ଏହି ବଡ଼ କାରଣରୁ ନ୍ୟୁଜିଲ୍ୟାଣ୍ଡ କଲା ପାକିସ୍ତାନ ସହ ସିରିଜ ରଦ୍ଧ, ଏହାପରେ ପାକିସ୍ତାନ ଭାରତକୁ ଦେଉଛି ଦୋଷ

ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଆରମ୍ଭ ହେବାକୁ ଥିବା କ୍ରିକେଟ ସିରିଜ ରଦ୍ଧ ହୋଇଯାଇଛି। ପ୍ରଥମ ମ୍ୟାଚ ହେବାକୁ ଥିବାବେଳେ ଏହାର ମାତ୍ର କିଛି ଘଣ୍ଟା ପୂର୍ବରୁ ହିଁ ନ୍ୟୁଜିଲ୍ୟାଣ୍ଡ ଏହି କଠୋର ନିଷ୍ପତ୍ତି ନେଇଛି। ଖେଳାଳି ମାନଙ୍କ ସୁରକ୍ଷା ଦୃଷ୍ଟିକୋଣରୁ ନ୍ୟୁଜିଲ୍ୟାଣ୍ଡ ଏଭଳି ନିଷ୍ପତ୍ତି ନେଇଥିବା କଥା ସ୍ପଷ୍ଟ କରିଛି। ଗୋଟିଏ ପଟେ ଆତଙ୍କବାଦୀ ସଂଘଠନର ଆକ୍ରମଣ ଭୟରେ ନ୍ୟୁଜିଲ୍ୟାଣ୍ଡ ଏହି ଗସ୍ତ ରଦ୍ଧ କରିଥିବା ବେଳେ ଏହାକୁ ପାକିସ୍ତାନବାସୀ ସହଜରେ ଗ୍ରହଣ କରିପାରି ନାହାନ୍ତି।

ସବୁବେଳେ ଆତଙ୍କବାଦକୁ ସମର୍ଥନ କରି ଆସୁଥିବା ପାକିସ୍ତାନ କିନ୍ତୁ ନିଜର ଭୁଲ ସ୍ୱୀକାର କରିବାକୁ ନାରାଜ୍। ନ୍ୟୁଜିଲ୍ୟାଣ୍ଡର ଏଭଳି ନିଷ୍ପତ୍ତି ପଛରେ ବିସିସିଆଇର ହାତ ଥିବା ପାକିସ୍ତାନୀ ମନେ କହୁଛନ୍ତି। ଏହି ସିରିଜ ରଦ୍ଧ ହେବାପରେ ପିସିବି ତରଫରୁ ଏକ ଟ୍ୱିଟ କରାଯାଇଥିଲା ଯାହାର କମେଣ୍ଟ ସେକ୍ସନରେ ପାକିସ୍ତାନୀ ସାମ୍ବାଦିକ ଫରୱା ମୁନିରଙ୍କ ସମେତ ଅନେକ ଲୋକ ଏହା ପଛରେ ଭାରତ ଏବଂ ବିସିସିଆଇକୁ ଦାୟୀ କରୁଥିବାର ଦେଖିବାକୁ ମିଳିଥିଲା।