୮ ବର୍ଷର ପ୍ରେମ ପରେ ବିବାହ ପାଇଁ ମନା କରିଦେବାରୁ ପ୍ରେମିକକୁ ମାରି ନାଳରେ ଫିଙ୍ଗିଦେଲା ପ୍ରେମିକା, ଆଉ ତା'ପରେ ...
ଗୁଜୁରାଟର ଛୋଟା ଉଦୟପୁର ଜିଲ୍ଲାରେ ଏକ ମୃତଦେହ ମିଳିଛି । କୁହାଯାଉଥିଲା ଯୁବକଙ୍କୁ ହତ୍ୟା କରାଯାଇ ତାଙ୍କ ମୃତଦେହ କେନାଲରେ ଫିଙ୍ଗି ଦିଆଯାଇଥିଲା । ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଥିଲା । ଏହି ଯୁବକ ଜଣକ ଡୁମାଲି ଗାଁର ନୀଲେଶ ଇଶାକ ବୋଲି ଜଣାପଡିଛି ।
27 ବର୍ଷୀୟ ନୀଲେଶ ଇଶାକଙ୍କ ଭାଇ ପୋଲିସ ନିକଟରେ ଏକ ନିଖୋଜ ଅଭିଯୋଗ ଦାଖଲ କରିଥିଲେ । ପୋଷ୍ଟମର୍ଟମ ରିପୋର୍ଟ ଆସିବା ପରେ ପୋଲିସ ଅନୁଭବ କଲା ଯେ ନୀଲେଶଙ୍କୁ ଗଳା କାଟି ହତ୍ୟା କରାଯାଇଛି । ପରେ ତାଙ୍କ ମୃତଦେହକୁ ଫିଙ୍ଗି ଦିଆଯାଇଥିଲା । ମୃତକଙ୍କ ପରିବାର କହିଛନ୍ତି ଯେ ନିକଟ ଗ୍ରାମରେ ରହୁଥିବା ଶ୍ରେୟସ୍ ଓରଫ୍ ଅପୁ ସୋନି ଏବଂ ଜୟା ରାଠୱା ତାଙ୍କୁ ଅନେକ ଥର ହତ୍ୟା କରିବାକୁ ଧମକ ଦେଇଥିଲେ ।
ଆହୁରି ପଢନ୍ତୁ :- ଶାରୀରିକ ସମ୍ବନ୍ଧ ନ ରଖିବାରୁ ସ୍ତ୍ରୀକୁ ଅତି ନୃସଂଶ ହତ୍ୟା କଲା ସ୍ୱାମୀ, ଜାଣନ୍ତୁ ପୂରା ଘଟଣା
ପରିବାରର ବିବୃତ୍ତି ପରେ ପୋଲିସ ଜୟା ରାଠୱା ଏବଂ ଆପୁ ସୋନିଙ୍କୁ ପଚରାଉଚରା କରିଥିଲା । ପ୍ରଥମେ ଦୁହେଁ କିଛି କହି ନଥିଲେ । କିନ୍ତୁ ପରେ ପୁଙ୍ଖାନୁପୁଙ୍ଖ ପଚରାଉଚରା ପରେ ସେ ହତ୍ୟା ଅପରାଧ ସ୍ୱୀକାର କରିଛନ୍ତି । ଜୟା ରାଠୱା ପୋଲିସକୁ କହିଥିଲେ ଯେ ସେ ନୀଲେଶଙ୍କ ସହ 8 ବର୍ଷ ଧରି ପ୍ରେମ ସମ୍ପର୍କ ରଖିଥିଲେ । ହେଲେ ନୀଲେଶକୁ ବାରମ୍ବାର କହିବା ପରେ ମଧ୍ୟ ସେ ବିବାହ ପାଇଁ ବିଳମ୍ବ କରୁଥିଲେ । ଏଥିପାଇଁ ଉଭୟଙ୍କ ମଧ୍ୟରେ ବାରମ୍ବାର ମନୋମାଳିନ୍ୟ ହେଉଥିଲା । ଶେଷରେ ବିବାହ କରିବାକୁ ରୋକଠୋକ୍ ମନା କରିଦେଇଥିଲେ । ଏହି ସମୟରେ ସେ ଆପୁ ସୋନିଙ୍କୁ ଭେଟି ଏକ ପ୍ରେମ ସମ୍ପର୍କ ଆରମ୍ଭ କରିଥିଲେ । ପରେ ଦୁହେଁ ନୀଲେଶଙ୍କୁ ହତ୍ୟା କରିବାକୁ ଯୋଜନା କରିଥିଲେ ।
ଜୟା ପୋଲିସକୁ କହିଛନ୍ତି ଯେ ଘଟଣା ଦିନ ସେ ନୀଲେଶଙ୍କୁ ଦେଖା କରିବାକୁ ଡାକିଥିଲେ । ସାକ୍ଷାତ ପରେ ଦୁହେଁ କାରରେ ବସି କଥା ହେଉଥିଲେ । ସେମାନେ ସୁଯୋଗ ପାଇବା ମାତ୍ରେ ଆପୁ ସୋନି ଏବଂ ସେ ନୀଲେଶଙ୍କୁ କାରର ସିଟ୍ ବେଲ୍ଟରେ ଗଳା ଚିପି ହତ୍ୟା କରିଥିଲେ । ତା’ପରେ ତାଙ୍କ ଶରୀରକୁ କେନାଳରେ ଫୋପାଡି ଦେଲେ । ଏହା ପରେ ସେ ମୁମ୍ବାଇ ଯାଇଥିଲେ । ପୋଲିସ ଅଭିଯୁକ୍ତକୁ ଗିରଫ କରିଛି ଏବଂ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ।