ଦେଖନ୍ତୁ ଭିଡ଼ିଓ: ପ୍ରଧାନମନ୍ତ୍ରୀ ମୋଦୀଙ୍କ ସୁରକ୍ଷାରେ ବିଫଳତା! କାର ପାଖକୁ ଦୌଡ଼ି ଆସିଲେ ଯୁବକ, ଆଉ ତାପରେ... ୍

ଗୁରୁବାର ଦିନ କର୍ଣ୍ଣାଟକର ହୁବଲି ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷାରେ ଢ଼ିଲାପଣକୁ ନେଇ ଏକ ମାମଲା ସାମ୍ନାକୁ ଆସିଛି। ଯୁବ ମହୋତ୍ସବକୁ ଉଦଘାଟନ କରିବା ପାଇଁ ପ୍ରଧାନମନ୍ତ୍ରୀ ଏଠାକୁ ଆସିଛନ୍ତି। ସେ ଏକ ରୋଡ୍ ସୋ କରୁଥିବା ବେଳେ ଜଣେ ଯୁବକ ତାଙ୍କ କାରର ଫାଟକ ପାଖକୁ ଦୌଡ଼ି ଆସି ତାଙ୍କୁ ଫୁଲମାଳ ପିନ୍ଧାଇବାକୁ ଚେଷ୍ଟା କରିଥିଲେ।

 ତେବେ ଯୁବକ ଜଣକ ପ୍ରଧାନମନ୍ତ୍ରୀଙ୍କ ପାଖରେ ପହଞ୍ଚିବା ପୂର୍ବରୁ ସୁରକ୍ଷା କର୍ମୀମାନେ ତାଙ୍କୁ ଅଟକାଇ ଦେଇଥିଲେ। ସେହିପରି ସୁରକ୍ଷା ବ୍ୟବସ୍ଥାରେ କୌଣସି ବିଫଳତା ହୋଇନଥିବା ପୋଲିସ କମିଶନର କହିଛନ୍ତି। ଏହି ଘଟଣାର କିଛି ସମୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଠାରେ ୨୬ତମ ଜାତୀୟ ଯୁବ ମହୋତ୍ସବର ଉଦ୍ଘାଟନ କରିଥିଲେ।

<a href=https://youtube.com/embed/ytPb_Pya4f4?autoplay=1&mute=1><img src=https://img.youtube.com/vi/ytPb_Pya4f4/hqdefault.jpg alt=""><span><div class="youtube_play"></div></span></a>" style="border: 0px; overflow: hidden"" style="border: 0px; overflow: hidden;" width="750">

ଏହି ଅବସରରେ ଯୁବକମାନଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଯୁବ ଶକ୍ତି ହେଉଛି ଭାରତର ଡ୍ରାଇଭିଂ ଫୋର୍ସ। ଯୁବ ଶକ୍ତିର ଆକାଂକ୍ଷା ଭାରତର ଗନ୍ତବ୍ୟ ସ୍ଥଳକୁ ସ୍ଥିର କରିବା ସହିତ, ଯୁବ ଶକ୍ତିର ଆଗ୍ରହ ଭାରତର ମାର୍ଗ ନିର୍ଣ୍ଣୟ କରିବେ ବୋଲି ସେ କହିଥିଲେ। ଖେଳନା ଠାରୁ ଆରମ୍ଭ କରି ପର୍ଯ୍ୟଟନ, ପ୍ରତିରକ୍ଷା ଡିଜିଟାଲ ପର୍ଯ୍ୟନ୍ତ ପ୍ରତ୍ୟେକ କ୍ଷେତ୍ରରେ ଭାରତ ବିଶ୍ୱରେ ପ୍ରାଧାନ୍ୟ ବିସ୍ତାର କରୁଛି। ଇତିହାସର ଏହା ଏକ ବିଶେଷ ସମୟ ଏବଂ ଆପଣମାନେ ଏକ ବିଶେଷ ପିଢ଼ି ବୋଲି ମୋଦୀ କହିଛନ୍ତି।