ଡ଼ାକ୍ତରଖାନାରେ ଅବହେଳା ଅଭିଯୋଗ ପରେ ରୋଗୀ ବେଶରେ ପହଞ୍ଚିଲେ SDM, ଚିହ୍ନିବା ପରେ ସମସ୍ତେ ଛାନିଆ, ଜାଣନ୍ତୁ ପୁରା ଖବର
ହେଲେ ଏହି ଅଫିସର୍ ଜଣଙ୍କ ପ୍ରମାଣିତ କରି ଦେଇଛନ୍ତି ଯଦି ଏହି ଦୁର୍ନୀତିକୁ କେହି ମୂଳପୋଛ କରିବାକୁ ଚାହେଁ ତେବେ ଏହା କିଛି ବଡ କଥା ନୁହେଁ । କେବଳ ସେହିଭଳି ମନୋବୃତ୍ତିର ଆବଶ୍ୟକତା ରହିଛି । ଯାହା ଏହି ଲେଡି ଅଫିସର୍ ଜଣଙ୍କ କରି ଦେଖାଇଛନ୍ତି ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର
Follow our WhatsApp channel and get all the Latest news
ତେବେ ଏଭଳି ଏକ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶ ଫିରୋଜାବାଦ୍ ରେ । ସେଠାକାର ଏକ ସରକାରୀ ଡାକ୍ତରଖାନା ବିରୋଧ ରେ ଆସିଥିବା ଅଭିଯୋଗକୁ ତଦାରଖ କରିବା ପାଇଁ ସେହି ଜିଲ୍ଲାର SDM ସେଠାରେ ନିଜେ ସାଧାରଣ ଭାବେ ପହଞ୍ଚି ମେଡିକାଲ୍ ର ବ୍ୟବସ୍ଥାକୁ ତଦାରଖ କରିଥିଲେ । ସୂଚନା ଅନୁସାରେ ମହିଳା SDM କୃତିରାଜ୍ ସେହି ମେଡ଼ିକାଲ ରେ ଭଲ ସ୍ବାସ୍ଥ୍ୟ ସେବା ଯୋଗାଇ ଦିଆଯାଉ ନାହିଁ ବୋଲି ସୂଚନା ପାଇଥିଲେ । ତେଣୁ ସେ ଘଟଣାଟିକୁ ତଦନ୍ତ କରିବା ପାଇଁ ନିଜେ ସାଧାରଣ ରୋଗୀ ଭାବେ ଶାଢ଼ୀ ପିନ୍ଧି ପଣତରେ ନିଜ ମୁହଁ ଘୋଡାଇ ସେଠାକୁ ଯାଇଥିଲେ ।
ସେଠାକାର ବ୍ୟବସ୍ଥା ଦେଖି ସେ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ । ସେଠାରେ ସେ ନିଜେ ଟିକେଟ କାଟିଥିଲେ ଓ ଡାକ୍ତରଙ୍କ ପାଖକୁ ଯାଇଥିଲେ । ଯାହା ପରେ ସେ ଜାଣିବାକୁ ପାଇଥିଲେ ଯେ ନା ସେଠାକାର ଡାକ୍ତରଙ୍କର ବ୍ୟବହାର ଭଲ ଅଛି ରୋଗୀ ମାନଙ୍କ ପ୍ରତି ନା କର୍ମଚାରୀ ମାନଙ୍କର । ସମସ୍ତେ ନିଜ ଇଚ୍ଛାରେ ଆସୁଛନ୍ତି ଓ ଯାଉଛନ୍ତି । ଏପରିକି ଯେଉଁ ମାନେ ଉପସ୍ଥିତ ବି ନାହାନ୍ତି ସେମାନଙ୍କର ବି ରେଜିଷ୍ଟର ରେ ବି ନାଆଁ ପଡିଛି ।
ଏପରିକି ଏକ୍ସପାରି ମେଡ଼ିସିନ୍ ଲୋକ ମାନଙ୍କୁ ଦିଆ ଯାଉଛି । ଲୋକ ମାନଙ୍କୁ ବେଡ୍ ଥାଇ ମଧ୍ୟ ଛିଡ଼ା ହୋଇ ସାଲାଇନ୍ ନେବାକୁ ପଡୁଛି । ମେଡ଼ିକାଲ ର ଅନ୍ୟ ଉପକରଣ ଗୁଡ଼ିକର ଅବସ୍ଥା ନ କହିଲେ ଭଲ । ଏହି ସବୁ ଦେଖିବା ପରେ SDM ମ୍ୟାଡମ୍ ମେଡିକାଲ୍ କର୍ତ୍ତୃପକ୍ଷଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।