ଚେନ୍ନାଇ ଦଳର ଅଧିନାୟକ ପଦ ଛାଡ଼ିବେ ଧୋନି! ଏହି ଖେଳାଳି ହେବେ ଦଳର ଏଥର ଅଧିନାୟକ

ଚଳିତବର୍ଷ ଆଇପିଏଲ୍ ସିଜନ ଆରମ୍ଭ ହେବା ପୂର୍ବରୁ ଚେନ୍ନାଇ ସୁପର କିଙ୍ଗସ୍ କୁ ନେଇ ଚର୍ଚ୍ଚା ଜୋର ଧରିଛି। ଆଉ କିଛି ମାସ ପରେ ଇଣ୍ଡିଆନ୍‌ ପ୍ରିମିୟର ଲିଗ୍‌(ଆଇପିଏଲ୍‌)ର ୧୫ତମ ସଂସ୍କରଣ ଆରମ୍ଭ ହେବାକୁ ଯାଉଥିବା ବେଳେ ଚଳିତବର୍ଷ ଏମଏସ୍ ଧୋନି ଅଧିନାୟକ ପଦରୁ ଇସ୍ତଫା ଦେବେ ବୋଲି କୁହାଯାଉଛି। ସାମ୍ବାଦିକ ରମେଶ ବାଲା ଏଥିନେଇ ଏକ ଟ୍ୱିଟ କରିବା ପରେ ଏଥିନେଇ ଚର୍ଚ୍ଚା ଜୋର ଧରିଛି।

ଏଠାରେ କହି ରଖୁଛୁ ଯେ ରବୀନ୍ଦ୍ର ଜାଡେଜା ୨୦୦୮ ରେ ପ୍ରଥମ ଥର ପାଇଁ ରାଜସ୍ଥାନ ରୟାଲ୍ସରୁ ଆଇପିଏଲ ଖେଳିଥିଲେ। ଏହାପରେ ଜାଡେଜା ଚେନ୍ନାଇ ଦଳକୁ ଚାଲି ଆସିଥିଲେ ଏବଂ ସେବେଠାରୁ ହିଁ ସେ ସିଏସକେ ପକ୍ଷରୁ ଖେଳି ଆସୁଛନ୍ତି। ଏପର୍ଯ୍ୟନ୍ତ ଜାଡେଜା ଆଇପିଏଲରେ ୨୦୦ ମ୍ୟାଚ ଖେଳିଥିବା ବେଳେ ଏଥିରେ ସେ ୨୩୮୬ ରନ୍‌ କରିବା ସହିତ ୧୨୭ ଉଇକେଟ ନେଇ ସାରିଛନ୍ତି। କେବଳ ଏତିକି ନୁହେଁ ଫିଲ୍ଡରେ ତାଙ୍କୁ ଜଣେ ଚମତ୍କାର ଫିଲ୍ଡର ଭାବରେ ମଧ୍ୟ ଗଣାଯାଇଥାଏ।