“ଖେଳ ଆରମ୍ଭ ପୂର୍ବରୁ ମୋ ପାଦ ଛୁଇଁଥିଲା” ନିଜ ରେକର୍ଡ ଭାଙ୍ଗିବା ସଚିନ୍ କହିଦେଲେ ବିରାଟଙ୍କ ସବୁ କଥା

ବିରାଟ କୋହଲି ନେଲେ ତେନ୍ଦୁଲକର୍ ଙ୍କ ସ୍ଥାନ । ତେନ୍ଦୁଲକର୍ ଙ୍କ ପଛରେ ପକାଇ ଆଗ ଧାଡିର କ୍ରିକେଟର ବନିଲେ ବିରାଟ କୋହଲି । ଛୁଟିଲା ପ୍ରଶଂସାର ସୁଅ । ଭାରତୀୟ କ୍ରିକେଟ ଫ୍ୟାନ କଲେ ବାଃ ବାଃ । ନିକଟରେ ବିରାଟ କୋହଲି ୪୯ ଶତକ ମାରୀ ତେନ୍ଦୁଲକର୍ ଙ୍କ ସମକକ୍ଷ ହୋଇଥିଲେ । କିନ୍ତୁ ସେମି ଫାଇନାଲ ମ୍ୟାଚରେ ପଛରେ ପକାଇ ଦେଇଛନ୍ତି ତେନ୍ଦୁଲକରଙ୍କୁ । 

ୱାଙ୍ଖଡେ ଷ୍ଟାଡିୟମ୍ ରେ ନିଉଜଲ୍ୟାଣ୍ଡ ବିପକ୍ଷରେ ଖେଳା ଯାଇଥିବା ସେମି ଫାଇନାଲରେ ବିରାଟ କୋହଲି ୫୦ ଶତକ ମାରୀ ସୃଷ୍ଟି କରିଛନ୍ତି ନୂଆ ଇତିହାସ । ତାଙ୍କର ଏହି ଶତକ ତେନ୍ଦୁଲକରଙ୍କ ରେକର୍ଡକୁ ପଛରେ ପକାଇ ଦେଇଛି । ଯେଉଁଥି ପାଇଁ ତାଙ୍କୁ ବିଭିନ୍ନ ଦିଗରୁ ଶୁଭେଚ୍ଛାର ସୁଅ ଛୁଟିଛି । ଯେଉଁଥିରେ ବାଦ୍ ପଡ଼ି ନାହାନ୍ତି ତେନ୍ଦୁଲକର ।

ଭାରତର ପ୍ରଥମ ଇନିଂସ ପରେ ସଚିନ୍ ତେନ୍ଦୁଲକରଙ୍କୁ ଭେଟିଥିଲେ ସେଞ୍ଚୁରୀ କିଙ୍ଗ ବିରାଟ କୋହଲି । ସେମି ଫାଇନାଲରେ ଐତିହାସିକ ଶତକ ପାଇଁ ସଚିନ୍ ବିରାଟଙ୍କୁ ଟ୍ୱିଟ କରି ଶୁଭେଚ୍ଛା ଜଣାଇଛନ୍ତି ।

ଏହାସହିତ ପଡ଼ିଆରେ ମଧ୍ୟ ସଚିନ କୋହଲିଙ୍କୁ ଶତକର ଶୁଭକାମନା ଦେଇଛନ୍ତି । ତେବେ ପାଖରେ ନିଜର ପ୍ରେରଣାକୁ ପାଇ କୋହଲି ସଚିନଙ୍କ ପାଦ ଛୁଇଁ ଆର୍ଶୀବାଦ ନେଇଛନ୍ତି ।

ତେନ୍ଦୁଲକର ବିରାଟଙ୍କୁ ବଧାଇ ଦେଇ କହିଛନ୍ତି , ମୁଁ ଏଥି ପାଇଁ ବହୁତ୍ ଖୁସି ଯେ ଏକ ଭାରତୀୟ କ୍ରିକେଟର ହିଁ ଏହା କରି ଦେଖାଇ ପାରିଛି । ସେ ଆହୁରି ତାଙ୍କ ପୁରୁଣା ଦିନର ସ୍ମୃତି ମନେ ପକାଇ ଲେଖିଛନ୍ତି କ୍ରିକେଟ ଡ୍ରେସିଂ ରୁମରେ ଜଣେ ଯେତେବେଳେ ମୋ ସହ ପ୍ରଥମ ଥର ପାଇଁ ଭେଟ ହୋଇଥିଲା ମୋ ପାଦ ଛୁଇଁବା ନେଇ ଅନେକ ମଜା କରି ହସିଥିଲା । ଯେଉଁଥିରେ ମୁଁ ମଧ୍ୟ ହସିଥିଲି । ହେଲେ ମୁଁ ଆଜି ବହୁତ୍ ଖୁସି ଯେ ସେହି ଚିକୁ ଆଜି ବିରାଟ କୋହଲି ବନି ଯାଇଛି ।