ଡାକ୍ତରଖାନାରେ ଭର୍ତ୍ତି କରାଯିବା ସହିତ ତା ନାମରେ ଏକ ହତ୍ୟା ମାମଲା ରୁଜୁ କରାଯାଇଛି।